Slembibullsbraedur

Jólabanner ofl

2007-12-22T21:26:00.000Z

Sniðugt að hafa jólabannerinn allt árið. Hann á amk við núna.

Er einhver að detta inn á þessa síðu ekkert blögg síðan 10 júlí?

Ætla að nota tækifærið og óska öllum slembibullsbræðum nær og fjær og til sjávar og sveita gleðilegra jóla

Frá Amnesty International

2007-07-10T11:14:00.000Z

Fékk þetta í tölvupósti frá félaginu, ótrúlegt að á 21. öldinni skuli enn vera til barbarar sem grýta fólk til bana, væri ekki nær að senda þau í rafmagnsstólinn og drepa þau með virðingu og mannúðlegum hætti eins og Bandaríkin gera. Nei nú verður Bush bara að senda inn almennilegt herlið og sprengja alla barbara í burtu, þetta gengur ekki lengur.

Maður grýttur til bana og óttast að kona hljóti sömu örlög

Það hryggir okkur að tilkynna að Jafar Kiana (ónefndi maðurinn sem átti á hættu að vera tekinn af lífi ásamt Mokarrameh Ebrahimi) var grýttur til dauða í þorpinu Aghche-kand, nálægt bænum Takestan í Qazvin-héraði, fimmtudaginn 5. júlí. Amnesty International óttast að Ebrahimi hljóti sömu örlög nema yfirmaður dómsmála í Íran, Ayatollah Hashemi Shahroudi, skerist undir eins í leikinn.

Kiani og Ebrahimi voru dæmd til að vera grýtt til dauða fyrir hjúskaparbort undir 83. grein íranskra hegningarlaga. Parið hefur setið í Choubin-fangelsi í 11 ár og talið er að tvö börn þeirra dvelji í fangelsi hjá móður sinni. Parið átti að taka af lífi þann 21. júní sl. en aftökunum var frestað eftir að aktívistar í Stop Stoning Forever-herferðinni komu fréttum af örlögum parsins út til almennings og bréfum rigndi inn til íranskra stjórnvalda. Í kjölfarið gaf Ayatollah Shahroudi út skipun um að aftökunni skyldi frestað. Dómurinn var enn í gildi en ekki var talið að honum yrði framfylgt í bráð.

Það var því mikið áfall þegar Stop Stoning Forever-herferðin sagði þær fréttir þann 7. júlí að Jafar Kiani hefði verið grýttur til dauða tveimur dögum fyrr, aðallega af embættismönnum á svæðinu.

Óttast er að Mokarrameh Ebrahimi hljóti sömu örlög. Því eru allir félagar Amnesty International hvattir til að skrifa írönskum yfirvöldum bréf í samræmi við eftirfarandi leiðbeiningar og krefjast þess að hætt verði aftökuna á Ebrahimi og dómurinn yfir henni mildaður.

Með von um að sem flestir sjái sér fært að taka þátt.

Kær kveðja

Skrifstofan

Svona hlutir

2007-06-20T13:17:00.000Z

Það eru akkúrat svona hlutir sem fá mann til að hafa minni samúð með stjórvöldum landa og þetta er eins og að skvetta olíu á stríðsáætlanir Bandaríkjanna gagnvart Íran. Bush er örugglega himinlifandi yfir þessum grýtingar dómi þar sem að nú getur hann ruðst þarna inn og frelsað Íran undan þessari hræðilegu harðstjórn eins og hann gerði í Írak.

Frá Amnesty International

2007-06-20T13:13:00.000Z

Grýta á karl og konu til dauða í Íran í fyrramálið

Kæri félagi

Okkur barst eftirfarandi bréf þar sem beðið var um hjálp Amnesty-félaga í máli konu og karlmanns í Íran sem á að grýta til dauða í fyrramálið kl. 09:00 að írönskum tíma eða kl. 12:30 að íslenskum tíma. Parið var dæmt fyrir framhjáhald og sagt er að þau eigi barn saman. Þau hafa dvalið í fangelsi í 11 ár í Qazvin-héraði.

Amnesty-félagar eru hvattir til að leggja þeim lið og senda bréf með eftirfarandi skilaboðum (sjá Recommended actions) til Ayatollah Mahmoud Hashemi Shahroudi, yfirmanns dómsmála í Íran.

Við hvetjum þig eindregið til að taka þátt í þessari aðgerð.

Kær kveðja Skrifstofan

Recommended actions:
- calling for an immediate halt to the scheduled execution by stoning of Mokarrameh Ebrahimi and an unnamed man, which is reportedly due to take place on 21 June in the Behesht Zahra cemetery in Takistan, Ghazvian province;
- calling for the death sentences against Mokarrameh Ebrahimi and the unnamed man to be commuted; - stating your unconditional opposition to the death penalty, as the ultimate cruel, inhuman and degrading punishment and violation of the right to life;
- noting that execution by stoning is prescribed for the adultery of an unmarried woman or an unmarried man, and stating that Amnesty International is opposed to the criminalization of consensual adult sexual relations in private;
- calling for the abolition in law of execution by stoning in Iran.

Who to send appeals to?
Head of the Judiciary,
Ayatollah Mahmoud Hashemi Shahroudi Ministry of Justice,
Ministry of Justice Building,
Panzdah-Khordad Square,
Tehran,
Islamic Republic of Iran
Fax: +98 21 3390 4986 (please keep trying)
Email: info@dadgostary-tehran.ir (In the subject line: FAO Ayatollah Shahroudi)
Salutation: Your Excellency Director,

Qazvin State Government Office
Please mark: for the attention of the Director of Qazvin State Government Office
Fax: + 98 281 3682941 or + 98 281 3682895
Salutation: Dear Sir

Partíborg

2007-06-05T10:43:00.000Z

Þetta hlýtur þá að vera mesta partíborg Evrópu þar sem að fólk þarf ekki lengur að kaupa kókaínið, þú bara andar því að þér

2007-05-21T09:51:00.000Z

Stórkostlegir tónleikar: Dómur

Reykjavík - borg dauðans

2007-05-18T20:08:00.000Z

Ég er einn af þessum erfiðu sem hringja á lögguna þegar menn eru bara í góðum fíling.

En ég var áðan á gangi á Austurvelli og nýbúinn að kaupa mér 3D World í Eymundsson. Ég rölti semsagt yfir Austurvöll og framhjá styttunni af Jóni Sigurðsyni. Þar sátu tveir menn, sennilegast á milli fimmtugs og sextugs. Voru þeir með einhverja poka í kringum sig og frekar draslaralegt í kringum þá. Annar þeirra var búinn að bretta upp ermarnar og lak blóð niður eftir höndinni á honum og stutt frá þar sem að blóðið lak var hann búinn að stinga sprautunál í handlegginn og var að dópa sig. Fannst mér því líklegt að þetta hafi því verið hans önnur tilraun. Semsagt menn bara í góðum fílíng og njóta lífsins á miðjum Austurvelli og fullt af fólki í kring.

Ég gekk nokkra metra í burtu og hringdi svo á lögguna, því ég er ekkert fyrir það að menn séu að dópast svona á almannafæri, enda hef ég verið buffaður af dópista í einhverju rugli. Löggan sagði mér að þeir hefðu verið að fjarlægja einhverja menn þarna í bænum rétt áður en ætluðu að halda áfram að fylgjast með svæðinu. Á meðan ég talaði við lögguna stóðu mennirnir upp og löbbuðu í burtu, en ég hafði engan áhuga á að fylgjast með þeim neitt meir.

En ég verð að segja að þetta er með því ógeðslegra sem ég hef séð og var eins og tekið úr slæmu atriði í Trainspotting. Fyrst var gaurinn frekar "desperat" og svo þegar hann var búinn að þessu þá kættist hann og vinur hanns líka og greinilegt að nú var gaman að lifa á ný.

bíó

2007-04-30T23:59:00.000Z

Fyrsta hreyfimyndin sem ég bý til og ákvað að hafa hana doldið táknræna og djúpa eins og vatnið, en hér má glöggt sjá upphaf alheimsins eða eitthvað

Búx og bíll

2007-04-29T22:34:00.000Z

Við Hjölli erum farnir að stúdera þrívíddarhugbúnaðinn Maya og það gæti vel farið að við myndum kannski rotta okkur og fleiri saman og gera stuttmynd sem myndi síðan vinna óskarinn. Málið er bara að finna einhverja góða smásögu og gera hreyfimynd úr henni eða eitthvað. Jafnvel semja eitthvað sjálfir.

Hérna er fyrsta andlitið sem ég bý til:

Þetta er svipurinn á mér þegar Hjölli sagði mér að hann væri kominn út úr skápnum.

Við Sonja fórum í bíltúr í gær og heimsóttum ömmu hennar á Blönduósi og fórum ýmsar krókaleiðir í myndasmíð okkar. Hérna eru tvær myndir af bílnum okkar nýja:

Freyjugata 34

2007-04-18T14:23:00.000Z

Þá er bara komið að því að selja mína fyrstu íbúð og kveð hana með söknuði.

Hér er auglýsingin á mogganum

Audible

2007-04-18T09:00:00.000Z

Ég gerðist í gær áskrifandi að audible.co.uk (líka til bandarísk útgáfa sem heitir audible.com en mér þótti breska síðan skemmtilegri þó þetta sé mjög svipað) og fæ hjá þeim 1 eða 2 hljóðbækur á mánuði. Þeir eru með ótrúlegt úrval af mjög áhugaverðum bókum og er þetta eitthvað sem ég ætla virkilega að nýta mér í framtíðinni að hlaða niður bók á þar til gerðann iPod og hlusta á bækur. Hver bók getur verið frá 5-10 klst en það er að sjálfsögðu mjög misjafnt.

Ég sótti mér í gær bók sem heitir The Second Coming of Steve Jobs (Unabridged) og þýðir Unabridged að hún sé óstytt og því í upprunalegri útgáfu - hún er um 8 klst og byrjaði ég að hlusta á hana seint í gærkvöldi og er búinn með tæplega 2 klst af henni. Virkilega áhugaverð bók sem ég mæli með.

Þarna inni eru líka bækur eða verk sem eru merkt sem Dramatized og er þá í raun um útvarpsleikrit að ræða.

Ég mæli með því að fólk skoði þessa síðu.

Hlaðvarp

2007-04-01T17:15:00.000Z

Ég er virkilega ánægður með að Rás 1 er byrjað að bjóða upp á efni í gegnum Podcast í iTunes. Núna er t.d. hægt að sækja í iPodinn sinn (og í tölvuna) leikritið Tími Nornarinnar og vonandi koma fleiri leikrit fljótlega. Það er einhver ótrúlegur sjarmi í kringum útvarpsleikri sem gerir það ansi gaman að hlusta á þau. Hérna eru meiri upplýsingar: Rás 1

Hafnfirðingar eru skynsamt fólk.

Jee

2007-03-30T09:29:00.000Z

Lang flottastur ;)

What Classic Movie Are You?
personality tests by similarminds.com

2007-03-29T10:16:00.001Z

Hvert stefnir þetta eiginlega: Texas

2007-03-28T15:22:00.000Z

What Classic Movie Are You?
personality tests by similarminds.com

Ljóslifandi

2007-03-28T11:29:00.000Z

Ég er að fara á tónleika í Grensáskirkju í kvöld, flottir tónleikar og gott málefni.

Árshátíðin búin

2007-03-20T22:53:00.000Z

Þá er árshátíðin á enda (að vísu endaði hún fyrir nokkrum dögum). Þetta var svona veðurstofuárshátíð með hefðbundnu sniði. Haldin í sal í Reykjavík, nánar tiltekið í Gullhömrum upp í Grafarholti. Háskóli Íslands var með sína árshátíð á sama stað þetta kvöld í næsta sal (voru reyndar um 500 manns þar, en 70 hjá okkur). Fengum við 2 hljómsveitir til að spila, en önnur spilaði yfir matnum en sú síðari var með ballið og stóð það frá 11-02 um nóttina.
En svo voru að sjálfsögðu þessi venjubundnu atriði, þ.e. ræða (sem Ragnar skjálfti flutti og var bara nokkuð skemmtilegur og sagði gamlar veðurstofusögur um hina og þessa skandala, sem menn segja ekki nema eftir 2-3 glös). Lauga símamær söng 3 lög með hljómsveitinni, en hún kom með hljómsveitina með sér, en þar var enginn annar en Guðmundur Ingólfsson trommari í broddi fylkingar, en hann er sennilegast þekktastur fyrir að hafa spilað með Björk á plötunni Gling Gló.
Svo undir lokin var sýnt lítið myndband sem tekið var upp á veðurstofu, en næstum allar konurnar á vinnustaðnum voru þar í aðalhlutverki og fer ég ekki nánar út í það, því það gæti bara misskilist.
Eftir þetta myndband kom smá dauður tími, en verið var að bíða eftir seinni hljómsveitinni, en það var hin margrómaða hljómsveit Stuðgosarnir og söngvarinn enginn annar er Garðar úr litaveri og lét ég fylgja hér mynd af þeim, en hún kom kl. 11 og spilaði eins og áður segir til kl. 2 um nóttina og hélt upp góðu stuði allan tíman. Ég er aftur á móti voðalega lítið fyrir gömlu dansana svo ég fór bara heim á miðnætti, en meðalaldurinn þarna inni var sennilegast eitthvað nálægt 60.

2007-03-19T10:04:00.000Z

Ef menn hafa áhuga á spillingu og slíku í bandarískum stjórnmálum þá er þetta blogg ansi gott - þvílíkt sem þessi kappi er afkastamikill: Frelsi og Franskar

Hugleikur

2007-03-18T23:11:00.000Z

Þegar Hugleikur Dagson var með kvikmyndapistla í tvíhöfða hérna í gamla daga þá fór hann nett í taugarnar á mér ... var voðalegur spekingur.

Það hefur nú heldur betur ræst úr honum, búinn að slá í gegn með teiknimyndabækur sínar sem eru að mínu mati alveg frábærar og búinn að setja upp leikrit o.flr. Ég taldi 6 bækur eftir hann niðri í bókabúð áðan og virðist hann hafa endalaust hugmyndaflug drengurinn.

Ég keypti mér áðan miða á söngleikinn hans sem heitir Leg og verður það eflaust mjög góð skemmtun.

Tvíhöfði er að gera ágætis hluti með þáttinn sinn á Rás 2 á sunnudögum. Þeir eru sennilegast ekkert að gera neitt annað en þeir voru að gera fyrir 10 árum síðan en þetta bara svínvirkar og ansi gaman að hlusta á þetta búx.

Á sunnudagskvöldum er ansi góður þáttur á Rás 2 sem heitir Uppruni Tegundanna. Þetta er möst þáttur fyrir tónlistarunnendur eins og ég þykist stundum vera en er ekki. Mæli með að menn gefi þessum þætti séns.

Jæja, ætlaði bara að leggja mitt af mörkum að koma þessu guðsvolaða blöggi á hreyfingu - gengur ekki að Hjölli og Árni sitji einir að kjötkötlunum.

Árshátíð

2007-03-17T14:36:00.000Z

Er að fara á árshátíð VÍ á eftir. Vildi bara deila þessu með ykkur þið þarna sem eruð að vafra um á netinu.

Vinnan

2007-03-16T15:47:00.000Z

Fyrir þá sem ekki vita þá er ég að skipta um vinnu hér innan Actavis - nú stefni ég nær peningunum eins og einhver sagði.
Ég á í raun bara 2 vikur eftir að eldri vinnu minni þannig að allt að gerast.

Skemmtilegt er að eitt verkefni er lítið stutt forritunarverkefni í gegnum Eskil, ég virðist seint losna undan innleiðingu hugbúnaðar...

Alþingi

2007-03-16T15:40:00.000Z

Nú þegar Alþingi fer að "loka" þá eykst alltaf fjöldi mála sem eru kláruð á lokasprettinum, sérstaklega núna rétt fyrir kostningar.
Er þetta eðlileg framganga, er ekki hætta á að mörg málefni eru afgreidd sem ekki hafa fengið eðilegan framgang og hugsun.
Ef maður er með erfitt mál þá á maður að opna fyrir það ekki of snemma heldur tiltölulega stutt í þinglok þannig að menn verði að kjósa um málið út frá færri umræðum og þá nærð þú sjálfur að undirbúa þig miklu betur en aðrir...

kannski er þetta bara bull í mér - smá pælingar á blogginu...

Tudd

2007-03-16T15:39:00.001Z

Heyrst hefur að Pálmi sé tuddari í fótbolta.....

Þjóðsöngurinn á útlensku

2007-03-16T13:54:00.000Z

Hymn

Our country's God, our country's God!
We worship Thy name in its wonder sublime.
The suns of the heavens are set in Thy crown
By Thy legions, the ages of time!
With Thee is each day as a thousand years;
Each thousand of years, but a day.
Eternity's flow'r, with its homage of tears,
That reverently passes away.
Iceland's thousand years,
Iceland's thousand years!
Eternity's flow'r, with its homage of tears,
That reverently passes away.

Our God, our God, we bow to Thee,
Our spirits most fervent we place in Thy care.
Lord, God of our fathers from age unto age,
We are breathing our holiest prayer.
We pray and we thank Thee a thousand years,
For safely protected we stand;
We pray and we bring Thee our homage of tears,
Our destiny rest in Thy hand.
Iceland's thousand years,
Iceland's thousand years!
The hoarfrost of morning which tinted those years,
Thy sun rising high, shall command!

Our country's God, our country's God!
Our life is a feeble and quivering reed;
We perish, deprived of Thy spirit and light
To redeem and uphold in our need.
Inspire us at morn with Thy courage and love,
And lead through the days of our strife!
At evening send peace from Thy heaven above,
And safeguard our nation through life.
Iceland's thousand years,
Iceland's thousand years!
O, prosper our people, diminish our tears
And guide, in Thy wisdom, through life!

Fer ekki að koma sumar

2007-03-16T13:17:00.000Z

Væri alveg til í að hafa 20 stiga hita og sól núna, en ekki þetta leiðinda slabb.

Dráttur

2007-03-09T17:07:00.000Z

Asskoti heppnaðist þessi dráttur vel. Ég meina sko drátturinn í meistaradeildinni.

Helgin

2007-02-26T18:51:00.000Z

Ógeðslega var veðrið gott um helgina (og er enn). Ég og Matti skruppum í bíltúr í Hvalfjörðinn og fengum okkur síðbúið hádegisverðarhlaðborð á Hótel Glym, en það er hinumegin í firðinum. Mæli með þessu hóteli, frábært útsýni og stutt að fara og svo er bara svo gaman að skreppa í Hvalfjörðinn núna. Áður keyrði maður þarna í gegn á milljón því maður var alltaf að drífa sig eitthvert annað, en á Laugardaginn tókum við bara daginn í þetta, keyrðum bara rólega (enda engin umferð) og tókum myndir þegar það átti við.

Það væri helvíti magnað ef það væri einhver veitingastaður í botni fjarðarins. Þá gæti maður rölt upp að Glym (fossinum) og fengið sér svo sveittan vegahamborgara og einn kaldann þegar maður kæmi til baka.

Blögg

2007-02-22T10:28:00.000Z

Allir að lesa O'Reilly blöggið um Lightroom þar sem ég skrifa regluglega pistla: Check it!

Afturhvarf til fortíðar og Mac - Vista

2007-02-20T13:39:00.000Z

Ég er búinn að vera í smá afturhvarfi til fortíðar undanfarið og hef verið að spila aðeins gamla Commodore 64 leiki hérna: C64. Þarna eru klassískir leikir eins og Beach Head, Archon, Dungeon Master, Pitstop, Boulder Dash, Blue Max o.flr., o.flr. Ég á ennþá C64 vélina mína og hef lengi haft huga á því að hengja hana upp á vegg eða eitthvað til minninga - ætli ég láti ekki bara verða af því fljótlega.

Ég hef einnig ákveðið að hætta að nota Windows heima hjá mér og skipta yfir í Mac þegar ég kaupi mér tölvu næst. Bæði finnst mér Windows frekar ljótt stýrikerfi og eins er ég ekki spenntur fyrir Vista sem er að koma núna. Mac stýrikerfið er bara margfallt flottara og í öðrum klassa að mínu mati. Dæmi um pirring minn á Windows gerðist síðasta laugardag þegar ég var að vinna í tölvunni um kvöldið og var með c.a. 10-15 glugga opna með allskonar upplýsingum í og fór síðan að sofa og hafði vélina í gangi. Daginn eftir fór ég aftur í tölvuna og ætlaði að halda áfram að vinna í því sem ég var með opið í tölvunni en þá hafði tölvan endurræst sig um nóttina og skilaboð voru á skjánum að kerfið hafi uppfært sig um nóttina og endurræst sig sjálfvirkt til að uppfærslan tæki gildi. Þannig var ég búinn að missa ýmislegt sem ég var með opið og skil í raun ekki af hverju stýrikerfið þarf að haga sér svona. Það væri líka skemmtileg tilbreyting að koma heim og vinna í Mac eftir að maður notar Windoze allan daginn í vinnunni.

Álverið burt?

2007-02-19T10:05:00.000Z

Er þetta kannski málið? http://safi.blog.is/blog/safi/entry/126526/

Tangó og $

2007-02-16T14:45:00.000Z

Við Sonja hnýttum á okkur dansskóna í gær, skelltum okkur síðan með Eiríki Hauks í mat og fórum síðan á tangó ball. Fyrsti klukkutíminn fór í að kenna okkur sporin, sem komu undarlega fljótt, enda vön því að tjútta salsa. Síðan tók við tangó ball og síðan fórum við heim.
Í hádeginu í dag mætti gullaldarlið Túnhvammsins (Eldklerkur, Pálmfróður og Hjöllfróður) vinnufélögum okkar og öðrum og stóðum við okkur bara nokkuð vel. Haukur reyndar kvartaði eftir á að ég væri grófasti leikmaður fyrirtækisins en svona tala bara lúserar og ég vísa svona ummælum til föðurhúsanna og hananú!

Fótboltalið

2007-02-16T10:25:00.000Z

Jói skellti inn hér um daginn link á bloggið hans Egils um ensk fótboltalið og hvernig þetta er allt saman farið að snúast um peninga og völd í stað þess að hafa gaman af leiknum. Enski boltinn er bara ekki lengur það sem hann var hér áður fyrr, þegar fjölskyldur gátu komið saman og skemmt sér yfir góðum leik þar sem leikmenn voru að spila vegna þess að þeir höfðu gaman af því, en ekki vegna þess að þeir fengu svo mikla peninga fyrir það. Fótboltaliðin orðin eins og hvert annað fyrirtæki þar sem allt snýst um að skila sem mestum hagnaði til eigendanna (eða fyrir rúsnesku mafíuna til peningaþvotta). Þetta hefur svo sannarlega endurspeglast í áhuga mínum á enska boltanum, því hann hefur næstum því alveg horfið nú í vetur. Mér er orðið alveg sama hvernig gengi liðana er í ensku deildinni og því ekki hægt að telja mig með lengur sem stuðningsmann nokkurs liðs í englandi, ég hef hreinlega glatað trúnni.

Þetta þíðir ekki að ég ætli að sniðganga ensku deildina. Ég ætla ekki að hætta að vera í Liverpool bolununum mínum og ég sjálfsagt brosi enn smá ef ég sé að Liverpool vinnur hin stóru liðin, en það bros endist bara í 2 sekúndur og svo er þetta gleymt og ég held áfram að gera það sem ég var að gera eins og ekkert hafi í skorist.

Lélegar afsakanir

2007-02-16T09:43:00.000Z

Ég hef engar góðar afsakanir fyrir bloggleysi og ætla því ekkert að vera að telja þær upp. En frá því að ég henti inn síðasta bloggi, sem var einhverntíman í byrjun árs, þá hefur eftirfarandi gerst (í síðasta bloggi var ég með hausverk og í athugasemdum var fjallað um eldibranda Jóhanns):

Ég fór í kjölfar eldibranda Jóhanns á sjúkrahús til að láta athuga á mér hausinn þar sem að ég sá að augasteinninn í hægra auga var stærri en augasteinn vinstra auga. Rannskókn þar leiddi ekkert í ljós og var mér bara sagt að taka verkjapillu og fara að sofa.
Þegar ég var svo í vinnunni vikuna á eftir var ég enn með hugan við augað, þar sem að umræddur augasteinn var ekkert að minnka og var ég oft með hausverk í vinnunni, en það hafði reyndar verið svo í þó nokkurn tíma og einnig hefur fjörkippur í hægra auga hrjáð mig síðan í haust.
Augnlæknirinn skoðaði augun á mér vandlega og setti einhverja dropa í augun til að kíkja á augnbotnana og sá ekkert athugavert við þá, en hins vegar var ég með sjónskekkju og +0,25 á hægra auga og lét hann mig því fá uppáskrift fyrir gleraugum.
Í dag nota ég gleraugu þegar ég vinn við tölvur og verður að segjast að það er bara mun skárra og er ég ekki lengur með hausverk í vinnunni.
Undir lok janúars fékk ég hálbólgu og var heima að drekka hálsbólgudrykki og borða hálsbólgupillur í eina viku og svo var það búið.
Ég hjálpaði líka Sindra og Ölmu og Steinari að flytja og í gærkvöldi var svo lokahnikkurinn tekinn í því sambandi og restin flutt út úr gamla húsinu og vorum við Sindri að þrífa húsið til kl. 00:45 í nótt og ég því doldið þreyttur núna og ákvað því bara að taka mér frí fyrir hádegi og mæta svo bara galvaskur í fótboltann á eftir kl. 11:20.
Svo má ekki gleyma þvíl að ég ákvað að kaupa mér annað lén (og á nú 2 lén, sem er eflaust meira en meðal ljónið á) sem ég hef notað svona til að fikta með og læra nýja hluti í vefmálunum. En þetta er bara eitt af mínum nördalegu áhugamálum, en ég hef alltaf haft gaman af því að leika mér í stýrikerfum og styllingum frá því að ég kynntist tölvum fyrst (fyrir um 20 árum, jæks hvað maður hljómar gamall þegar maður skellir svona tölum framan í fólk). Enda fékk ég mér lén sem er ekki um neitt annað en stýrikerfi og styllingar í forritum. Þetta áhugamál kostar ca 1000 kall á mánuði.

Nú ætla ég að fara að leita að stuttbuxum og einhverju öðru fimleikadóti og skella mér í fimleika með bolta ásamt hinum strákunum í fimleikahúsi fatlaðra

P.S. Ég held með fimleikafélagi í fótboltanum.

Foreldravandamál?

2007-02-14T13:02:00.000Z

Merkilegt línurit hér úr könnunni á högum barna. Eins og glöggt má sjá eru íslendingar skv þessu ekki mjög duglegir að tala við börnin sín. Eða þá að börn íslendinga séu hreinskilnari en önnur börn ved ikke.

Það eru aðeins þjóðverjar og ísraelsmenn sem kom verr út úr könnuninni. Hvað segiði um þetta lesendur?

Sea Shephard

2007-02-14T08:45:00.000Z

Í gær á leið í vinnuna heyrði ég af því þar sem tvö skip frá Sea Shephard voru að keyra inn í japönsk hvalveiðiskip með þeim afleiðingum að þeir þurftu að hökta í höfn svo þeir myndu ekki sökkva.
Málið snýst að sjálfsögðu um hvalveiðar - 130 hrefnur sem Japanir eru að veiða í vísindaskyni.

Er þetta í lagi eða er þetta hryðjuverk - menn eru ekki á sama máli með þetta. Ef skipið hefði sokkið og margir dáið hefði þetta flokkast undir hryðjuverk og menn tekið á þessum SS mönnum - eða er þetta bara hið besta mál, Japparnir eru að drepa sætu hvalina okkar..

Hvað segja bloggarar um þetta...

Happenings...

2007-02-13T16:35:00.000Z

Já maður hefur ekki staðið sig mjög vel undanfarið - ég hef nú smá afsökun en sennilega ekki nægilega fyrir allan þennan tíma sem hefur liðið.

En já það hefur gerst ýmislegt undanfarið:
1. Síðasta vika fór í þjálfun hjá mér - var að þjálfa í Lean Six Sigma - 12 manns sem voru að taka svokallaða Kaizen þjálfun, en þau munu vinna svokölluð örverkefni. Þetta var gríðarlega fróðlegt fyrir mig að taka þátt í þessu og stýra þessu.
2. Jú ég er búinn að skipta um vinna, þ.e. taka ákvörðun um að skipta um vinnu - fer sennilega alveg yfir 1 apríl. Ég verð deildarstjóri yfir "launch coordination" - þetta er skemmtileg breyting fyrir mig þar sem ég kem til með að vinna meira út fyrir Actavis og út fyrir landsteinana.
3. Einnig er ég stoltur faðir þessa dagana - minn farinn að móta setningar og er á skemmtilegu mótþróaskeiði - en ég er mjög ánægður með þetta allt en þetta hefur verið mikil viðbrigði fyrir mig og er ég enn að súpa þetta allt inn.
4. Nú ég ákvað að skella mér til Cuba Libre í mat til Fidel - verð hjá honum í 10 daga og hitti kannski Maradona, ég og konan förum bara 2 saman þannig að þetta verður mjög gaman vonandi.

Eins og sést þá er mikið að gera - nú er ég að vinna í 2 vinnum eiginlega, þó verður það sérstaklega í mars sem ég lendi í því, núna er ég að vinna í því að losa mig undan verkefnum og klára þau.

Kanínur

2007-02-13T15:59:00.000Z

Gaman að heyra þessar kanínusögur, þetta er greinilega mikil vinna.
Púki litli er ódæll og við eigum stundum í erfiðleikum með hann. Hann er mjög fjörugur og er kominn inn í hjónaherbergi upp í rúm áður en við vitum af og nagar nánast allt sem tönnum á festir. Hann er mikið fyrir moggann og nagar hann nánast í tætlur og er hann því síðastur á lestrarlistanum á mogganum á heimilinu.
Honum finnst sérstaklega gaman að fara út á svalirnar þegar það er snjór og grefur sig þar fram og til baka í sköflum. Eins þykir honum þægilegt að fara út í horn á svölunum, undir grillið, og liggja þar þangað til við rekum hann inn.
Hann er ekkert voðalega gælinn en sleikir mann í framar öðru hvoru og það er víst þeirra aðferð við að kyssa og sýna væntumþyggju - þá verður maður afskaplega ánægður.

Það er allt brjálaða að gera hjá mér þessa dagana - mikið að gera í vinnu og bókamálum ásamt því sem ég skila frá mér einu blöggi á viku í O'Reilly media og það þarf smá yfirlegu. Um síðustu helgi fórum við Sonja á árshátíð á Grímsá og gistum þar laugardagsnóttina. Þemað um kvöldið var morðleikur sem allir tóku þátt í og var hin ágætasta skemmtun. Ég var Jules Bond.

Já, það er frekar lítið að gerast hérna á blogginu og skora ég á aðra blöggara að segja frá því hvað þeir eru að gera þessa dagana.

Hvað er líkt með kanínu og Houdini?

2007-02-13T12:36:00.000Z

Ég var vart búinn að sleppa orðunum á blogginu varðandi kanínur í gær þegar ég tók eftir því að karlarnir höfðu brotist inn í kvennabúrið. Þannig að nú tekur aftur við 30 daga bið til að sjá hvort kanínum fjölgi enn meir í garðinum :(

Andskoti sleip þessi kvikindi þetta er eins og að ætla hafa houdini í fangelsi

Skrifteppa og kanínuflúbb

2007-02-12T18:55:00.000Z

Voða lítið að gerast á blogginu hérna undanfarið... Eru menn svona uppteknir í lífsbaráttunni eða hvað gengur á? Eða skrifteppa á háu stigi að hrjá menn?

Jæja já, kannske hafa menn ekkert að skrifa um? Voða mikið álag hér amk síðustu tvær helgar. Um síðustu helgi var vinnudjamm og svo matarklúbbsdjamm, núna um helgina var farið að horfa á xfactor í smáralind á föstudaginn og svo var útskrift hjá Dísu systur Erlu á laugardeginum. Eitthvað rólegra næstu helgar þó ekki alrólegt...

Nú svo er maður alltaf að elta kanínur. Á laugardaginn var mér litið út í garð og sá þá eina kanínuna sitja ofan á búrinu, sú hafði þá sloppið út, nú henni var hent inn. Svo seint í gærkvöldi var ég að fara að sofa en leit út í garð rétt áður og viti menn engar kanínur í karlabúrinu? Þær voru þá stungnar af og ég út í garð að leita með vasaljós. Þær fundust svo úti á bílaplani og náðust báðar.

Boltinn

2007-02-09T09:47:00.000Z

Mikið er ég sammála Agli Helgasyni í þessum pistli: Boltinn

Ég er orðinn atvinnublöggari - sjá þetta: O'Reilly

Loksins blögg

2007-02-06T14:03:00.000Z

Vei loksins get ég bloggað aftur

Íþróttir

2007-01-22T10:09:00.000Z

Gærdagurinn var mjög slæmur íþróttadagur - fyrst var Búrkni hringaður í hlaupagrein sem var sjónvarpað og síðan tapaði United á móti Arsenill 2-1 eftir að hafa verið yfir fram á síðustu stundu. Það var svosem ekkert ósanngjarnt að Arsenill skyldi vinna því þeir voru sennilegast betri aðilinn í leiknum. Verra var þó að sjá Henry vælandi og tuðandi allan leikinn og tók síðan góða dífu inn á vítateig United manna. Leiðinda leikmaður.

2007-01-17T16:07:00.000Z

Tvær fréttir frá því í dag:

Fyrri frétt:
Karlmaður var í Héraðsdómi Reykjavíkur í dag dæmdur í fjögurra mánaða skilorðsbundið fangelsi fyrir að hafa pantað og neytt veitinga að upphæð ríflega 10 þúsund krónur á veitingastað í borginni án þess að geta greitt fyrir þær.

Seinni frétt:
Héraðsdómur Reykjavíkur hefur dæmt nítján ára gamlan pilt í þriggja mánaða skilorðsbundið fangelsi fyrir að hafa stungið öryggisvörð við bensínsstöð Shell við Suðurfell í bakið í haust.

Álverið

2007-01-17T08:32:00.000Z

Eitt af heitari umræðum í firðinum í dag er stækkun álvers, nú er álverið búið að vera duglegt að reyna að "múta" okkur með gjöfum, til að mynda fékk ég BóHall í jólagjöf frá þeim - disk sem margir skiluðu víst - ekki ég - ég ætla að senda hann út til mömmu minnnar..
Nú eins og menn kannski vita þá er þetta spurning um kosningar hér í Hfj um stækkunina sem er kannski ekki alveg í takti við það sem bærinn hafði lofað álverinu, en so be it nú er þetta staðan og pólitíkin að renna af stað þar sem um 1 mánuður er í kosningar.
Spurningin er hvort Hfj á að samþykkja stækkun eður ei - nokkrir punktar:
1. Ekki er þetta spurning um gríðarlega aukningu á mengun - einhver jú en við erum með framleiðsluhverfi þarna í kring sem skilar ekki minna af sér í mengun.
2. Ekki verður þetta augnayndi - en er þessi viðbót það hræðileg - við erum jú með álver
3. Gríðarleg aukning í atvinnumöguleikum í Hfj.
4. Síðast en ekki síst - Hafnarfjarðarbær mun fá mikinn pening til afnota með stækkuninni, skellt hefur verið fram gríðarlega stórum tölum í kringum þetta og spurnning hvort við ættum ekki að nýta þann pening til að lagfæra ýmislegt í Hfj.

Já margt að hugsa um - hvað segja menn, vilja menn tjá sig hér. Sumir segja að til hvers að bæta við meiri stóriðju hér, af hverju ekki viðhalda þessari stærð af álveri, hvað erum við að græða á þessu, þ.e. hinn almenni borgari - fyrir utan smá aur inn í bæjarfélagið.. Er þetta það mikið lýti, allir útlendingar þurfa að rúlla í gegn hér til að komast í siðmenninguna, er þetta það sem við viljum að þeir sjái..

Tónlist

2007-01-17T08:29:00.000Z

Eins og margir vita þá skiptir tónlist mig frekar miklu máli og eftir að ég komst í nýtt starf þá hef ég haft gríðarlegan mikinn tíma til að hlusta á tónlist aftur - ég sest í stólinn klukkan 8 á morgnanna og áður en klukkan slær korter yfir þá er ég kominn með tónlist í gang.
Oft set ég mjög kraftmikla tónlist á þar sem það heldur mér vel við efnið og vekur mig vel upp.

Einmitt núna er ég að hlusta á 2 lög sem bróðir minn sendi mér um daginn með hljómsveit sem heitir Chainsaws and Children sem er mjög vekjandi tónlist.

Ferðalög og annað búx

2007-01-16T13:48:00.000Z

Við Sonja erum aðeins byrjuð að ræða um Indlandsferðina sem við vorum að pæla í að fara í á þessu ári og gerum við núna ráð fyrir að fara í haust. Fyrstu helgina í september förum við í brúðkaup í Róm hjá vinkonu Sonju sem er að fara að giftast Ítala og vonandi hittum við einhverja fræga knattspyrnumenn og celeb í giftingunni því þau þekkja slatta af fólki af því sauðahúsi. Við vorum að gæla við að vera kannski í viku í Róm og skoða borgina eða jafnvel leigja bílaleigubíl og keyra um og skoða þorp o.flr. Núna erum við hinsvegar að spá í að vera bara stutt í Róm og fara kannski þaðan til Indlands ef það er hægt að gera það á auðveldan hátt og dvelja í Indlandi í svona 2 mánuði eða jafnvel lengur. Við höfum ekki alveg ákveðið hvert í Indlandi við förum en John Isaac var að bjóða okkur að vera kannski með honum í viku í Kashmir en hann er að vinna að bók um svæðið, og gæti það verið mjög spennandi.

Fyrstu hugmyndir voru að fara til Indlands núna á fyrri helmingi ársins en ég er að vinna að bók með nokkrum aðilum sem mun koma út í apríl og mun ég segja meira frá henni síðar.

Ég veit ekki hvað verður um fyrirhugaða ferð okkar félaganna á leik Barcelona - Real Madrid - Hjölli svarar ekki fyrirspurnum okkar í tölvupósti og það þýðir sennilega bara eitt ef ég þekki hann rétt.

Við Sonja erum síðan að gæla við að kaupa okkur Suzuki Grand Vitara á vormánuðum og ferðast mikið um landið í sumar - sérstaklega Vestfirði.

Karókí

2007-01-16T10:38:00.000Z

Skratti gott viðtal.

2007-01-16T10:11:00.000Z

Það er enginn vafi að rokkið lifir enn: Skoðið þetta

Æfingar

2007-01-16T09:32:00.000Z

Jæja nú er kallinn að reyna að standa við gefin loforð um áramótin - nú á að taka vel á því og ná að "fita" sig aðeins aftur. Er í ströngu prógrammi í Hress núna, 5 sinnum í viku og ekkert gefið eftir.
Prótín í alla mata, hafragrautur á morgnana með rjóma osfrv. Já ekki er öll vitleysan eins, fyrir ári síðan þá var maður að fara í ræktina til að létta sig nú á að þyngja sig aðeins - en vonandi bara af vöðvum.

Það er nú doldið gaman að kíkja á þennan merka stað Hress, þetta er mikið Hafnfirðingabæli, þarna lyfta FHingar flestir og svo þekkir maður andlit og andlit og andlit og andlit þarna.
Meðal annars þá rakst ég á Óðin sem var í joðinu í de gamle dage. Hann seldi víst fyrirtæki sitt um daginn og hefur það bara gott skilst mér.

Annars má maður ekkert vera að því að spjalla, maður er svo upptekinn að lyfta - áður en ég fékk smá leiðsögn frá manni sem á íslandsmet í réttstöðulyftu þá var ég eins og fiðrildi þarna í salnum, flaug á milli tækja og hékk í þeim eins og hver annar væskill - en nú eru tímarnir aðrir og það er tekið á því með stunum og látum og hlýrabolum - helst mjög þröngum hlýrabolum.

Rétt af vinnunni, þá er ég taka vel á því hér og gengur svona helvíti vel.

Snjór

2007-01-11T12:19:00.000Z

Sjór snjór snjó á mig
Sól sól burt með þig
Gott er að vera í heimi til
Snjór snjór snjó á mig

trallala lala la la

Annars er bara allt gott að frétta og ég er ekki lengur með hausverk. Vinnan gengur bara sinn vanagang og svosem ekkert stórkostlegt gerst á árinu til þessa. Fékk að vísu flugu í höfuðið, en held að það hafi ekki haft neitt alvarlegar afleiðingar, annars er ég svosem ekki dómbær á það.

Sá þessa umtöluðu halastjörnu áðan og fannst hún ekkert merkileg. Smá depill á himninum með litlu skotti.

Á morgunn er svo hinn árlegi hátíðarfundur MOBS og má því búast við því að maður sötri nokkra bjóra.

Vinnutengt

2007-01-10T10:57:00.000Z

Svona smá update af mér í vinnu, ég kláraði fyrir jól formlega mitt "Black Belt" Lean Six Sigma þjálfun og má því kalla mig BB í framtíðinni. Nú ég er þegar að vinna í næstu verkefnum sem eru framundan og má segja að verkefnastjórnun eigi mestan minn tíma.

Ég er að byrja nýtt stórt verkefni núna í mánuðnum.
ég var beðinnu um að taka af mér verkefnastjórn tímabundið á verkefni sem hefur verið í pípunum í 4 ár og menn hafa trú á því að ég klári þetta núna í einum grænum - mjög jákvætt fyrir mig.
Svo er að fara þjálfun á 10 manns í svokallaðri Kaizen þjálfun, en það eru svokölluð örverkefni en það eru verkefni sem eiga að geta klárast á einni viku. Fæ ég að standa að þjálfun þar og hlakkar mig mikið til þess challenge.

Núna stend ég í því að endurþjálfa í strikamerkjakerfinu og stefni á að ljúka vinnu minni í kringum það kerfi í næstu viku - eftir ca. 5 ára vinnu.

Já margt spennandi að gerast í vinnunni, margir sögðu að ég væri brjálaður að taka að mér verkefnastjórnun í þessu tímabundnu verkefni þar sem það er búið að vera í molum síðustu 3 ár - en ég er svoddan masochisti að ég gat ekki sleppt þessu tækifæri, annaðhvort verður þetta stórsigur eða tap, margt að vinna minna að tapa.

Annars vil ég óska liverfool mönnum til hamingju með stórkostlega árangur síðustu daga :)

Kvart og kvein

2007-01-09T10:18:00.000Z

Mér er illt í bakinu, líklega vegna bandísins sem ég spilaði í gærkveldi...

Svo fór ég í búð um daginn og búðarmaðurinn var dónalegur og þjónustan léleg, svo fór ég í hádegismat í gær og lasagnað sem ég fékk var orðið kalt....

Er þessi síða að breytast í eilífðar kvörtunardeild??

Á sunnudaginn fór ég í 3 tíma göngutúr og fuglatalningu. Við gengum frá Kolkuós að Brimnesi, meðfram háum strandbökkum. Það var kalt í veðri -5°C og smá hríð, en við létum það ekki á okkur fá og töldum þá fugla sem við sáum. Ég verð að segja að þetta var frábært! Í fyrsta lagi var þetta frábært því ég hafði ekki farði þetta svæði lengi. Í öðru lagi var þetta frábært, því það gefur manni góða tilfiningu að fá að reyna smá á sig. Í þriðja lagi var þetta frábært því að Broddi og Sigurgeir ferðafélagar mínir voru skemmtilegir og í fimmta lagi var þetta frábært því að okkur fuglatalningarmönnum var boðið í frábæran kvöldmat hjá Helga Thor um kvöldið. Þannig að hér var ekki yfir neinu að kvarta og mæli ég með því að menn fari að sjá ljósu hlutina í lífinu, sérstaklega svona í svartasta skammdeginu.

2007-01-08T11:00:00.000Z

Þetta er ansi gott - hvernig iPod pakkningarnar væru ef iPod væri frá Microsoft: Video

Slappleiki og veikindi

2007-01-08T08:44:00.000Z

Þetta er nú búið að vera meiri vikan hjá mér, strax á gamlársdegi var ég eitthvað slappur og endaði kvöldið fljótt með því að ég var kominn undir sæng fyrir 2 um nóttu. Þegar líða fór á vikuna varð ég slappari og slappari og náði hámarki á miðvikudegi og fimmtudegi - þetta er það sem búið að hrjá mig undanfarna 8 daga:
8 dagar - kvef
4 dagar - hálsbólga
5 dagar - hausverkur
5 dagar - hósti

Í dag er ég mættur enn og aftur til að vinna - ég fór í vinnuna alla daga í síðustu viku þar sem ég hélt alltaf að ég væri að verða betri, en svo var alls ekki, á miðvikudag var líkaminn hér en ekki í anda.

Einnig hefur verið að hrjá mig netleysi heima, er búinn að vera netlaus í rúmann mánuð núna og er að verða geðveikur á því, hringdi í síðustu viku og bað um símvirkja og var lofað á fimmtudegi, svo hringdi ég á föstudegi og spurði hvar hann væri, þá var mér sagt að ég ætti að fá hann á laugardegi, nú er kominn mánudagur og enginn helv.... símvirki.
Nú þarf ég að hringja aftur og fá enn eina lygina frá ogvodafone.

2007-01-05T23:22:00.000Z

Lagið We're from Barcelona með We're from Barcelona er þvílíkur smellur - mæli með að fólk hlusti á það lag og í raun alla plötuna sem jaðrar við að vera meistaraverk. Mad Dog, sérlegur tónlistarráðunautur minn benti mér að sjálfsögðu á þetta eins og margt annað.

leiðinlegur vinnustaður

2007-01-05T17:30:00.000Z

Djöfulli hlýtur þetta að vera leiðinlegur vinnustaður

hausverkur

2007-01-05T16:32:00.000Z

Af einhverjum völdum er ég búinn að vera með hausverk eftir hádegi.

2007-01-05T13:43:00.000Z

Þetta er góð og þörf grein hjá Dr. Gunna.

Kaffi París II

2007-01-04T21:16:00.000Z

Framkvæmdastjóri Kaffi París sem heitir Josue hringdi í mig í gær og baðst innilegrar afsökunar á vandræðum mínum á kaffihúsinu hans (sjá færslu að neðan) og er búinn að fara yfir málin með starfsfólki sínu og skoða málið vel. Hann sagði að starfsfólkið hafi sagt að það hafi verið mikið álag á þeim og fólk þreytt eftir áramótin og það skýri þetta að einhverju leiti þó að svona eigi að sjálfsögðu ekki að geta gerst. Hann tók við kaffihúsinu fyrir mánuði síðan og er að vinna í þjónustumálunum en það hefur tekið lengri tíma en hann vonaðist eftir.

Hann gaf mér gjafabréf á staðin og fullvissaði mig um að þetta eigi ekki að geta gerst aftur og hefur tekið kvörtunina til greina og því hef ég ekkert upp á þau að klaga lengur held ég - prófa staðin eftir svona mánuð aftur og læt vita hvernig það verður hérna.

Fyrir hönd neytendahorns Slembibullsbræðra
Jói

Gleðilegt ár

2007-01-03T15:54:00.000Z

Nú er allt hátíðarstússið svo gott sem á enda og aðeins þrettándinn eftir. Það verður að segjast að þetta eru búnir að vera letidagar og veitt svosem ekki af þeim. Mestmegnist glápt á bíómyndir og fór einnig í bíó. Sá James Bond og Eragon. James Bond var frábær eins og allir eru sammála um. Eragon var fínasta skemmtun og greinilegt að rithöfundurinn er undir miklum áhrifum frá Hringadrottinssögu. Myndin gerist í heimi þar sem að drekar og galdrastúss frá álfum kemur töluvert við sögu. Galdraorðin eru mjög germönsk og kemur þar t.d. orðið "kvistr" fyrir og þýðir kvistur í myndinni og er galdraorð til að búa til trjágrein úr engu, eitthvað sem að skógræktarfólk ætti e.t.v að kynna sér betur. Að vísu virtist mér að sú trjágrein sem varð til úr þessu væri heldur líflaus, en það má örugglega þróa þessa tækni eitthvað betur.

Svo var farið í matarboð til Pálma og Erlu þar sem borðað var dýrindis kjöt af ýmsum dýrategundum víðsvegar úr heiminum. Gamlárskvöld var svo tekið nokkuð rólega og borðuðum við Matti heima ágætasta lambalæri, fórum út á brennuna við Ægissíðuna, horfðum á skaupið, fórum svo aftur út og horfðum á flugelda og óðum í reyk heim.

Á leiðinni heim gerðist svolítið óvenjulegt. Amk hef ég ekki heyrt af svona löguðu áður. En þannig var það nú að við vorum bara á röltinu um Dunhagann og voru nú flestir búnir að skjóta upp sínu drasli, en þó voru þau enn að nokkur á Tómasarhaganum (liggur í boga á milli Dunhaga og Freyjugötu). Svo allt í einu grípur Matti um höfuð sér og þegar hann tekur húfuna af þá foss blæður úr höfðinu á honum. Við litum við en ekkert var sjáanlegt á gangstéttinni á bakvið okkur. En nokkuð ljóst að hér var um rakéttuprik að ræða sem hefur væntanlega skoppað inn í næsta garð.

Þá var ekki hægt að gera nett annað en bara drífa sig heim og hreinsa sárið, en blæðingin stoppaði fljótlega eftir að við komum heim. Sárið er samt um 2cm skurður. Við ákváðum að láta þetta jafna sig bara og settum bara eina dvd mynd (Brewsters millions) í tækið og fórum svo að sofa um 3 leitið. Alma kom svo daginn eftir og hreinsaði sárið betur og gaf holl ráð.

Það er nú alltaf sagt að fall sé fararheill og því gat árið varla byrjað betur.

Kvörtun

2007-01-02T10:29:00.000Z

Ég reyni nú yfirleitt að vera jákvæður og þegar ég fæ slæma þjónustu á veitingastað reyni ég bara að pæla ekki í því og njóta þess samt að vera úti að borða - þoli ekki þegar fólk þarf alltaf að leita að neikvæðum hlutum við allt og tuða yfir þeim. Ég gat samt ekki annað en verið pirraður þegar við Sonja fórum á Kaffi París í gær til að fá okkur að borða:

Við ætluðum reyndar fyrst á Hornið en það var lokað og einnig grillhúsið sem kom líka til greina þannig að við enduðum á Kaffi París. Við settumst við borð sem var ennþá með einhverju rusli eftir síðustu borðgesti og biðum eftir þjónustu. Eftir dágóðan tíma sótti Sonja sjálf matseðlana því engin kom að afgreiða okkur enda setið á flestum borðum og líklegast mikið að gera. Eftir að við hefðum ákveðið okkur og beðið dágóða stund í viðbót tókst mér loks að kalla til afgreiðslustúlku og hún kom að borðinu til okkar. Stelpan var vægast sagt áhugalaus og var eins og hún væri í einhverjum fílutrans því hún svaraði ekki þegar við pöntuðum heldur skrifaði eitthvað smávegis hjá sér og labbaði í burtu um leið og ég hafði sleppt orðinu án þess að segja nokkuð. Ég var reyndar ekki alveg viss um að hún hafi náð allri pöntuninni og auk þess var ég ekki 100% búinn að ákveða mig og getur vel verið að ég hafi pantað eitthvað meira en hún gaf mér engan séns.
Stelpan kom stuttu síðar með bjór fyrir mig og Pepsi fyrir Sonju og skellti á borðið hjá okkur og var síðan rokin (án þess að taka ruslið sem var fyrir á borðinu en það var reyndar ekkert mjög mikið þannig að það truflaði okkur ekkert það mikið). Sonja reyndar pantaði Kók en ekki pepsi en hún var ekkert að láta vita að það væri ekki til og bara Pepsi en Sonju finnst mikill munur á þessum drykkjum þó að ég geti varla greint þar mun.
Eftir dágóða stund kom maturinn og forrétturinn okkar á sama tíma en við höfðum pantað einn skammt af hvítlauksbrauði í forrétt og hefðum viljað fá það fyrir matinn en það skipti svosem ekki öllu þó að það kæmi á sama tíma og maturinn. Reyndar var ostur á hvítlauksbrauðinu en það kom ekki fram á matseðlinum og er ég ekki viss um að við hefðum pantað það ef við hefðum vitað að það væri ostur á því.
Ég byrjaði síðan að borða Tortillað mitt með nautahakki en það reyndist vera kjúklingur á þessu en ekki nautahakk, áhugalausa afgreiðslustelpan hafði greinilega tekið fram fyrir hendurnar á mér og haft þetta með kjúlla. Þetta skipti mig ekki öllu máli og því ákvað ég bara að borða þetta með kjúlla. Ég pantaði annan bjór um leið og afgreiðslustúlkan (önnur en þessi áhugalausa en þessi afgreiðslustúlka var svipuð og sú fyrri fyrir utan að vera jafnvel enn áhugalausari). Hún muldraði bara eitthvað þegar ég pantaði bjórinn um samþykki um að hún hafi móttekið pöntunina. Þegar ég var búinn með allan matinn minn var bjórinn ekki ennþá kominn og þegar um hálftími var frá því að ég hafi pantað hann sá ég stúlkuna sem ég hafði pantað frá og kallaði hana til mín og spurði: "Pantaði ég ekki bjór hjá þér fyrir c.a. hálftíma síðan?". Hún sagði: "Jú, ég hef gleymt honum." og afsakaði það ekkert frekar. Ég sagði þá við hana að ég vildi ekki fá bjór lengur en hún mætti koma með Esspresso í staðin. Hún muldraði svipaðan hlut og áður og hvarf á braut. Ég beið eftir kaffinu í 20 mínútur en ekki kom það og kallaði ég þá á aðra stúlku og sagðist hafa pantað kaffi fyrir löngu síðan og hún ætlaði að kanna málið. Ég beið aftur í 15 mínútur og þá var mér eiginlega nóg boðið og fór bara að afgreiðsluborðinu og borgaði fyrir matinn. Ég kvartaði yfir þessari þjónustu og borgaði bara 2000 krónur í staðin fyrir 4100 krónur sem þetta átti að kosta - sennilega hefði ég bara átt að sleppa því að borga. Það var athyglisvert að þessar síðustu pantanir mínar á bjór og kaffinu x 2 hafði ekkert ratað á reikninginn og því talaði ég greinilega fyrir tómum eyrum þegar ég var að panta þessa drykki.

Stúlkan sem ég borgaði afsakaði þetta eitthvað með að það væri mikið að gera og slíkt og ég nennti ekkert að tuða meira yfir því. Það er eitt að það sé mikið að gera en að afgreiðslufólk sé svona rosalega dofið og áhugalaust og laust við allt sem heitir þjónustulund finnst mér mjög lélegt.
Skamm Kaffi París - ég ætla ekki að versla við ykkur næstu mánuðina.

2007-01-01T18:13:00.000Z

Gleðilegt nýtt ár og takk fyrir það gamla!!

2007-01-01T14:01:00.000Z

2006-12-29T23:15:00.000Z

Hér er fjallað um jólastress og annað jólaflúbb.

Þegar ég kom heim úr vinnunni beið mín póstur frá bankanum mínum þar sem þeir í góðmennsku sinni tilkynna mér að þér hafi ákveðið að létta um fyrir fólki og bjóði því raðgreiðslur á jóla kreditkortareikningnum til allt að 36 mánaða í staðin fyrir 12 mánuði. Þvílík góðmennska það.

Ég hef hugsað aðeins um tilgang jólanna og í hvaða far jól og jólaundirbúningur eru að fara. Það sem ég held að einkenni jólin í dag eru stress, peningaplokk fyrirtækja, græðgi og meiri græðgi.

Fólk fær ekki flóafrið frá auglýsingum fyrirtækja hvort sem það er í sjónvarpi, útvarpi, tímaritum, dagblöðum eða pósti svo ég tali ekki um allar auglýsingar út um alla borg á strætóum o.flr. ásamt auglýsingum á vefsíðum. Allt spilar þetta á að fá peninga fólks í skiptum fyrir eitthvað drasl og þetta væntanlega æsir upp í okkur græðgi og einhverja tilbúna þörf á allskonar dóti. Það er merkilegt hvað fólk vill frekar eiga en peninga!

Undirbúningur jólanna felst því mikið í því í dag að eltast við að gera allskonar hluti svo maður sitji ekki eftir í lestinni og geti bara ekki haldið jól.

Ungir krakkar í dag eru að fá gjafir í tugatali og ég get ekki séð einn jákvæðan hlut við það hvað þau fái þennan fjölda af gjöfum - þeir einu sem eru að græða á þessu eru gráðug og samviskulaus stórfyrirtæki sem hafa gert vel fyrir jólin að markaðsetja jólin. Litli frændi minn t.d. rífur upp pakkana og er orðin snaruglaður af þessu öllu og þarsíðustu jól fór hann að leika sér að gjafapappírnum eftir að hafa opnað allar gjafirnar - þetta er nú meiri vitleysan. Ef börn myndu fá í mesta lagi 3-4 gjafir hver jól eða fleiri gjöfum yrðu dreift á jóladagana þá myndu jólin væntanlega fá einhverja örlitla meiri tilgang en að fá sem flesta hluti. Sá sem á mest drasl þegar hann deyr vinnur!

Ég held að þetta sé fyrir löngu komið út í rugl. Þau áhrif sem jólahaldið hafði á fólk um miðja síðustu öld er líklegast allt annað en í dag og það mun ekki breytast því að græðgi, efnishyggja og tillitsleysi (var ég búinn að nefna græðgi?) mun stjórna lífi okkar til frambúðar.

Gleðileg Jól.

2006-12-29T23:14:00.000Z

Er þetta ekki of gott til að vera satt: Pláss

Teiknimyndir

2006-12-29T15:31:00.000Z

Ég mæli með þessari síðu fyrir þá sem vilja sjá ansi góðar og ókeypis teiknimyndir: Þessi síða

Peter, Bjorn og John

2006-12-29T12:43:00.000Z

Peter, Bjorn and John er hljómsveit sem gaf út plötuna Writer's Block á árinu sem ég hef hlustað mikið á og er í miklu uppáhaldi hjá mér. Platan er ansi oft á topplistum tónlistarspekúlanta sem lista upp plötur ársins.

Peter, Bjorn og John munu spila á Nasa þann 27. jan og er ég þegar búinn að kaupa mér tvo miða og mæli með að crewið mitt skelli sér líka.

Endurgerð

2006-12-29T12:17:00.000Z

Komið þið sæl! Ég er nú kominn aftur heim frá Þýskalandi.

Í gær settist ég niður og horfði á sjónvarpið hjá pabba og mömmu, eins og ég geri oft. Það var margt gaman að sjá t.d. office þættir í norska ríkissjónvarpinu. Svo byrjaði í því danska mynd sem ber heitið The Singing Detective. Þarna var fullt af frægum leikurum Robert Downey Jr. lék aðalhlutverkið og Mel Gibson og fleiri sáust þarna líka. Þessi mynd er endurgerð á einum frábærustu bresku þáttum sem ég hef séð. Sagan fjallar um rithöfund Philip Marlow sem er illa haldinn að Psoriasis og liggur á bresku sjúkrahúsi og rifjar upp morðgátu sem hann skrifar í huganum. Philip hefur harðann skráp og kemur illa fram við alla í kringum sig. Í þáttunum blandast saman hvað gerist hjá Philip á sjúkrahúsinu, morðgátan sem hann er að rifja upp, lög frá 3. og 4. áratuginum, sem oft eru greinilegar ofsjónir Philip og uppryfjun hans af æsku sinni, en þar sá hann mömmu sína halda fram hjá pabba sínum. Sem sagt flókin saga sem fjalla um sálarlíf þessa manns. Nú að endurgerðinni. Hversvegna! hversvegna! þarf Holliwood að taka svona frábæra hluti og gelda þá og fletja út og taka allt sem skiptir máli í burtu. Ég varð að hætta að horfa á myndina, því að mikið af setningunum voru þær sömu en leikurinn og leikstjórnin og allt í myndinni var búið að eyðileggja þessa sögu. Svei attann!

Jól ofl.

2006-12-29T08:18:00.000Z

Já Gleðilega hátíð.

Af mér er nú ekki mikið að frétta, hef eins og fleiri ákveðið að taka mér að mestu frí á milli jóla og nýárs, þó ekki alveg og mætti ég nú ferskur í morgun klukkan 8.00 (ekki samt mjög ferskur).
Sé ég fram á mjög busy janúar amk þar sem mikið af verkefnum í vinnunni er framundan - sem er bara gott.

Er eitthvað andlaus núna - meira síðar

Bond og búx

2006-12-28T23:18:00.000Z

Við Sonja skelltum okkur á Casino Royale í kvöld - ég fór með svona hálfum huga en Sonju langaði að sjá hana. Þvílík skemmtun sem þessi mynd er - besta Bond mynd sem ég hef séð MJÖG lengi, kom mér skemmtilega á óvart þó ég hafi heyrt góða hluti um hana. Daniel Craig er fínn í hlutverkinu og sannkallaður tarfur.

Fyrir tónlistaráhugamenn mæli ég með að skoða 50 bestu plötur Zúra gæjans - hann er búinn að lista upp plötur frá 20-50 og hef ég hlustað á 10 af þeim sem ég tel bara ágætis árangur: Zýrður rjómi

Ég fór í Kringluna fyrir myndina og eyddi hluta af jólagjöfinni frá fyrirtækinu - keypti mér Windstopper vetlinga (Hjölli ætti að vera ánægður með mig núna) og bókina Undir Hamrastáli sem segir frá lífinu í Ketildölunum í gamla daga, hlakka til að lesa hana.

Jæja, ég ætla að fara aftur í húsbóndastólinn og drekka Dry Martini.

Jóla hvað

2006-12-28T17:40:00.000Z

Þá er jólastússið búið og við tekur áramótastúss. Hef verið alveg á fullu að gera sem minnst nú um jólin, en fór þó út í dag í klippingu og skrúbbaði bílinn svo nú er hann næstum því alveg hreinn. Svo hef ég bara verið að glápa á bíómyndir og lesa Calvin & Hobbes (fékk allt safnið í jólagjöf frá Matta). En ég tók mér semsagt frí í vinnunni í dag, enda óskup lítið um að vera og fáir í vinnunni. Svo ég gerði bara eins og hinir og tók mér frí líka enda enn eitthvað eftir af orlofinu.

Jæja best að blogga ekki of mikið og best að halda áfram að glápa einhverja bíómynd.

Jólahauskeppnin vinsæla

2006-12-28T16:10:00.000Z

Jæja þá er jólahauskeppnin búin (lauk þann 24. des) og hefur dómnefnd farið yfir innsendar hugmyndir af jólahausinn á Slembibullið og þarsem enginn nema ég sendi inn krýni ég mig hérmeð sem sigurvegara.

Duglegir strákar!

2006-12-26T11:13:00.000Z

Ég óska landsmönnum öllum til sjávar og sveita gleðileg jól og farsælt komandi ár.

2006-12-26T11:12:00.000Z

2006-12-25T09:41:00.000Z

GLEÐILEG JÓL!

2006-12-22T13:35:00.000Z

Rice: ?Stríðið er fjárfesting sem er þess virði."

Perlubúx

2006-12-21T22:42:00.000Z

Eigum við að segja fordrykkur á L16 kl. 18 eða finnst mönnum það of snemmt? Maturinn er síðan 20:30 og við ætlum að ná einum fordrykk í Perlunni eins og hefðir, lög og reglugerðir segja til um.

Ný grein

2006-12-20T14:41:00.000Z

Nú var enn ein greinin að koma út. Þessi birtist í tímaritinu Zootaxa og er ég annar höfundur hennar, en fyrsti höfundur er Jörundur Svavarsson. Greinin er lýsing á seinni nýju tegundinni sem ég fann og ber greinin heitið "Crangonyx islandicus sp. nov., a subterranean freshwater amphipod (Crustacea, Amphipoda, Crangonyctidae) from sprins in lava fields in Iceland."

Ég verð nú að viðurkenna að það var smá stollt þegar þetta kom út. Loksins búið að lýsa báðum tegundunum.

Á fimmtudagskvöld komu svo jákvæð svör frá tímaritinu American Naturalist varðandi grein um uppruna þessara tegunda. Ég þarf þó að breyta nokkru í upprunalegu handriti, en þegar þvi er lokið ætti greinin að eiga góða möguleika að birtast á næsta ári.

Þriðja greinin er svo að bíða birtingar, en hún fjallar um erfðafræði þroskunar hjá bleikju. Þar er ég þriðji höfundur. Þarna vorum við í samstarfi við skoska vísindamenn og í október og nóvember vann ég að því með Dr. Ian Johnston að senda inn umsókn til þess að fá að halda þessum rannsóknum áfram.

Ef þið hafið áhuga á að fræðast meira um þetta, þá er bara að hafa samband.

Jólaperlubúx

2006-12-19T22:56:00.000Z

Hið árlega jólahlaðborð okkar félaganna verður á föstudaginn í Perlunni og geri ég ráð fyrir að það verði fordrykkur í boði okkar Hjölla heima hjá mér eins og venja er. Hvaða drykkur verður í þetta skiptið er ekki vitað en hann verður eflaust rótsterkur.

Ég tók saman nokkrar myndir frá því í fyrra en ég tók frekar fáar myndir í það skiptið og ég skal reyna að taka jafnvel færri myndir núna.

Árni sposkur á svip.

Venjuleg mynd af Pálmfróð.

Hjölli sprellikall.

Oddgeir sprellikall.

Guðjón fylliróni.

The players.

Hin árlega mynd fyrir framan Perluna - ansi léleg í þetta skiptið enda búinn að skipta yfir á imbavélina og ég kann bara ekkert á svo einföld tæki.

Þarna erum við að bíða eftir að verða fullir.

Biðin á enda og Guddi með kvikmyndavélina á lofti - verður gaman að horfa á þetta einhverntíman.

Árni blindedrú.

Jæja, ég vona að lesendum hafi þótt þetta lærdómsríkt og einnig nokkuð gaman.

p.s. Hérna eru myndir sem ég lét á bloggið í hittífyrra en ég get ekki séð að ég hafi látið myndir hérna í fyrra: Myndir

Gummi Steingríms

2006-12-18T10:18:00.000Z

Fyrir fólk sem hefur gaman af þjóðfélagsumræðunni þá er blöggið hans Gumma Steingríms mjög gott og er ég oftast mjög sammála honum og þegar ég er það ekki þá sannfærir hann mig. Mæli með að fólk bæti þessu í readerinn sinn: GummiSteingríms

Safn

2006-12-17T19:19:00.000Z

Að beiðni Guðbergs er hér að neðan listi yfir þær stríðsmyndir sem ég á. Bækurnar koma seinna. Ef þið viljið umsagnir um einstakar myndir þá er bara að biðja um það.

Napolonian wars
Sharpes series 1994-2006 15 myndir
Hornblower series 1998-2003 8 myndir
HMS Defiant 1962 Ensk
Zulu war
Zulu 1964 Ensk
Zulu dawn 1979 Suður Afríka
WW 1
The Blue Max 1966 Ensk
Gallipoli 1981 Ástralía
Behind the lines 1997 Ensk
All quiet on the wetern front 1930 USA
The lost battalion 2001 USA
The trench 1999 USA
WW 2
The desert rats 1953 Ensk
The bridge on the river Kway 1957 Ensk
Battle of Britain 1969 Ensk
A bridge to Far 1977 Ensk
Winter war (Talvisota) 1989 Finnsk
Ambush 1999 Finnsk
Guadalcanal diary 1943 USA
Battleground 1949 USA
Halls of Montezuma 1951 USA
Stalag 17 1953 USA
Run silent, run deep 1958 USA
The guns of Navarone 1961 USA
The longest day 1962 USA
The Great Escape 1963 USA
The Dirty Dozen 1967 USA
Where eagles dare 1968 USA
The Bridge at Remagen 1969 USA
Catch 22 1970 USA
Tora Tora Tora 1970 USA
The Eagle has Landed 1976 USA
Cross of Iron 1977 USA
Force 10 from Navarone 1978 USA
Saving Private Ryan 1998 USA
The Thin Red Line 1998 USA
When Trumpets Fade 1998 USA
Band of brothers 2001 USA
Enemy at the Gates 2001 USA
The pianist 2002 USA
Come and see (Idi i smotri) 1985 USSR
Die Brücke 1949 Þýsk
Hunde, wollt ihr ewig leben 1959 Þýsk
The Tin Drum 1979 Þýsk
Stalingrad 1993 Þýsk
Der Untergang 2005 Þýsk
Vietnam
Platoon 1986 USA
Annað
The battle of Algiers 1966 Frönsk

Stríð

2006-12-15T10:04:00.000Z

Eins og einhverjir vita þá hef ég mikinn áhuga á stríðssögu. Ég les mikið af bókum er tengjst efninu.
Einn flokkur bóka sem geta verið áhugaverðar eru yfirlitsbækur um ákveðnar orustur eða stríð, t.d. þessa um fyrstu daga orustunnar við Somme. En orustan við Somme er líklega mesti hildarleikur sögunnar. Þennan fyrsta dag féllu um 21 000 breskir hermenn og aðrir 36 000 særðust. Önnur bók sem hefur haft mikil áhrif á mig er um vetrarstríðið. En 1939 réðust Sovétríkin inn í Finnland. Finnar sem þá voru 4 miljónir vörðust í 105 daga og náðu þannig að knýja rússa til að semja um frið og komu í veg fyrir að rússar hertækju Finnland. Í þessu stríði féllu um 40 000 finnar og líklega um 500 000 rússar.

Einnig hef ég lesið mikið stríðsdagbækur einstakra hermanna. Nú hef ég t.d. verið að lesa stríðsæfisögu Gunter K. Koschorreck en hann var vélbyssuskytta á austurvíkstöðvunum í seinni heimstyrjöldinni. Byrjaði sinn feril sem hermaður í orustunni við Stalingrad og barðist nær stöðugt fram til loka 1945. Á leiðinni særðist hann sjö sinnum tvisvar þannig að hann þyrfti að leggjast inn á spítala. Í lok stríðsins rétt slapp hann við að lenda í höndum rússa og vera sendur í búðir í Síberíu.

Ég held að þessi áhugi hjá mér sé tilkominn af nokkrum ástæðum. Í fyrstu er það áhugi unglinga á spennandi bókum. Ég man að ég og Jóhann frændi minn lágum mikið í Alistair Maclean, og lásum í okkur sterkar hetjur, sem sögðu lítið, en drápu af köldu blóði óvini sína, sem að allir voru illmenni. Seinna hef ég hugsað mikið um hvað það er sem fær fólk út í þessa vitleysu. Hvernig geta misvitrir stjórnmálamenn og seinna herforingjar fengið miljónir manna til að hlaupa út í opinn dauðann. Hvernig getur einstaklingur fengið sig til þess að drepa náunga sína. Ég held að þetta sé m.a. þær ástæður fyrir að mér finnst gaman og áhugavert að lesa þessar bækur.

Ég hef einnig safnað stríðsmyndum og á nú ansi gott safn þeirra. Flestar þær myndir sem ég á eru þessar klassísku enskumælandi myndir, en ég hef náð mér í nokkrar þýskar, sem sýna sömu hluti oft frá mjög ólíkum sjónarhóli. Ég á einnig tvær finnskar myndir um vetrarstríðið og einnig á ég eina rússneska stríðsmynd "Come and See". Sú mynd er að ég held ein mest sláandi mynd sem ég hef séð. Önnur gæti verið blikktrommann. Myndin sýnir líf ungs drengs sem gengur til liðs við skæruliða til að berjast við þýska herinn. Myndin gerir ekkert til að lýsa neinum sem hetjum heldur sýnir tilgangsleysi og viðbjóð stríðsins.

Mig langaði bara að sýna ykkur smá inn í eitt af mörgum áhugamálum mínum.

Að vera eða vera ekki ... framhald....

2006-12-14T13:02:00.000Z

Ritnefnd slembibulls hafa borist ný gögn i þessu máli frá ónafngreindum heimildarmanni sem krafðist birtingu þessara mynda þegar í stað. Þessar myndir eru af drengnum um fermingaraldur!

Jólabjór

2006-12-14T12:53:00.000Z

Ég er búinn að drekka jólabjór síðustu kvöld, 1-2 á kvöldi og það er einhver stemming við að drekka þennan bjór finnst mér og því hef ég drukkið meira undanfarið en ég geri vanalega. Ég ætla því að gefa jólabjórnum stjörnugjöf og smá umsögn:

Egils Jólabjór 3/5
Þessi kom á óvart - mildur og bragðgóður og mjög góður bara.

Egils Malt Jólabjór 3/5
Hann er nánast eins og malt á bragðið með smá bjórbragði og þessvegna nokkuð bragðgóður. Ég hugsa samt að ég gæti ekki drukkið mikið af honum - 1/2 til 1 bjór á kvöldi er passlegt.

Víking Jólabjór 5/5
Þessi bjór er bara snilld að mínu mati - ótrúlega góður, mildur og nánast fullkominn. Ég vissi ekki hvort ég ætti að gefa honum 4 eða 5 stjörnur þannig að ég skellti honum bara í 5 stjörnur.

Tuborg Julebrug 2/5
Þessi er bara vondur að mínu mati, bragðvondur og rammur - ég geri ekki ráð fyrir að drekka meira af honum en þessa kippu sem ég asnaðist til að kaupa.

Lifandi

2006-12-11T13:12:00.000Z

Já ég er enn lifandi og enn í Danmörku - búinn að skella mér til Svíþjóðar að hitta bróðir og er nú á Jótlandi.

Að vera eða ekki vera ...

2006-12-09T21:15:00.000Z

... nörd - það er spurningin!

Reyndar er það engin spurning - ég var aldrei, og mun aldrei vera nörd, þó að félagar mínir margir hverjir hafi verið það og séu það ennþá. Ég rífst oft við Sonju um það hvort ég hafi verið nörd en ég þvertek að sjálfsögðu algjörlega fyrir það. Til að sanna mál mitt ætla ég að skella upp smá myndaþátt af mér og félögum mínum, þeim Pálmfróði og Hjölla þegar við fórum í taflferð á Stóra-Dímon (eða var það sá litli - skiptir ekki öllu).

Þessar myndir átti Pálmfróður í fórum sínum en þær eru því míður í hræðilegum gæðum - veit ekki hverskonar myndavél hann var með, en þetta verður að duga - efnið skilar sér vonandi. Ég ætla að skella inn nokkrum myndum, og afganginn af þeim er síðan hægt að sjá hérna, fyrir þá sem hafa áhuga á því: Gallerí

Ég og Pálmfróður í upphafi gönguferðar með taflborð, borð og stóla. Þetta er Dihatsu-inn hans Pálma sem var að ég held hans annar bíl ef ég man rétt.

Þarna eru miklar pælingar í gangi enda sennilegast ójöfn skák í gangi því Pálmfróður var líklegast heldur betri skákmaður en ég.

Annað sjónarhorn - takið eftir gatinu á olnboganum á skyrtunni minni (þessi skyrta var í miklu uppáhaldi og gekk ég lengi í henni með þetta gat eins og sönnum töffurum).

Þriðja sjónarhornið.

Náttúrufegurð fyrir neðan okkur.

Og enn ein mynd af okkur að tefla.

Hjölli eitthvað að sprella.

Pálmi að henda í málverk þarna enda mikill bóhem sem notaði helst ekki myndavélar. Ég er að benda honum og sést kraftalegur limaburður minn vel.

Sennilega dýpri meining með þessari mynd hjá Hjölla en við gerðum okkur grein fyrir.

Gleymdum við dótinu þegar við fórum niður - við ættum kanski að fara aðra ferð og ná í það?

Jæja, fleiri myndir úr þessari miklu ferð eru sennilega ekki til. Ég ætla að reyna að henda inn fleiri gömlum myndum við tækifæri ef ég finn eitthvað skemmtilegt en því miður vorum við ekki mikið að taka myndir á þessum tíma og er það frekar leiðinlegt.

2006-12-09T20:38:00.000Z

Ég er aðeins að vinna heima.

Núna

2006-12-09T19:28:00.000Z

Núna er ég í fríi og þarf ekki að vinna fyrr en á morgun...

Ég er að vinna

2006-12-09T15:04:00.000Z

Núna er ég að vinna en ég er á bakvakt þar til kl. 6 í fyrramálið

Laugardagurinn 2. desember

2006-12-08T12:55:00.000Z

Laugardaginn 2. desember kom ég í heimsókn að Leifsgötu 16.

Vikuna áður hafi ég fastmælst við húsráðanda og tryggs kunningja hans að við mundum hittast þetta kvöld til þess að rifja upp gömul kynni og ný. Í fyrstu var rætt um að leita á öldurhús, en fljótlega þegar nær dróg (kl 17 sama dag) var tekin sú ákvörðun að dvelja um kvöldið að Leifsgötu. Ég var því glaður í bragði og með tilhlökkun í brjósti þegar ég hringdi á leigubíl rétt um kl 19 það kvöld. Eftir 20 mínútna bið eftir leigubíl og 20 mínútna ökuferð var ég kominn í slotið (Leifsgötu 16). Þar var gaman að koma! Allt innanhús var snyrtilegt og bar merki um fágun og er greinilegt að smekkur Sonju hefur þar fengið miklu að ráða. Húsráðandi og tryggur kunninginn tóku til við eldamennsku og af grilli og úr pottum rann fram himnesk munngát. Hef ég ekki í langann tíma etið jafn góðann mat. Með matnum og eftir og undan drakk ég rauðvín. Þegar líða fór á kvöld gerðumst við skrafhreifnir mjög og ryfjuðum upp gömul og ný skammastrik, sem mörghver tengdust áfengisdrykkju og Pálma.

Ég komst að því að húsráðendur voru mjög vel tækjum búnir til áhorfs og hlustunnar og ágirndist ég mjög eitt tæki þeirra sem við lékum okkur af lengi kvölds. Er hér um að ræða flakkara nokkurn sem hægt er að fylla af tónlist og annari skemmtan. Langar mig því að forvitnast hvernig best sé fyrir mig að nálgast sambærilegt tæki.

Ég vil nota tækifærið og þakka frábært kvöld með von um að þau megi verða fleiri.

Sparisjóðurinn

2006-12-07T09:53:00.000Z

Þegar ég var skírður þá fékk ég gefins sparisjóðsbók frá Sparisjóði Hafnarfjarðar. Síðan þá hef ég átt í viðskiptum við þann ágæta banka og líkað vel.

Sparisjóðir eru undarlegt fyrirbæri. Þeir eru í eigu stofnfjáreiganda, en gróðinn af rekstrinum á þó ekki að fara til þeirra, heldur til uppbyggingar þess svæðis sem sparisjóðurinn er staðsettur. Þetta voru a.m.k. markmiðin í upphafi. Þannig gerðust málsmetandi menn í Hafnarfirði t.d. stofnfjáreigendur og var ekki hugmyndin hjá þeim að græða heldur að byggja upp sitt bæjarfélag. Nýlega kom þó nýtt hljóð í strokinn, gróðapungar mættu á svæðið og boluðu út stórum hluta þessara eldri stofnfjáreigenda. Nú hefur hámarkinu verið náð og sparisjóðurinn minn rennur saman við sparisjóð Vélstjóra, ætli útkoman verði ekki Sparisjóður hafnfirskra vélstjóra. Ég ætla því að segja lokið tæplega 35 ára farsælu samstarfi og færa viðskipti mín annað. Held ég fari í Sparisjóð Skagafjarðar, en þar er ég einmitt stofnfjáreigandi.

Hver drap rafmagnsbílinn?

2006-12-06T21:45:00.000Z

Horfði á myndina "Who killed the electric car?" í gærkvöldi. Þetta var bara helvíti góð mynd um það hvernig það hefur verið markvisst unnið gegn því að koma rafmagnsbílnum á markað.
General Motors voru komnir með mjög góðan rafmagnsbíl á götuna árið 1996 og kallaðist EV1. Svo voru þeir skyndilega allir innkallaðir og eyðilagðir. Aðeins einn bíll er eftir og er hann á safni, en búið er að fjarlægja vélina og allt sem máli skipti til að hægt væri að búa til svona bíl aftur.

Það er farið í saumana á mörgum hlutum og pælt í því hvers vegna rafmagnsbíllinn var gjörsamlega tekinn úr umferð. Toyota gerði svipað og voru komnir með fínan rafmagnsbíl á götuna, en hætti við á síðustu stundu að setja þá á markað og keyrðu í staðinn alla bílana í verksmiðju þar sem að þeir voru tættir (af einskærri tilviljun þá var einnig olíubor í gangi þar sem að bílarnir voru eyðilagðir)

En það voru ekki bara olíukóngarnir sem töluðu gegn þessu, heldur hafa nokkrir forsetar bandaríkjanna verið á móti þessu þar sem að USA er háð olíu (og var sýnt myndbrot af Bush segja þetta).

En það voru ekki síst bílaframleiðendurnir sjálfir sem unnu gegn þessu, því þegar allt kom til alls, þá voru þessir nýju rafmagnsbílar svo frábærir að þeir biluðu ekkert og því var stór hætta á að varahlutasala færi alveg í vaskinn ef þessir bílar kæmu á markaðinn.

En ég mæli semsagt að menn kíki á þessa mynd.

gef henni alveg 3 stjörnur af 5

Pálmi kanínubóndi

2006-12-06T11:30:00.000Z

Jæja, áttuðum okkur á því í gær að líklega væru kanínuungarnir að nálgast kynþroska. Þannig að gengið var í að reyna að kyngreina dýrin skv leiðbeiningum dýralæknis. Í ljós koma að við erum með 2 karlkyns unga og 1 kvenkyns + svo móðurina... Nú þá þýddi ekki annað en að hefja aðgreiningu kynja svo körlunum var skutlað inn á klósett á meðan. Kanínubóndinn fór í það að skipta útibúrinu í tvennt. Síðan var klórað sér í kollinum til að finna bráðabirgðalausn amk fram að helgi sem fæli í sér aðgreiningu kynjanna. Var á endanum ákveðið að smíða lítinn "harlem" kofa fyrir karlana en láta konunum eftir núverandi kofa. Þannig að Pálmi kanínubóndi var að smíða og saga langt fram eftir kvöldi í skítakulda kofa.

enda vaknaði ég í morgun raddlaus og hóstandi og fyrsta verk mitt í dag var að versla hálsbrjóstsykur. Nú um helgina stendur svo til að nýta dagsbirtuna til að klambra saman veglegri og betri byggingu fyrir þetta kanínulið.

Hey kanína tralalalala lala

Framdi bankarán í morgunn

2006-12-05T18:04:00.000Z

Þegar ég vaknaði í morgunn var ég svo helvíti hress á því að ég skellti í mig 2 jógúrt og prins pólói, klæddi mig upp eins og jólasvein og rölti svo í landsbankann og labbaði út með fullan poka af peningum á bakinu. Nú er ég moldríkur og ætla að eyða öllum peningunum í vitleysu.

Að labba

2006-12-05T15:48:00.000Z

$20.000.000.000

Síðan ég byrjaði að vinna í Borgartúninu hef ég verið tregur til að labba/hjóla til vinnu og yfirleitt viljað fara í bíl eins og venjulegur Íslendingur. Ég hef reynt að venja mig á að hjóla en að hjóla veitir mér takmarkaða ánægju og því hefur það verið erfitt að koma því í vana. Einstaka sinnum hef ég labbað en það að labba frá Skúlagötunni tók alveg 15-20 mínútur og frá Leifsgötunni um 30 mínútur þannig að ég hef talið sjálfum mér trú um að það sé of langt. Núna síðustu vikurnar hef ég reyndar byrjað að njóta þess að labba til og frá vinnu og það held ég að sé bara gott mál því mér veitir ekkert af hreyfingu og útiveru. Það er líklegast tvennt sem hefur valdið þessari hugarfarsbreytingu hjá mér - annarsvegar að ég er farinn að nota gönguskóna mína til og frá vinnu og það er allt annað en að tippla þetta í einhverjum lökkuðum vinnuskóm. Hitt málið sem er mun veigameira er að ég nota þennan tíma í að hlusta á podcöst í iPodinum mínum og er ótrúlegt úrval af góðum þáttum sem hægt er að velja um núorðið. Í dag hlustaði ég t.d. á þátt frá BBC um uppbyggingu í Írak og peninga sem þar átti að nota í uppbyggingu en hurfu sporlaust.

Að skipta um dekk

2006-12-05T10:07:00.000Z

Sá einstaki atburður varð í gær eftir vinnu að ég kom að bílnum mínum hér úti á plani með sprungið dekk. Nú ég er kominn á NAGLAdekk fyrir ekki svo mjög löngu en eitt þeirra var loftlaust svo eitt sumardekkið var eftir undir bílnum og viti menn það var semsagt sumardekkið en ekki eitt hinna þrælnegldu sem var loftlaust.

Nú næsta mál á dagskrá var augljóslega að skipta um dekk. Þar sem ég hef ekki lent í því áður á þessum bíl að þurfa að setja varadekk undir þá var fyrsta málið, HVAR er varadekkið. Jú það sat sem fastast í grind undir bílnum og ekki alveg deginum ljósara hvernig ég myndi ná dekkinu úr þeirri grind. Eftir smá spekúleringar og símtal í robba sem á jú samskonar bíl þá kom í ljós að það er bolti sem þarf að losa inni í skottinu á bílnum til að slaka grindinni og þar með dekkinu niður. Gott mál fór í það... 5 mínútum og 132 snúningum seinna pompaði dekkið á götuna með miklum látum... Nú þá kom hins vegar í ljós að dekkið var áfram jafnfast undir bíl því á bílnum er dráttarkrókur og hann er festur þannig að hann kemur alveg í veg fyrir að hægt sé að ná varadekkinu undan bílnum þegar það liggur í þessari grind!! Nú það þýddi ekkert að deyja ráðalaus svo ég tók tjakkinn og tjakkaði bílinn upp að aftan og þurfti að fara með tjakkinn býsna langt upp en að lokum náðist ***#*$# dekkið.

Nú þá var bara að slaka bílnum niður aftur og tjakka hann svo upp til að skipta um dekkið, en viti menn sumardekkið er á álfelgu og svo skemmtilega vill til að sér sett af boltum er fyrir þær sem ekki er hægt að nota til að festa varadekkið svo nú þurfti að fá senda boltana ofan úr breiðholti svo ég kæmist heim.

Já það er ekki einfalt að skipta um dekk í nútímaþjóðfélagi.

Draumalandið

2006-12-04T10:39:00.000Z

OK smá könnun svona á mánudegi

Hverjir eru búnir að lesa Draumalandið eftir Andra Snæ? Svarið í commenti takk!

Ammæli

2006-12-01T17:35:00.000Z

Matti átti afmæli í gær og af því tilefni tókum við okkur frí frá vinnu og ráfuðum um Reykjavík fyrrihluta dags og drukkum kaffi á Kaffi Tár og Eymundsson í Austurstræti. Um kvöldið var svo skundað í Perluna og gerð úttekt á Jólahlaðborðinu.
Það var næstum því fullkomið, en um kvöldið heyrðust ægileg læti úr eldhúsinu og svo þegar ég var að spyrja kokkinn um eplakökuna (kokkurinn stóð þarna við eftirréttaborðið) þá varð hann voðalega vandræðalegur og var eitthvað að útskýra að það hafi orðið smá óhapp sko, það hafi kannski heyrst fyrr um kvöldið, en þannig að sko að epplakakan verður ekkert tilbúin fyrr en seinna. Greinilegt að hann vildi ekki segja mér að þeir hefðu einfaldlega misst kökuna í gólfið.
Ég sagði honum að það gerði ekkert til, það væri nóg af öðru góðgæti þarna.

Jólabúx

2006-12-01T17:21:00.000Z

Ég setti hausinn á blögginu í jólabúning og eins og lesendur kannski sjá og muna er þetta nánast eins og í fyrra og segir það kannski sitt um hugmyndaflugið hjá mér. Ég hef ekki tíma til að gera þetta öðruvísi og betur en það er kannski ágætis keppni í desember að gera besta jólahausinn fyrir bloggið okkar .... hvernig líst mönnum á það? Ef fólk vill vinna út frá gamla hausnum þá er hægt að sækja hann hérna: http://js.smugmug.com/photos/53984584-L-0.jpg
Ég skora á lesendur og sérstaklega bloggarana á þessu bloggi að sýna hvað þeir geta.

Pistill frá Sigga

2006-12-01T00:30:00.000Z

Siggi er mættur aftur með nýjan pistil sem er frekar studdur og bragðdaufur miðað við það sem maður á að venjast úr þessari átt - við skulum sjá hvað hann hefur að segja:

Ég á vart orð til að lýsa ánægju minni og undrun yfir kraftmikilli byrjun á bloggvetri eftir fyrsta sumarfrí í sögunni. Ég hef því miður ekki getað sinnt skyldum mínum við síðuna undanfarið en mun geta bragabót á því þegar í stað.
Mér finnst rétt að velta upp nokkrum spurningum núna þegar jól nálgast og nýtt ár að hefjast, en það vill svo til að blöggið á einmitt 4 ára afmæli núna í mánuðinum og því er síðan að renna inn í sitt 5. starfsár.

Spurning 1: Svo viðrist sem Jóhann sé að meika það í ljósmyndun og hef ég lagt til að ég verði honum yrkisefni á myndum framtíðarinna og a.m.k. 1 mynd af mér verði á öllum ljósmyndasýningum hann tekur þátt í. Hvernig lýst mönnum á þessa hugmynd og finnst mönnum að ég eigi að vera í fötum á myndunum eða ekki

Spurning 2: Jólakransar og veggfóður, hvað finnst mönnum um þetta tvennt og hafa menn í hyggju að setja þetta upp fyrir jólin

Spurning 3: Legg til að haldinn verði pylsu og bjórveisla 7. janúar 2007 til að halda upp á 4 ára afmæli klúbbsins hvernig lýst mönnum á það?

þetta er fyrsti pistill frá mér af mörgum sem koma munu í vetur

Ég þakka lesturinn og býst ég við að Jóhann taki von bráðar viðtal við mig

kv siggi