Stutt blogg um menningardaginn.

Byrjað var á að mæta um 13.00 á Players þar sem horft var á fótbolta og spilað Pool til að verða 18.00. Þá var stefnan tekin niður í bæ þar sem við fórum í hljómskálagarðinn, vorum þar í 10 mín og héldum á Tjarnagötuna á tónleika.

Sáum þar hljómsveitina Ælu frá keflavík og var það bara ágætis skemmtun. Þaðan röltum við niður í bæ og var farið á Kaffi Austurstræti þar sem Jóhann komst á séns - en ekkert varð þó úr því. Hittum Egil Ólafsson þar inni.
Smelltum okkur svo á Thorvaldsen þar sem við sátum úti (undir tjaldi) í dágóðan tíma, fengum okkur burger, bjór og kokkteila.
Þaðan var haldið stuttlega á vísindadaga í Topshop, vorum þar stutt, fórum þá fyrir utan Lækjarbrekku og sátum þar í góðu yfirlæti og drukkum bjór og Irish Coffy.
Nú var farið að síga á seinni hlutann - undirritaður var farinn að finna vel á sér en tók þó bjór í hönd og rölti með strákunum (sem var Oddgeir líka þar sem hann kom þegar við vorum á Lækjarbrekku) niður á höfn og hlustuðum á Sálina, Stuðmenn og horfðum á flugelda.
Þegar öllu þessu var lokið var haldið á Kaffibrennsluna og svo á Iðnó. Ég staldraði stutt við á Iðnó þar sem ég var farinn að verða "þreyttur" og konan var búinn að vera að reyna að ná í mig - haldið var heim á leið með Oddgeiri.
Frétti svo daginn eftir að EE hefði verið að reyna að ná í mig á fullu - ég hefði ekki svarað og hún var brjáluð um kvöldið. Það útskýrði hví ég rauk af stað heim.

En góður dagur, gott kvöld en svolítið dýrt.