Siggi mætti í tennis í gær með bland af ótta og virðingu fyrir andstæðingi sínum, sem samt hefur ekki hreyft sig í 6 vikur vegna tábrots og var þetta hans fyrsta hreyfing í langan tíma. Þegar Siggi mætti sá hann Jóhann í fullum skrúða og þá tók óttinn völdin því hann sá á atgervi hans að hann ætti líklegast ekki mikið í hann að gera. Hann reyndi að dreifa huganum þegar hann klæddi sig í gallann og gekk inn á klósett og fékk sér stórann vatnssopa og horfði í spegilinn og sagði við sjálfan sig: "Reyndu bara að gera þitt besta þó það muni aldrei duga!". Eftir það trítlaði Sigurður inn á völlinn og leikurinn byrjaði. Siggi sá að fyrstu tvo leikina var Jóhann með hugann við að liðka liðamótin og náði Siggi að vinna fyrsta leikinn en hann sá að Jóhann var aðeins að hita upp og sviti fór að spretta fram sem var blanda af hræðslu, óttablandinni virðingu og þreytu við að ná þó þessum sigri. Siggi tapaði síðan þessu setti 6-2 og fannst honum skemmtilegt að sjá íþróttamannslegar hreyfingar Jóa og fannst honum að mótherji sinn hafi nánast guðlega hæfileika í þessari íþrótt líkt og í öðrum keppnum sem hann hefur at kappi við hann fram af þessu.
Næsta leik tapaði hann 6-1 og síðan þeim síðasta 4-1. Sigurði var á orði eftir leikinn að þvílíkum kappa hafi hann aldrei spilað á móti áður og það var eins og að Gunnar á Hlíðarenda hafi mætt í salinn með spaða að vopni því þvílíkur voru tilburðir Jóhanns. Tákn um gjafmildi og drengilegt skap Jóhanns að hann leyfði Sigga að vinna 4 leiki og má hann vera ánægður með það því hann hefur ekki unnið leik áður.
Þegar Sigurður kom heim fór hann að hugsa um það að hann þarf að kaupa farandbikar ásamt Hauki meðspilara sínum því þeir hafa nú þegar tapað þessari önn á móti hinum miklu hetjum Jóhanni og Hjörleifi hinum góða.

Það var ákveðið á fundinum um helgina að koma upp stigakerfi í tippklúbbnum til þess að mæla ástundun félagsmanna. Fyrir mætingu fá menn tvö stig en ef þeir standa sig ekki á fundi eða koma óundirbúnir þá er eitt stig dregið af þeim. Siggi mætti ekki um helgina og fær því ekkert stig, Hjölli mætti óundirbúinn og fær því aðeins eitt stig, Pálmi heimtaði að þrítryggja Chelsea leikinn þrátt fyrir að allir aðrir væru á móti því og við misstum því af einu réttu stigi í viðbót og hann fær því eitt mínusstig og Jói fær eitt plús stig fyrir að koma upp þessu frábæra kerfi.

Jói 3
Árni 2
Hjölli 1
Pálmi 1
Siggi 0

Ég hef síðan hitt meðlimi klúbbsins á nokkrum óformlegum fundum og þarf hefur mér heyrst mikið vantraust á árshátíðarnefndina og hafa þær raddir heyrst að lísa yfir vantrausttillögu á nefndina.

Fékk vélina aftur í dag úr viðgerð hjá Beco en þeir geta ekki stillt fókusinn fyrr en eftir 3-4 vikur þegar þeir fá stillispjald fyrir þessa tegund af vél. Á meðan verður maður bara að vera meðvitaður að maður þarf að miða aðeins fyrir framan fórnarlambið.

Tók þessa mynd í kvöld þegar Sonja var á leið til Liviu frænku sinnar frá USA en hún var með mat í kvöld.

Þetta eru nokkuð flottar myndir sem túlka mannlegar tilfinningar og athafnir í gegnum spítukall: Little Man by Dave Nitsche

Nú á eftir er fyrirlestur hér hjá Actavis hjá honum Jóhanni Inga (fyrrverandi þjálfari Hauka í handbolta) um streitu ofl. Mér varð hugsað til þess hvernig ég sjálfur losa um streitu en ég veit ekkert betra en að setja headphona á mig í vinnunni og setja eitthvað gott rokk á, eða bara eitthvað sem er í raun með miklum takti. Þetta losar alltaf aðeins um stressið hjá mér og mér líður ávallt aðeins betur.
En að sjálfsögðu er besta lækningin að fara í sund, setjast í pottinn, liggja í gufunni og ná út illu djöflunum.
Nú verður gaman að sjá hvort Jóhann Ingi sé sammála mér varðandi þessa losun.

En einnig nota ég tónlist þegar ég er mjög eirðarlaus í vinnunni og þá get oft fókusað betur.

En einmitt dagurinn í dag var þannig að ég hef verið frekar eirðarlaus, lítið að gera hjá mér miðað við undanfarna mánuði þar sem ég hef verið á haus og þá er svo mikið spennufall að erfitt er að pikka sig upp. Þá set ég góða tónlist á fóninn og þá hrekkur allt í gang.

Í dag hefur Killing Joke - Pandemonium verið að aðstoða mig í eirðarleysinu. Auk þess þakka ég Barða fyrir Lady & Bird sem hefur verið líka í gangi hjá mér svona í bakgrunninum, þetta er nú ekki Bang Gang en samt fínn diskur.

Siggi bað mig um að setja þetta á bloggið, held að þetta sé nú ekki í þeim háa standard sem við viljum hafa á því en læt þetta flakka fyrir hann:

---

Siggi says:
Værirðu til í að skilgreina þig í flóru mannlífsins fyrir mig
Jói says:
Nei, er ekki frekar við hæfi að þú gerir það!
Siggi says:
nei ég djúp sjálfskoðun
Siggi says:
þoli það ekki núna eftir illa meðferð Pálma á mér í morgun
Jói says:
Þú átt að skilgreina mig!
Siggi says:
ok
Siggi says:
Harðsoðið kvenngall með mýkt á við silki inn við beinið
Siggi says:
kvennagull átti þetta að vera
Jói says:
ok
Jói says:
ertu þá búinn að skilgreina mig ?
Siggi says:
já ég var að því
Siggi says:
Harðsoðið kvennagull með mýkt á við silki inn við beinið
Jói says:
ok, stutt samt
Siggi says:
mundirðu ekki segja að þetta væri kjarninn í þér
Jói says:
jú
Siggi says:
værirðu ekki til í að skella þessu á bloggið og fá mat manna á lýsingu minni á þér

Jón Gnarr að fara í Spaugstofuna, er það ekki bara eitthvað grín ?

Ægir frændi var að kaupa sér jakkaföt sem eru svipuð og bláu flauelisjakkafötin mín þannig að við ætlum að vera eins um jólin. Hann var líka að fá sér hring í eyrað þannig að það er spurning hvort ég hermi eftir honum.

Vonandi kemur myndavélin úr viðgerð á morgun en þeir ætla að grófstilla fókusinn fyrir mig en fá síðan ekki fókusspjald fyrir vélina fyrr en eftir 3-4 vikur þannig að hún verður að duga með fókusinn grófstilltann.

Er ekki komið að næstu ljósmyndakeppni Slembara? Spurning að hafa keppnina mjög þrönga í þetta skiptið og taka þema eins og t.d. styttur, hnífapör, kirkja eða eitthvað slíkt sem gerir keppnina þrengri en hún var síðast. Einnig er spurning að hafa keppnina þannig að menn megi taka mynd í öllum desember og þemað er jólin? Pálmi stjórnaði þessu síðast og hann og Hjölli ættu kanski að stjórna keppninni saman núna. Ég ætti kannski ekki að vera með þannig að hinir eigi einhvern möguleika?

Að lokum langar mig til að biðja Hauk um að vera duglegri við að setja inn comment á síðuna okkar.

Nýja myndavélin mín reyndist vera með fókusvandræði og ég veit ekki hvenær ég fæ hana því Beco þarf að panta að utan eitthvað fókusspjald til að stilla hana, fæ væntanlega að vita það á morgun.

Ég ætla því að setja bara inn eina gamla mynd núna:


Nei Sigurður, þetta er ekki Casanova eða James Bond á yngri árum heldur ÉG! Taktu eftir hvað ég var strax orðinn mikill snyrtipinni og með heimsborgaralegt yfirbragð. Ég veit hinsvegar ekki hvað ég var gamall þarna, líklegast um 3ja mánaða en ég var mjög bráðþroska.

Eins og Hjölli er búinn að upplýsa heiminn þá fórum við á leikrit á laugardaginn sem var alveg ágætt, hægt að hlægja mikið að því og eftir það hélt hópurinn heim til okkar Sonju þar sem setið var eitthvað frameftir.

Í gærkvöldi fór ég ásamt fríðu föruneyti á Vodkakúrinn, en það er leikrit. Steinn Ármann og Helga Braga leika öll hlutverk. Helga lék reyndar alltaf sömu persónuna, en Steinn Ármann lék nokkrar persónur og m.a. eina konu. Ég skemmti mér konunglega og mér heyrðist nú að flestir í salnum hafi einnig skemmt sér mjög vel, enda mikið hlegið. Mæli með þessu, gef því ***

Þvílík forréttindi að hafa möguleika á því að hjóla í vinnuna, maður er ótrúlega ferskur eftir þennan stutta hjólatúr fyrir vinnu. Í morgun var c.a. -15° hiti og ótrúlega frískandi að hjóla í svona kulda.

Er ekki við hæfi að birta hérna fyrstu myndina sem ég vinn í mulningsvélinni en það er ótrúlegur hraðamunur á henni og laptopvélinni.



Síðan eru hérna tvær myndir frá því að ég var að raka mig:

Og segi ég þá þessum skeggapakafla lokið.

Eigi er Pálmfróður nema annar sé.

Hvað er að frétta úr neytendahorninu?

Roony að gera góða hluti í gær:

Braut 3 fáránlega af sér í "vináttuleiknum" og var kallaður af velli þegar 3 mínútur voru eftir að leiknum því hann var búinn að missa sig og bara tímaspursmál hvenær hann fengi sitt annað gula spjald eða rautt. Hann strunsaði þá af velli og grýtti svörtu armbandi sem hann var með á hendinni í jörðina sem var til minningar um Emilyn Hughes sem var jarðsettur þennan sama dag og neitaði að taka í höndina á Alan Smith sem var að koma inn á í staðin fyrir hann og kallaði svívirðingar að enska bekknum.

Ég og Sonja fáum væntanlega tölvuna sem við vorum að kaupa okkur í dag eða á morgun. Þetta er sannkölluð mulningsvél en hún er Pentium 4 3 ghz, 2 gb í minni, 256 mb minni á skjákorti og 400 gb diskapláss. Þessi vél ætti að vera mögnuð í photoshop vinnslu og tölvuleikjum (spurning að spila Half Life 2 og Quake 3 þegar þeir koma). Fékk afslátt hjá Tölvulistanum vegna þess að ég lenti í veseni með þjónustu hjá þeim í vor og vonandi verður þjónusta þeirra betri núna. Við keyptum bara tölvuna sjálfa, þ.e. engan skjá, lyklaborð og stýrikerfi því við eigum allt þetta júnxbúnx.

Hvað ætla ég að gera í kvöld? Raka mig!

VISA og punktarnir, vildarvinur eða vildaróvinur.

Eins og við vitum þá reyna fyrirtækin alltaf að snuða neytendur eins mikið og hægt er og auglýsa sig með gulli og grænum skógum, en allt sem við uppskerum er hækkandi vöruverð. Af þeim sökum skráði ég mig í neytendasamtökin fyrir nokkrum mánuðum, enda orðinn langþreyttur á þessu stöðuga hakki.

Þannig er mál með vexti að ég (eins og margir aðrir Íslendingar) er með VISA kort. Þetta er hið ágætasta farkort og skráði ég það í hina ýmsu klúbba sem boðið er uppá og borga reikninga með þessu með sjálfvirkum hætti. Allt ofsalega þægilegt. Þetta gerir maður í þeirri trú að maður sé að safna punktum. Svo ferðast maður nokkrum sinnum til útlanda og verslar og hjá öllum þessu punktasöfnunarfyrirtækjum og svo eftir dúk og disk fer ég og tékka á punktastöðunni og ætti hún nú að vera orðin nokkuð góð þar sem að ég hef verið svo góður kúnni, en þá er hún í algjöru núlli. Samt sem áður er ég meðlimur í "Vildarklúbbi Icelandair", og "Vildarvinur Shell" og hef verslað þó nokkuð við þessi fyrirtæki auk þess sem ég borga ýmsa reikninga með þessu korti. Ég hef bara ekkert skilið í þessu og þegar ég skoða hvernig ég er skráður sé ég ekki betur en að ég sé bara traustur vildarvinur í hinu og þessu og kortið mitt alveg löglega skráð og allt í góðu með það, en samt sem áður gerist ekki neitt, alltaf er punktastaðan í núlli.

Ég er var orðinn töluvert pirraður á þessu ástandi og sendi VISA fyrirspurn um málið og krafðist leiðréttingar á þessu, en þá voru þeir að sjálfsögðu með trompið í erminni, sem ég gat nú ekki vitað um, þar sem að allar heimasíður sögðu mér að ég væri alveg löglega skráður í alla klúbba og kortið mitt í fínu lagi og ég veit ekki hvað og hvað. Nei ég fékk þá trompið beint í fésið, ég var ekki með "Vildar-farkort", það kostar ekkert meira, og kortanúmerið er það sama, en það er mynd af flugvél utan á kortinu. Það verður nú að segjast eins og er að mér finnst eins og ég hafi verið hafður af fífli og nú sitja þau hjá VISA og skellihljægja og fagna þessu snilldarbragði að plata fólk til að safna punktum og fá afslátt, en gefa manni svo ekki neitt nema langt nef.
Allt sem ég hef haft upp úr þessu er bara hærra vöruverð, því það er jú ekki til neitt sem heitir ókeypis í þessu landi og ef einhver fær afslátt einhverstaðar, þá borgar hann einhver annar. Því þegar allt kemur til alls þá er það ekki hagur kúnnans sem er í fyrirrúmi, heldur hagur eigenda fyrirtækjanna.

Einn mjög pirraður vildaróvinur
Hjörleifur Sveinbjörnsson

Ég og Haukur mættum í tennisinn í gær og ætlaði Haukur sér stóra hluti. Fyrri leikurinn tók aðeins 20 mínútur og var nokkuð jafnt á tölum upp í 2-2, en þá kom slæmur kafli hjá Hauki og komst ég í 5-2 , svo en þá átti hann kombakk og náði 5-3, en ég tók síðustu lotuna og vann 6-3. Við drifum okkur því í næsta leik og nú var Haukur staðráðinn í að vinna þann leik fljótt og ná svo 3 leiknum og vinna þennan dag. Eftir að hann var kominn í 3-1 leist mér nú ekki á þetta og vann því næstu 3 leiki og breytti stöðunni í 4-3 mér í vil. En þá kom slæmur kafli hjá mér og á síðustu mínútunni tókst Hauki að vinna þetta 6-4. Seinni leikurinn tók því um 40 mínútur og ekki pláss fyrir 3 leikinn og varð því niðurstaðan eftir daginn 1-1.

Hef lengi verið að velta fyrir mér að kaupa mér crossara, fékk tilboð um daginn í gegnum Bubba að kaupa hjól sem kostar 550 þús (raunvirði um 870 þús). Síðan þyrfti ég að kaupa galla sem kostar um 150 þús og gæti því átt krossara og græjur fyrir um 700 þús.
Nú er ég virkilega að pæla í þessu þar sem mér vantar góða aðferð til að fá útrás, ekki má ég víst fá hana í fótbolta þar sem menn segja að ég sé bara tapsár að því að ég vil vinna alla leikina :)

En hvort ég eigi að fara í þetta veit ég ekki, er mjög tvístígandi, þetta tekur að sjálfsögðu tíma og er tiltölulega hættulegt, t.d. er Gísli nú brotinn því hjálmurinn hans skaust í bein og tvíbraut það.

Er búinn að vera að taka myndir og leika mér í photoshop alla helgina.
Afraksturinn er á smugginu, en best að setja eina mynd með, en þetta er eins og allir sjá tannburstinn minn. En ég er alltaf hjá tannsa núna, eins og komið hefur fram í síðustu blöggum, en það er ef einhver hefur ekki verið búinn að fatta það að það er "konan í kringlunni". Heimstótti hana í dag og hún hafði af mér tæpar 20000 krónur. Held að ég sé ekkert að fara að kaupa mér sjónvarp strax. Hver þarf líka sjónvarp í svartasta skammdeginu, það er svo margt hægt að gera, t.d. horfa á dvd í tövunni.

Svo er tennis í kvöld og mun ég etja kappi við Hauk hinn ógurlega. Best að drífa sig þá heim í andlega íhugun og snæða einhverja hollustubita til að vera tilbúinn undir átökin.

Í dag eru 2 ár frá því að við byrjuðum þetta blogg en einhver bloggleti er í mönnum þessa dagana, en ef við tökum síðustu 100 blogg þá er þetta tafla yfir hvað hver hefur bloggað mikið (ég legg til að þeir sem eru í 2-3 neðstu sætunum fari nú að taka sig á.

Jói	41
Hjölli	28
Pálmi	16
BjaKK	10
Árni	5

Takk fyrir.

Skellti mér á tippfund í morgun þar sem notast var við nýjustu tækni við að tippa á Players. Pálmi mætti ekki á fundinn og Hjölli mætti 40 mínútum of seint, ruglaðist á klukkunni. Nú er árshátíð í uppnámi því Sigurður kom með miðlunartillögu um að fresta hátíð fram yfir áramót sem lagðist misvel í menn - en við verðum a.m.k. að taka ákvörðun sem fyrst.
Eftir fund fórum við Sonja í langan ökutúr og fórum m.a. upp á Nesjavelli og vorum við að prófa nýju myndavélina því við höfðum ekki prófað hana í dagsbirtu vegna skammdegis og vinnu. Þetta er ein af þeim myndum sem tókum í ferðinni og kalla ég hana Andstæður:


Andstæður

Núna er ég að vinna og mun vera eitthvað frameftir að því og sennilega allan morgundaginn - horfi samt líklegast á leikinn kl. 16. Sonja fór með vinum sínum upp í sumarbústað en ég ákvað að vera heima til að vinna á þessum verkefnalista.
Jæja, Siggi - skelltu 10 á þetta meistarablögg andskotinn hafi það!!!

Setti inn mynd af Sonju sem ég tók í kvöld: Check it!

Í gærkvöldi var ég að gera tilraunir með myndavélina mína. Prófaði að setja hana á borð og setti lúpu (stækkunarglerið sem jarðfræðingar eru ALLTAF með á sér) fyrir linsuna. Þysjaði svo inn eins mikið og hægt var. með þessu móti gat ég tekið myndir með mun meiri stækkun heldur en ég gat áður. Til að stylla fókusinn þá lét ég myndavélina bara vera kjura en hreyfði myndefnið fram og til baka (prófaði nokkra litla hluti sem ég átti til, t.d. tindáta (úr plasti), hundrað krónu mynt og svo flugu sem ég hafði hnýtt sjálfur, en hún kom einna best út. Ég ætla að gera nokkrar fleiri tilraunir með þetta, enda gaman að prófa eitthvað nýtt í þessum geira.
Ég hefði sett inn myndir en mig vantaði kubb. Sönnunargagnið er astraltertugubb. En ég ætlaði að prófa minniskortakubbinn hér í vinnunni, en hann les 11 tegundir minniskorta, en ekki xD kort (sennilegast ekki sjálfstæðismaður sem hannaði þetta apparat).

Nú fer að líða að árshátíð og Sigurður og Hjölli hafa ekki sett fram dagskrá né stað og stund. Hvenær eigum við von á þessum upplýsingum?

Fór aftur að hitta konuna í kringlunni. Í þetta sinn sprautaði hún mig bara smá og ég hallaði mér bara aftur og svo tróð hún nokkrum tækjum upp í mig og svo stuttu síðar gekk ég í burtu. Eftir þetta leið mér samt svo undarlega að ég fór bara heim og lagði mig í smá stund, en vinstra augað á mér var allt dofið og ég var kominn með sama kæk og Dreyfus í Bleika pardusnum.
Nú er ég allur að koma til og mættur í vinnuna aftur, enda nóg að gera.

Þetta hefur gengið svona allt í lagi en það er gott svigrúm til að bæta sig.

Title	Challenge	Date	Avg Vote	Place	Percentile	Comments	Viewed	Favorites
Does size matter?	Indecision	11/02/2004	5.362	36 / 108	67%	8	14	0
Fender Stratocaster	Music	10/26/2004	5.514	51 / 124	59%	10	19	0
Crossing the horizon	Implied Lines	10/21/2004	5.451	75 / 173	57%	17	45	2
Couple watching a burning sky	October Free Study	10/22/2004	6.004	107 / 488	78%	10	20	1

Hendi hérna inn tveimur myndum tekna á nýju vélina. Þær eru báðar teknar á 35mm 1.4L linsuna og sú fyrri er tekin af Sonju án flasss en hin er með flassi og er tekin af "the award winning photographer" eins og maður segir stundum.


Steinunn systir Sonju að pósa fyrir myndavélina


Sonja frekar þreytt á þessari mynd.

Það hefur verið einhver smá flensuskítur í mér í dag, en hann fer örugglega á eftir í tennisnum. Annars er það að frétta af mér að ég var hæri en Jói í báðum keppnunum á DPChallenge, en Jói hjálpaði mér reyndar mjög mikið með aðra myndina og smá við hina. En það er gaman að þessu.

Keypti mér loksins Canon EOS-20D vélina fyrir helgi og það er óhætt að segja að þessi vél er alveg ótrúleg. Hef reyndar ekki prófað hana nægilega vel en vonandi koma inn myndir hingað fljótlega.
Við Sonja kíktum síðan í BECO áðan og keyptum tösku fyrir vélina sem rúmar líka um 6 linsur ásamt öðru aukadóti og einnig keyptum við betri hálsól.

Siggi sæti drengur góður
sterkur félagi
Þykir hann þokkalega fróður
þykir mér gott að vera með honum í liði í spurningjakeppni á grandrokk
Jói 2004

I am frinking fakrking bastard
og það er ekkert sem þið getið gert við því
ha ha ha ha ha ha hhha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha hahhha ha ha ha ha ha ha ha a ha ha ha hha ha ha ha ha ha ha ha ha ha ha ha a ha ha ha aha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha haha ha ha ha ha ha ha ha ha haha ha ha ha ha ha ha ha ha ha ha ha ha ha ha ha a ha ha ha ha ha ha ha ha ha ha ha ha ha ha ha ha ha ha ha aha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha haha ha ha ha ha ha ha ha ha ha ha ha ha ha ha ha ha ha ha ha ha ha ha !!!!!!!!!!!!!!!

1. bjórsmökkun 17:30 - 5 tegundir af bjór og endað á Duvel sem ég gaf 10 í einkunn, enda besti sterki bjórinn á markaðinum og jafnframt sá margbreytilegasti og skemmtilegasti og .....bla bla bla

2. Spurningakeppni (20 spurningar) ég fékk 7/20 sem mér finnst nú ekkert mjög slæmt þar sem að spurningarnar voru miðaðar við þá sem voru komnir á sextugs aldurinn, þe.. spurt um 3 veðurstofustjórann og þessháttar

3. Matur. Puslsur af ýmsum gerðum ásamt meðlæti sem endist allt kvöldið (ostar og fínerí)

4. Tónlist (ég kom með magnarann minn og við hann er tengd fartölva og geislaspilari)

5. Taumlaus drykkja og ball fram eftir kvöldi, jæks klukkan er bara 22:20 og við sem eigum svo mikið eftir að drekka, hvernig endar þetta eiginlega?

best að skella nokkrum fyrri pörtum inn og óska eftir botnum um leið. Í verðlaun er skoðunarferð á eigin vegum um Hafnarfjörð að verðmæti 500.000 kr.

Drekki drekki djúpt í vitund
Dauður niðrá hlemmi
.
.


Long Computer Jesus
Woke long before I died
.
.

Svartir strumpar eru high.... (þessi er nú nokkuð stuttur, en er nú samt fyrripartu í atomísku samhengi)
.
.
.
.


Belgískur bjór er vinur þinn
Bandarískur er óvinurinn
.
.


Svara skal í athugasemd
shit is inducible my fiend

Á bjórfestivali staddur ég er
úr bjór-úrvali vel ég hér
og fyllri verð ég eins og vera ber
klæðist engu og er alsber
og því fer sem fer

Nú í þessum töluðu orðum, eða öllu heldur skrifuðu, er lögreglan stödd hér á veðurstofunni. En í nótt var brotist inn í Útskála, en það eru timburhúsin sem standa á lóð Veðurstofunnar og eru skrifstofur starfsmanna þar einnig. Þjóvavarnarkerfi er í húsinu, en samt hefur þjófunum tekist að komast inn og út án þess að til þeirra næðist.

Búið að vera nóg að gera og ég er bara orðinn dauðþreyttur og ætla að fara heim og hvíla mig. Nú er gosið í brjálæðislega litlu gangi, en er þó í gangi, bara ekki eins mikið og það var í byrjun. Gosstrókurinn er það lítill núna að hann kemur ekki lengur fram á radarnum (þarf að vera 7-8 km hár til þess) og samkvæmt sjónarvottum á Skeiðarársandi sjást nú bara einhverjir litlir bólstrar upp á jökli. Hlaupið í ánni er svo gott sem búið og allt að verða rólegt. Sem kemur sér vel því á morgunn er októberfest og ég ætla nú ekki að missa af því.

Skelli hér einum (jafnvel tveimur) link með, en á þessari síðu sjást greinileg tengsl milli hæðar gosstróksins og eldinga. Svo þegar að gosstrókurinn hættir að sjást á radarnum þá má enn greina hann á kortinu yfir eldingarnar

1. Merkilegt hvernig USA menn geta kosið republikana til valda þegar næstum allar aðrar þjóðir í heiminum héldu eiginlega með Demókrötum. Sýnir bara að USA menn eru nefnilega líka heittrúar, þ.e. öfgamenn á sinn máta eins og repparar eru.
2. Martin L. Gore diskurinn nýji er nú bara ansi góður, allt tökulög að vísu en mjög skemmtilegur.
3. Strangeland er loks í hús - búinn að bíða eftir þessum degi í ansi langan tíma.

SVEIATTAN!!!!!!

Maður er barasta kominn í heimspressuna.

Vulkansky på vei mot Norge

Það er barasta ekkert annað en eldgos í Grímsvötnum núna (var annars einhver búinn að frétta af þessu?)

Hægt er að fylgjast með gosóróanum frá skjálftastöðinni sem staðsett er í Grímsvötnum á vef Veðurstofunnar

Magnús Veðurstofustjóri var að senda okkur (starfsmönnum VÍ) tölvupóst þar sem að starfmönnum gefst nú kostur á að senda inn mynd fyrir 5. nóv til að setja á jólakortin í ár. Hver starfsmaður má senda inn 2 myndir og sigurveigarinn fær 20.000 kr í verðlaun.

Maður er bara kominn á fullt í ljósmyndakeppnirnar. Það er að vísu ekki að ganga of vel á DPChallenge, en þetta er nú bara 2. keppnin sem ég tek þátt í (hin 1. var slembibullskeppnin). En vikan er bara rétt að byrja.

Jæja, þá eru úrslit ljós í minni fyrstu keppni á DPChallange og má sjá úrslitin hér: Check it!
Ég endaði með meðaleinkunn 5,451 og í sæti 75 af 173 sem er alveg ágætt (57%).
Núna er ég með í tveimur keppnum og í annarri er ég með 6,2 eins og staðan er núna og í hinni með 5,2 (úrslit verða ljós eftir viku). Hjölli er með í báðum þessum keppnum en ég aðstoðaði hann aðeins í gær með efnistök og vinnslu :-)

Helgin fór öll í það að mála og erum við ekki enn búin, allt á tjá og tundri eins og maður segir stundum. Særún og Hjölli hjálpuðu okkur um helgina og ætla að mála með okkur aftur í kvöld.
Hjölli varð hinsvegar ágengur við systur mína um helgina eins og sést á þessum myndum (handaför eftir hann eru nokkuð greinileg) og þurfti ég að lemja hann og henda honum út.