Litli feiti durturinn virðist vera að koma til United - ég er ekki alveg viss um þessi kaup en sjáum til.

Við Haukur veðjuðum kassa af bjór á tennisið í kvöld, þ.e. ef hann myndi vinna þá fengi hann kassa en ég fengi kassa ef ég myndi vinna.
Ákveðið var að sá sem myndi fyrr vinna tvo leiki upp á 6 myndi vinna og leikar voru æsispenandi. Við Hjölli mörðum fyrri leikinn 6-1 og þann seinni 6-2 og unnum við því kassa. Þetta er samt bara skuldajöfnun því ég skuldaði Hauki víst tæpan kassa. Við höfum ákveðið að halda föstum liðum áfram og það verður farandbikar sem tapliðið þarf að kaupa í lok verktíðar.

Siggi	geturðu gefið mér einhver ráð í kvennamálum?
Jói	Já, vertu þú sjálfur en spilaðu þig samt stóran ... mjög stóran!!!
Siggi	á að gusta um mann?
Jói	Já, en maður á samt að láta finna fyrir smá viðkvæmni sem stúlkurnar vilji rannsaka nánar.
Jói	og ef þær eru með einhvern kjaft þá bara slá þær utanundir eins og Humpry Bogart!
Siggi	heyrðu varðandi löðrunginn
Jói	já
Siggi	á maður að nota bakhöndina til þess?
Jói	já
Siggi	það er stíll yfir því
Jói	já, það er það
Jói	eitthvað meira sem ég get kennt þér?
Siggi	já hvernig á að meðhöndla aðstæður þar sem þær hlýða manni ekki í fjölmenni?
Jói	Hmmm .... það getur verið erfitt. Þú skalt taka hana afsíðis ég segja henni að svona gangi ekki og ef þetta samband á að ganga þá þurfi hún að fara að sýna þér sama skilning og tillitssemi og þú sýnir henni. Síðan er gott að láta hana fá bakhöndina til að undirstrika orð þín.
Siggi	takk fyrir þetta, þetta er mjög faglegt
Siggi	en geta ekki komið upp aðstæður þar sem að borgar sig að nota bakhöndina fyrir fram fólk jafnvel þó konan hafi ekki gert neitt af sér
Siggi	t.d. ef maður býður strákunum heim til sín í bjór og bolta
Siggi	er þá eitthvað athugavert við bakhöndina bara fyrir framan stákana til að sýna hver ræður?
Jói	Jú, það getur samt verið hættulegt - þegar strákarnir eru að horfa með þér á bjór og bolta getur þetta verið mjög taktískt og ég mæli með því. Hinsvegar ef tengdó er í mat þá getur þetta virkað gegn þér ef þú gerir þetta ekki rétt og sýnir ekki því meiri ákveðni og lætur gusta af þér. Ég mæli því með því að passa aðstæður og ef þú telur þig geta fengið fólk á þitt band þá er þetta bara til ...
Jói	... að auka virðingu á þér.
Jói	Þetta er líka fyrirbyggjandi að nota bakhöndina þegar hún hefur ekkert gert ... það er mjög gott.
Siggi	þetta er gríðarlega gott veganesti sem þú ert að gera mér inn í hjónabandið
Jói	já ég er sammála
Siggi	finnst þér óeðlilegt að fara fram á munnmök eftir hverja máltíð?
Jói	Kannski ekki hverja en a.m.k. einu sinni á dag.
Siggi	kemst unnusta þín upp með eitthvað múður?
Jói	Nei
Jói	Það er líka gott að lyfta upp hendinni nokkrum sinnum á dag til að láta þær vita hvað þær eiga í vændum ef þær hlíða ekki eða andmæla einhverju ... ég kenni þær aðferðir við sálfræðinginn Pavlov sem ég hef lært mikið af.
Siggi	heyrðu þetta er ansi gott veganesti
Siggi	ég mun nýta mér það
Siggi	er samt ekki mikilvægt að halda alltaf stóískri ró sinni þannig að ofbeldið virki sem þaulskipulagt uppeldisferli
Jói	Jú, það er lykilatriði ... láta þetta bara vera eins og þú sért að teygja þig í dagblaðið ... ALGJÖRT lykilatriði.
Siggi	sammála
Siggi	ef konan vill fara út fyrir hússins dyr fyrir utan sinn vinnutíma hvernig á bregðast við svoleiðis atburðarás
Jói	ja, það getur verið erfitt mál að glíma við og þarf að gera af yfirvegun. Ég mæli með að þú öskrir eins hátt og þú getur: "AAARRRRRGGGGHHHHHH þú ferð ekkert ARRRGGG helvítis út andskotinn AAARGGGGHHHH" og hendir henni síðan inn í geymslu og læsir hana þar inni í 1-2 daga. Best er að vinna svona mál að skynsemi og yfirvegun.
Jói	... því hjónaband snýst nú um samvinnu og tillitssemi.
Siggi	Þú ert snillingur
Siggi	ég mun nýta mér þessi ráð til hins ýtrasta
Jói	Já, ég mæli með því

Ég hélt í smá stund að þau væru skilin, skötuhjúin í sumarbústaðinum í garðinum heima, þar sem ég sá konuna bera út nokkra stóla og töskur með vínkonu sinni. En það reyndist nú ekki vera rétt því hún var heima um helgina og voru þau bara í fullu fjöri.

Á laugardagsmorguninn vaknaði ég upp á slaginu 6:00 við það að fólk (par) bankaði létt á dyrnar hjá þeim (til að vekja ekki alla í húsinu). Ekkert svar barst, svo það var bankað aðeins fastar, en ekkert gerðist. Þetta magnaðist svo smátt og smátt þar til að það þau (þó aðallega kellingin) voru farin að banka á alla glugga hjá þeim og berja fast á dyrnar og kalla á þau (og nú var örugglega allt hverfið vaknað). Konan bað svo strákinn (sem heitir Pétur og ég og Pálmi unnum með honum einu sinni hjá Hagvirkja, við að byggja bílastæðahúsið í Hverfisgötunni) um að sparka upp hurðinni, en hann vildi það nú ekki og var að reyna að róa hana aðeins.
Þetta gekk yfir í 10 mínútur án árangurs og heyrði ég hann segja við hana: "förum bara heim núna". Hún vildi það nú ekki, en það var greinilega ekkert annað hægt í stöðunni.

Í gærkvöldi var svo smá partí hjá þeim, en þau voru nú samt farin að sofa um 2 leitið í nótt, en vöknuð aftur um 8 í morgunn.

Sigurður (fyrrum) aðalgagnrýnandi mun senda frá sér pistil næsta föstudag þar sem hann mun lýsa ævintýrum sínum í vesturheimi. Ég bið lesendur og aðdáendur Sigurðar að hvetja hann hérna í athugasemdakerfinu því hann þrífst á því.

Sem betur fer unnum við ekki neitt þessa vikuna, því það hefði verið svo svekkjandi að vera með 13 rétta núna, en aðeins 14.850 kr voru í vinning þar. Ekkert var borgað út fyrir 11 eða 10 rétta, en alls komu fram 213.067 raðir með 11 réttum og 842.312 raðir með 10 réttum og áttum við semsagt eina röð þar á meðal.

Í hópleiknum erum við í sæti 338-358 í 3. deild með 18 stig en 571 lið eru í deildinni. Abba er efst með 33 stig eftir að hafa fengið 11 rétta fyrstu 3 vikunnar, en við vorum ekki með fyrstu vikuna sem skýrir stigafjöldann, en 2 lægstu skorin verða tekin í burtu svo við erum nú ekkert í slæmum málum þó að við höfum misst af 1. vikunni.

Öldungurinn Pálmfróður á afmæli í dag og ritstjórn sendir honum afmæliskveðjur.

Bætti við um daginn við galleríi með myndum frá Kamyanets-Podilsky og þið ættuð að skoða það. Rétt í þessu setti ég síðan myndir inn frá Kiev og síðan er Yalta næst á dagskránni. Ætla að reyna að klára að klára Austur Evrópu áður en ég fer út eftir tvær vikur og er ég nú ekki viss um að ég nái því, en við sjáum til.

1. Hafa knattspyrnumenn enga réttlætiskennd - Rooney er 18 ára og er þegar búinn að svíkja uppruna sinn. Amk að bíða 1-2 ár áður en mann svíka þá sem ólu mann upp.
2. Er búinn að vera hlusta á 2 diska undanfarið - Blowback með Tricky, alger snilld og nýjasta Voodoo Child diskinn, fínn diskur, svona old skool eins og þeir segja.
3. Tottenham enn ósigraðir eftir 4 leiki - betra en ég hafði vonað.
4. Tippklúbburinn að lognast niður?
5. Mjög feitir menn hafa minna tippi en grannir, þar sem fitann á mallanum sogar upp tippið!
6. Eins mikið og ég þoli ekki Michael Moore, þá er kominn tími á að skipta um forseta USA - GW er nú ekki búinn að ríða mjög feitum hesti undanfarin 4 ár. Ýmislegt gott en annað slæmt, ég hef mínar ástæður hví ég vill hann burtu og tengist það ekki stríðsrekstri ofl - allt önnur mál.
7. Vinna vinna vinna, búinn að mæta laugardag og sunnudag í vinnuna.
8. Styttist í Króatíu - gæti orðið mjög gaman, er þó stressaður vegna vinnunnar, en den tid den sorg.
9. Setning sem Guðjón Karl sagði við mig eftir Danmörk-Svíþjóð leikinn sem hefur festst í mér, en tyv tror alle stjæler.
10. Sjálfsblekking er versta blekkingin.

Þetta voru 10 hugsanir sem hafa verið að flækjast í gegnum huga minn undanfarna daga.

Núna erum vid á súfistanum.

Vorum rétt ì thessu ad sjà Forest Whitacker à laugarveginum.

Er nú hálf slappur enn, en gat bara ekki verið heima lengur. Hef bara snýtt mér nokkrum sinnum í dag, en þessi veikindi einkenndust aðallega af hausverk, hita og hori. Jújú það voru einmitt h-in 3 sem ég var með (ef það hefur ekki verið kallað það áður þá er það kallað það núna). Nú er bara smá eftir af síðasta h-inu.

Stutt lýsing á miðvikudeginum: Vaknaði upp mað öll h-in. hringdi í vinnuna og sagðist ekki koma. lagðist fyrir aftur og reyndi að sofna, en það var bara ekki hægt þar sem ég þurfti alltaf að losa hor með reglulegu millibili. Ég færði mig því inn í stofu með sængina með mér og horfði á ólympíurnar í strandblakinu ásamt einhverju öðru sem ekki var neitt merkilegt. Svo var þetta endursýnt seinna um daginn og horfði ég aftur á þetta þá, þar sem ég hafði ekki orku í að gera neitt annað.
Þegar það leið á kvöldið mannaði ég mig upp til að fara út í sjoppu og leigði mér DVD. Tók I-spy, með Eddi Murphy og Owen Wilson í aðalhlutverkum og nú skyldi ég aldeilis hafa það gott. Þegar ég set svo diskinn í rétt um 11 leitið og var búinn að horfa á ca 15 mín þá bilaði myndin og gat ég ekki með nokkru móti fengið neina mynd aftur úr þessum disk. Klukkan var nú orðin 23:31 og því of seint að skila disknum núna. Ég horfði því bara aðeins meira á eitthvað meira af þessum leikum þarna úti og fór svo að sofa.

Fimmtudagurinn: Var ekki alveg jafn slappur, en þurfti samt að losa þó nokkuð af hori og hausverkurinn var enn til staðar, en hitinn farinn, þ.e. 2 h af þremur eftir. Hélt áfram að glápa á sama sjónvarpsefnið (og endursýningarnar) og spilaði "Rise of Nations" í tölvunni allan tímann og lá undir sænginni um leið og hreyfði mig sem minnst. Þetta virtist virka mjög vel en ég fann að ég var að skána með hverjum klukkutímanum sem leið. Um kvöldið fór ég svo út í sjoppu og skipti DVD disknum frá því um kvöldið og fékk annan í staðinn þar sem að hinn var gallaður (þetta var óþarfa útskýring, ens samt gat ég ekki sleppt henni). Nú tók ég Catch me if you can, með Leonardo Di Caprio og Tom Hanks í aðalhlutverkum í leikstjórn Steven Spielbergs. Þessi mynd var bara helvíti góð og kom mér á óvart. En myndin er byggð á sönnum atburðum um einn mesta ávísanafalsara Bandaríkjanna (sem Leonardo lék).
Nú fór ég bara sáttur að sofa og vaknaði í morgunn með aðeins smávegis af síðasta h-inu og fór því í vinnuna í dag og ætla á eftir í grill til Árna.

Uss, það er óhætt að segja að United geti stillt upp ansi sókndjörfu liði, skoðum málið:



Þeir myndu náttúrlega ekki spila oft með svona sókndjarft lið (3 varnarmenn, og þá stilli ég Keane í vörnina) en þetta myndi vera ansi öflugt.

Tippfundur verður haldinn í Players laugardaginn 28.8 kl. 11.30.

Prófaði að leggja saman það sem ég er að spá í að kaupa mér fljótlega myndavélatengt, og það endar í c.a. 250þ. Maður getur huggað sig við það að þetta kostar a.m.k. ekki meira en kafarabúningur.

Sandisk 2 GB Compact Flash Card	260
Canon EOS-20D Digital SLR Camera Body Kit	1500
Canon BG-E2 Battery Grip for EOS-20D	170
Canon BP-511A Li-on Rechargeable Battery Pack	50
Canon Speedlite 580EX TTL Shoe Mount Flash	440
Canon EF 50mm f/1.4 USM Standard AutoFocus Lens	295
Canon EF 17-40mm f/4L USM Ultra Wide Angle Zoom Lens	675
	3390	x	73	=	247470

Við Árni skelltum okkur í bíó í gær og sáum myndina Colleteral í Laugarásbíói. Þessi mynd er með Tom Cruise og er ekki oft sem hann leikur vonda gaurinn eins og hann gerir í þessari mynd. Myndin var bara nokkuð góð og hélt manni alveg við efnið. Hún var samt með frekar óvenjulegan stíl og er ég ekki frá því að það hafi bara gengið nokkuð vel upp. Myndin fór samt í smá formúlu sérstaklega í lokin en það gekk bara vel upp.
*** / 4

Hjölli liggur veikur undir sæng heima hjá sér. Ritstjórn sendir honum samúðarkveðjur.

Frekar rólegt blöggið hjá okkur undanfarið. Árni og Pálmi blögga alltof lítið og BjaKK blöggar bara alls ekki.
______________________
Mikið að gera hjá mér í vinnunni - er að klára ýmislegt áður en við förum út eftir 3 vikur og er að vinna flest kvöld. Kíkti í kaffi með mömmu hérna í Borgartúninu í gær og var síðan hérna í vinnunni til kl. 23. Í kvöld ætla ég að bjóða Hjöllanum mínum í bíó því ég á tvo boðsmiða á Dominos sýningu á Colleteral sem er víst einhver spennari. Pálmi ætlar að taka upp fyrir mig leikinn og það verður brunað til hans strax eftir leik og náð í spóluna og horft á leikinn fyrir svefninn.
Á föstudaginn verður bjór og pizza strax eftir vinnu og síðan verður skundað á búlluna og þar verður poolmót. Ég ætla síðan að reyna að vinna slatta um helgina.

Tennis í gær, kvef í dag.

Nefrennsli og slappleiki einkennir daginn og lítið stuð í gangi.

apúffffff.....

Erum á ölver ad hita upp fyrir leikinn!

Búinn að klára að setja inn myndir frá Póllandi og hægt er að skoða myndirnar frá síðasta viðkomustað okkar hér: Zakopane.

Föstudagurinn: Nóg um að vera um helgina, en á föstudeginum var útifundur hjá bjórvinafélaginu, með grillmat og fíneríi. Eftir grillið fórum við Árni á Lu Reed og skemmtum okkkur konunglega. Eftir Reedarann skruppum við á Grandarann og horfðum á restina af lúftgítarkeppninni og þar á eftir stigu Búdrígindi á svið og Hölt hóra á eftir þeim og síðust á sviðið var Singalingurinn.

Laugardagurinn: Vaknað upp fyrir allar aldir (um 10 leitið) og horft smávegis á íþróttir í sjónvarpinu, en það er víst einhver stór keppni í gangi núna í Grikklandi, held að það séu einhverjir Íslendingar þar að reyna eitthvað. Því næst kom Árni og sótti mig og Jóa og við keyrðum til Pálma þar sem að fundur í Tippfélagi Hjörleifs Sveinbjörnssonar fór fram og stóðum við okkur sérlega illa þessa helgina (ekki betur en Jarlinn og vinur hans í síðustu viku).
Þar á eftir var komið að mínum þak-þætti, en ég átti rétt að skreppa upp á þak hjá Pálma og snúa loftnetinu. Ég var í 2 tíma á þakinu og ástandið lagaðist ekkert, en mér varð kalt og það fór að rigna.
Árni og Jói fóru á meðan ég var á þakinu.
Ég, Pálmi og börnin fórum því næst heim til mín og komum við við í Hagkaupum og keyptum grillmat og bjór í ríkinu og grilluðum í garðinum heima hjá mér. Árni, Elín og Brynhildur og Jói og Sonja mættu svo líka síðar. Eftir matinn (og frágang) var rölt í bæinn, hlustað og horft á EGO og flugeldasýninguna þar á eftir.
Þar sem að það voru 100 þús manns í bænum var ekki auðvelt að fá sæti á pöbbum, en við reyndum nú samt og fórum á Einar Ben og var okkur hleypt inn, en ekki fólkinu sem kom á eftir okkur, svo við rétt sluppum. Við komum okkur bara fyrir við barinn til að byrja með, en svo losnaði pláss við borð og sátum við þar í dágóða stund. Þegar flestir voru farnir heim til sín stóðum við upp og fórum.
Hópurinn dreifðist töluvert eftir þetta, en Elín og Brynhildur fóru reyndar ekki með okkur niður í bæ og Pálmi kvaddi okkur líka snemma, enda með 3 gríslinga með sér. Eftir stóðu ég og Árni og ákváðum við að rölta upp á Grandarann og þangað komu svo Elín og Brynhildur. Við fengum okkur þvínæst smá snæðing í bænum, en röltum svo heim á leið (þ.e. þau náðu leigubíl á skólavörðustígnum).

Sunnudagur: Ég og Jói skruppum á Súfistann, lásum nokkur tímarit og drukkum kaffi. Ég fór svo heim, vaskaði upp eftir veisluna daginn áður. Horfði á fréttir og 48 hours. Skrapp út í sjoppu og leigði mér 2 DVD myndir og keypti mér ís og kex og appelsínu límonaði, kom mér vel fyrir og glápti á mynirnar til klukkan 2 í nótt og fór þá að sofa.

Í morgunn hjólaði ég svo í vinnuna og er á leiðinni heim núna og ætla í tennis í kvöld.

Á aftur mynd dagsins á mbl og síðasta mynd sem ég átti varð víst líka mynd vikunnar. Sonja átti líka mynd dagsins í síðustu viku þannig að þetta lítur vel út: Check it!

Hjölli ad klifra upp á thak hjá Pálma til ad snúa örbylgjuloftnetinu.

.... verður haldin laugardaginn 21. ágúst kl. 11:30 heima hjá Pálma. Léttar veitingar verða á vegum húsráðenda.

Nú er að koma mynd á sportblöggssíðuna og búinn að breyta útlitinu aðeins. Þetta skýrir sig að ég held að mestu sjálft, en ég ákvað að hafa undirsíður fyrir hverja íþróttagrein, en á aðalsíðu verða helstu viðburðir kynntir.
Sportblöggið

Mín næsta vél sem var tilkynnt af Canon í gær er að fá snilldar dóma hjá virtustu netmiðlunum um ljósmyndavélar. Þeir hafa verið með eintök í höndunum í c.a. mánuð og hafa ekkert mátt segja um vélina fyrr en í gær. Ég held að Canon vél hafi sjaldan fengið jafn góða dóma og ég held að það sé ljóst að ég mun fjárfesta í þessari vél áður en langt um líður ... ég hugsa bara um að þetta sé ekkert dýrara en kafarabúningurinn hans Hjölla :-).


Samanburðarskjal um "noise"

Hérna er ein umsögnin (nokkrar síður sem farið er á milli með valglugga ofarlega á síðunni): Check it!

Fór í fótbolta í gær og lærið er ennþá að stríða mér og það var í raun verra eftir þennan bolta en það hefur áður verið og ég er enn hálf haltur. Held að ég hafi tognað fyrir c.a. 6 vikum og þetta tekur sig alltaf upp þegar ég byrja að spila og oft eftir fyrsta sparkið. Ég þurfti að hætta í miðjum leik í gær og núna er ég búinn að ákveða að sparka ekki í bolta í c.a. 4 vikur og reyna frekar að styrkja lærið með styrktaræfingum.

Það er nú meira hvað Íslendingar eru orðnir lélegir í handbolta, þeir gátu einfaldlega ekki neitt í morgunn, komu aldrei neitt út á móti skyttunum og skutu sjálfir aldrei neitt fyrir utan. Ætli það sé ekki komið svo að íslenska landsliðið í knattspyrnu vinni oftar en handboltalandsliðið og skori jafnvel meira.

Ó, guð vors lands! Ó, lands vors guð!
Vér lofum þitt heilaga, heilaga nafn!
Úr sólkerfum himnanna hnýta þér krans
þínir herskarar, tímanna safn.
Fyrir þér er einn dagur sem þúsund ár
og þúsund ár dagur, ei meir:
eitt eilífðar smáblóm með titrandi tár,
sem tilbiður guð sinn og deyr.
:; Íslands þúsund ár, ;:
eitt eilífðar smáblóm með titrandi tár,
sem tilbiður guð sinn og deyr.

Ó, guð, ó, guð! Vér föllum fram
og fórnum þér brennandi, brennandi sál,
guð faðir, vor drottinn frá kyni til kyns,
og vér kvökum vort helgasta mál.
Vér kvökum og þökkum í þúsund ár,
því þú ert vort einasta skjól.
Vér kvökum og þökkum með titrandi tár,
því þú tilbjóst vort forlagahjól.
:; Íslands þúsund ár, ;:
voru morgunsins húmköldu, hrynjandi tár,
sem hitna við skínandi sól.

Ó, guð vors lands! Ó, lands vors guð!
Vér lifum sem blaktandi, blaktandi strá.,
Vér deyjum, ef þú ert ei ljós það og líf,
sem að lyftir oss duftinu frá.
Ó, vert þú hvern morgun vort ljúfasta líf,
vor leiðtogi í daganna þraut
og á kvöldin vor himneska hvíld og vor hlíf
og vor hertogi á þjóðlífsins braut.
:; Íslands þúsund ár, ;:
verði gróandi þjóðlíf með þverrandi tár,
sem þroskast á guðsríkis braut.

Það virðast vera farnar að leka út fréttir af nýju Canon EOS vélinni sem ég hef beðið eftir í nokkra mánuði (er að spá í að kaupa hana einhverntíman á næstu mánuðum). Hérna eru nokkrar staðreyndir um hana (ef þetta er satt sem ég veit ekkert um):

8,2 mp
1.6 crop sensor (þ.e. 60% minni sensor en filmur sem gerir það að verkum að gleiðlinsur eru ekki jafn gleiðar)
EF-S linsubrú (nýr staðall fyrir Canon vélar sem eru ekki alveg pro)
5 myndir á sekúndu
25 mynda buffer
Hraði upp í 1/8000 sekúndu
E-TTL II flass sync
0.2 sekúndur að kveikja á sér
Digic II örgjörfi
EF-S 17-85/4-5,6 IS USM linsa fylgir
Verðið c.a. 1800 dollarar

Ég var annars að vonast eftir 1,3 crop sensor en þetta er samt ágætt ef verðið verður ekki of hátt. Þetta eru reyndar ekki staðfest "specs" en mig grunar að þetta verði c.a. svona.

Spurning að kíkja út að borða eða grilla heima hjá Hjölla á laugardaginn um 18-19 leitið fyrir menningarnótt?

Ég spratt upp eins og stálfjöður klukkan hálf níu um morguninn og fékk mér staðgóðan morgunverð. Á meðan ég var að borða hringdi Héðinn í mig til að láta mig vita af því að við ætluðum að hittast klukkan hálf tíu í stað tíu eins og planið var. Ég kláraði því morgunmatinn og fór út í bíl og hélt suður í fjörð. Kom við í hraðbanka og tók út 15 þús kall sem ég skuldaði Héðni (var að klára að borga búninginn, en ég lét breyta búningnum aðeins fyrir mig og það kostaði 15 þús kall).

Þessi köfun var jafnframt síðasta köfun Jóns Ingvars í námskeiðinu og jafnframt voru nokkrir Rússar með í för. Þetta var hópur frá köfunarfélagi í Moskvu og var búinn að vera hér á landi í 2 vikur og var þetta næstsíðasti dagurinn þeirra á Íslandi.

Nú var haldið af stað í sól og blíðu vestur eftir öllum reykjanesskaganum, alveg suður í Garð. Þegar þegar við nálguðumst Garðinn var þoka að nálgast landið og þegar við stigum út úr bílunum á bryggjubrúninni, var þokan allsráðandi og sást ekki nokkur vottur af sólinni lengur. Við þetta hafði hitinn greinilega hrapað niður og var nú ekkert svakalega hlýtt að standa þarna á stuttbuxunum og bol. Við drifum okkur því í gallana og hoppuðum fram af bryggjunni út í sléttan sjóinn.
Það var sama sagan með þennan stað og Óttarstaði daginn áður. Þarna var allt fullt af þessum glæru hlaupkenndu dýrum. Við létum okkur sökkva niður og við botninn (um 10 m dýpi) var lítið sem ekkert af þeim.

Á þessum stað voru fiskarnir ekki eins margir og við Óttarstaði, en þeir fiskar sem voru þarna voru aftur á móti stærri. Við komum auga á einn steinbít og var hann örugglega yfir hálfur metri á lengd og lá á botninum hreyfingarlaus, en við hættum okkur ekkert of nálægt honum, enda ekkert grín að fá glefsu frá þessu dýri í sig. Þarna voru líka nokkrir kolar og tókst Héðni að krækja í sporðin á einum sem gerði frekar mátlausar tilraunir til að sleppa. Héðinn beindi honum svo að mér og sleppti og synti hann þá til mín og ég greip um sporðinn á honum og beindi honum til baka og sleppti og synti hann þá aftur til Héðins, og settist bara á botninn og var bara alveg sama um okkur. Við veiddum okkur því ekkert í svanginn, en það hafa greinilega aðrir reynt, því á botninum var allt fullt af spúnum. Héðinn týndi þá upp sem hann rakst á og setur hann þá í krukku og safnar þeim bara.

Þessi köfun tók um 40 mínútur og verður að segjast að hún var ekki síðri en kafanirnar daginn áður.
Rússarnir voru um klukkutíma í kafi og fullnýttu loftið í kútunum, enda ekki víst að þeir komi nokkurntíman hingað aftur (að vísu sögðust sumir þeirra ætla að koma aftur eftir 2 ár).

Um leið og ég var kominn heim var farið strax niður á Grand Rock, en því hefur nú þegar verið gerð skil í máli og myndum.
Ég og Árni fórum að vísu á smá flakk síðar um nóttina, þ.á.m. í partý í Hafnarfirði og svo aftur í Reykjavík (á NASA af öllum stöðum), en það var nú bara skemmtilegt flakk, enda veðrið svo gott og enginn tilbúinn til að fara að sofa strax. Svo var bara skellt í sig einni pizzusneið áður en haldið var heim á leið, seint og um síðir.

Daginn eftir vorum við ekki alveg eins hressir og daginn áður, en laugardagurinn fór í fótboltagláp og sáum jafnframt Ísland tapa fyrir Króötum í handbolta. Ég tók því svo bara rólega fyrir framan sjónvarpið um kvöldið.

Spurning að hittast í Ölveri um t.d. 18 leitið og fá sér 1-2 öl fyrir leikinn og þramma síðan þaðan með öðrum knattspyrnubullum?

Vaknaði um 11 leitið, fór í sturtu, fékk mér smá morgunmat, setti í þvottavél og fór að gera mig tilbúinn til að skreppa í smá hjólatúr, þegar síminn hringdi. Þetta var Héðinn kafari og var að láta mig vita að það stæði til að fara í köfun klukkan 4. Jibbí, langþráð köfun komin á dagskrá, en ég hafði ekki bleytt gallann síðan í maí, þegar ég fór í Silfru á Þingvöllum.
Ég byrjaði því á að taka til græjurnar og skrapp svo í smá hjólatúr niður á ylströnd. Keypti mér ís og horfði á allt fólkið busla í köldum sjónum, en sjálfur hætti ég mér ekki út í þennan kulda, enda engin ástæða til. Ég skrapp svo í smá kaffi til mömmu og pabba og klukkan 4 var ég svo mættur upp á Drangahraunið, þar sem kafarinn.is er til húsa. Þarna voru mætti Héðinn og Jón Ingvar, en hann var nemandi, sem var að taka 3. og 4. köfunina í grunnnámskeiðinu (sama og ég er búinn með).

I.
Ákveðið var því að taka tvær kafanir við Óttarstaði, en sá staður er við Straumsvík. Mjög góður staður og gott aðgengi fyrir kafara í sjóinn. Á þessum tíma var háflóð og skilyrði því með besta móti, enda spillti veðrið ekki fyrir, ca 20 stiga hiti, logn og sól. Þegar við vorum búnir að galla okkur upp og gera nauðsynleg tékk á hvorum öðrum, þá var manni orðið mjög heitt og ekki eftir neinu að bíða, en að skella sér útí.

Um leið og maður kom útí varð ég strax mjög hissa, því undir yfirborðinu var svolítið sem ég hafði aldrei séð áður. Glær, slímkend, sívalingslaga dýr, u.þ.b. 5 cm á lengd og 2 cm í þvermál, að mestu hol að innan og með litlum ljósbrúnum kjarna. Eða bara eins og dvergasmokkar, með músaskít í miðjunni. Þetta var ekki bara eitt og eitt dýr heldur óteljandi. Sum þeirra voru stök, en önnur höfðu tengst saman keðjur á að giska um 50 cm langar. Við nánari skoðun sá ég að dýrin gátu hreyft sig smávegis (þar með var það ljóst að þetta voru ekki dvergasmokkar), en aftast á þeim var smá sepi sem gat gengið upp og niður og gat það þannig synt um (þó að straumarnir hafi nú sennilegast ráðið mestu um það hvar það var statt þá stundina). Veit ég nú ekki alveg hvaða dýr þetta voru, en datt helst í hug að þetta væru mjög ungar marglyttur, þ.e. á einhverju lirfustigi, ef hægt er að tala um lirfur þegar marglyttur eru annarsvegar.
Ef einhver veit eitthvað meira um þetta þá væru þær upplýsingar vel þegnar hér í athugasemdum.

Ég hélt mig nálægt Héðni og Jóni Ingvari á meðan Jón Ingvar gerði þær æfingar sem hann átti að gera og skoðaði fiskana á meðan, en þarna var allt fullt af þoski og hef ég heldur ekki séð jafn mikð af þoski þarna áður og voru dýrin komin þarna saman til að borða hvort annað. Eftir 24 mínútur og skemmtilega köfun var kominn tími til að skríða á land og skipta um kút, því við áttum jú eftir að taka eina köfun til viðbótar og Jón Ingvar að klára þær æfingar sem hann átti eftir til að klára námskeiðið.

II.
Seinni köfunin var mjög svipuð og sú fyrri, enda vorum við á sama stað. Við vorum í þetta sinn 37 mínútur í kafi og fórum einnig lengra út og dýpra, en mesta dýpi var niður á 17,5 m en fyrsta stigið í köfuninni gefur ?réttindi? niður á 18 m. Þegar við vorum komnir á þetta dýpi þá vorum við komnir út úr þessu belti með glæru geldýrunum og farnir að kafa um í stórum þaraskógi. Þó að þetta hafi verið frekar djúpt fyrir mig þá var þetta ekki mjög djúpt fyrir þann fisk sem við sáum þarna, en það var karfi. Hann var þarna á milli tveggja stórra steina og var ótrúlega spakur, en við syntum alveg að honum og hreyfði hann sig ekki neitt fyrr en að Héðin reyndi að grípa í hann, en þá fór hann innar á milli steinanna og sáum við hann ekki aftur. Sandbotninn virtist við fyrstu sýn ekki vera mjög merkilegur, en þegar ég kom nær þá fór hann á harðahlaup, en þarna voru fullt af litlum kuðungakröbbum (einbúum), einn og einn stærri krabbi hafði komið sér fyrir í beitukóngshúsi og hnipraði sig saman inn í kuðunginn þegar hann var tekinn upp og lokaði fyrir með stóru klónni sinni.

Þegar við vorum svo komnir aftur upp á yfirborðið og vorum að synda í land stakk ég höfðinu einstaka sinnum niður og kom þá auga á ótrúlega fallega marglyttu. Hún var í laginu eins og loftfar, u.þ.b. 15 cm löng og um 5 cm í þvermál. Eftir endilöngu var hún með rendur sem lýstust upp eins og hún væri með fullt af jólaseríum af nýrri gerðinni, en ljósin voru í öllum litum og færðust eftir henni endilangri.

Þar með var þessum köfunardegi að ljúka og héldum við aftur upp á Drangahraunið, þar sem að við skoluðum græjurnar og gengum frá eftir okkur.

Um kvöldið gerði FH jafntefli við skoska liðið Dunfermline (tapaði niður 2 ? 0 forystu í 2 ? 2), en ég missti af leiknum og heyrði bara lokamínúturnar. Svo endaði þessi dagur á því að ég og Árni fórum á Doors kvöld á Gauknum og tókst það alveg með ágætum og kann ég alltaf betur og betur við Doors eftir því sem maður heyrir lögin þeirra oftar, en þetta var náttúrulega svona ?best of? tónleikar og kannaðist ég því við nokkur lög þarna, en Árni þekkti hvern einasta tón og tók eftir því þegar eitthvað var ekki alveg nákvæmlega eins og í upprunalegu útgáfunni, en þetta var jú ekki Doors á sviðinu og því ekki við öðru að búast.

Svo var nú bara farið að sofa og hugsað um morgundaginn, því klukkan 10 næsta morgunn átti að skella sér í kaf að nýju.

Jói litli ad bursta tennurnar!

Eins og glöggir lesendur taka sennilega eftir þá tók Hjölli sig til og rústaði útlitinu á blögginu okkar.

Jæja, við erum búnir að fastsetja tímana á tennis á mánudagskvöldum og verðum við fjórir, þ.e. ég, Hjölli, Siggi og Haukur. Föst lið verða Jói og Hjölli á móti Sigga og Hauki. Við Haukur höfum veðjað um fyrsta tímann sem verður næsta mánudag og fær sigurvegarinn (sá sem vinnur fleiri leiki) kassa af bjór í verðlaun.

Vaknaði um hálf ellefu leitið og heyrði inn um gluggan nágranakellinguna segja "svakalega er heitt" og var hún og vinkona hennar eitthvað að bauka við að koma sér fyrir í garðinum. Ég dreif mig á fætur, fékk mér smá morgunverð og ákvað svo að fara út að hjóla. Ég klæddi mig upp og setti regngalla í hjólatöskuna ásamt, hönskum, ljósum og varaslöngu. Í litlu hjólatöskunni voru bætur, sexkanntar, WD-40, tvöfallt grettistak, veskið, síminn og lyklarnir. Vatnsflaskan komin á sinn stað og mú var ég til í allt. Kominn á nýju dekkin, en ég keypti mér slétt dekk um daginn til að komast hraðar á malbikinu og þar með brunaði ég af stað.

I.
Ég ákvað að byrja á Elliðaárdalnum, en hélt svo sem leið lá upp í Árbæ og eftir hestasvæðinu þar og að Elliðavatni. Úr því að ég var nú kominn alla leiðina hingað ákvað ég að fara aðeins lengra. Fór upp á Rjúpnahæð (þar sem öll möstrin eru) og svo áfram. Þar til ég kom að bröttu brekkunni við Vífilstaðavatn. Þar stoppaði ég smá en lét mig svo renna niður brekkuna. Þar bætti ég hraðametið mitt og greinilegt að sléttu dekkin voru að svínvirka. En þarna náði ég 60,5 km/klst. Nú var ég í svo góðu skapi að ég ákvað að fara svolítið lengra og fór upp í Heiðmörk, þ.e. að hliðinu þar og gerði nokkrar teygjuæfingar og drakk smá vatn.

II.
Ég hélt svo áfram og kom ég að þessari líka fínu brekku og ákvað ég að gefa duglega í þar niður. Það gekk svo ljómandi vel að ég bætti hraðametið aftur og náði nú 63,5 km/klst. Þessi brekka var mun salkleysislegri en bratta brekkan við vatnið, en samt nokkuð góð. Eftir skamma stund var ég kominn til Hafnarfjarðar, en í staðinn fyrir að beygja inn í bæinn fór ég til vinstri upp hjólaði upp að Hvaleyrarvatni. Langt síðan að ég hef komið þangað, en þetta er ótrúlega fallegur staður og furðulegt að maður hafi ekki komið hingað oftar. Lítið vatn, sem hægt er að veiða í og skógur allt í kring og á degi eins og þessum... tja, þá var þetta alveg frábært.

III.
Ég hjólaði svo bara lengra og endaði þessi vegur á Krísuvíkurveginum. Ég stoppaði í smá stund og hugleiddi hvert ég ætti að fara. Þar sem að það var svo gott veður þá ákvað ég að beygja til vinstri og tók stefnuna á Kleyfarvatn. Malbikið endaði rétt áður en maður kom að Sveifluhálsinum, en það var nú allt í lagi, þar sem að þessi malarvegur var mjög sléttur og góður.
Það er erfitt að lýsa þessu í orðum, svo ætli ég verði ekki bara að nota orðið frábært einu sinni enn. Logn, sól og hiti. Ég fór eftir öllu Kleyfarvatni og skoðaði hverasvæðið. Næst kom ég að Krísuvíkurkirkju og skoðaði ég hana líka og skrifaði í gestabókina, en þetta er pínulítil kirkja og gott ef að altaristaflan er ekki eftir Svein Björnsson. Þessi kirkja var gerð upp árið 1964, en staðurinn var eitt sinn einn af blómlegri stöðum á þessu svæði. Þetta fór endanlega allt saman í eyði árið 1950. Kirkjan er nú það eina sem stendur eftir, en aðrir bæir sem voru þarna í kring eru nú rústir einar.

IV.
Þar sem að ég var nú kominn alla þessa leið, þá var nú ekkert í vegi fyrir mér að fara bara alla leið til Grindavíkur. Leiðin er mjög falleg, en vegurinn afleitur og mikið af þvottabrettisköflum. Leiðin liggur nokkuð hátt uppi og því mjög gott ústýni þarna.
Rétt áður en maður kemur til Grindavíkur kemur maður að Kríuvarpi. Kríurnar voru alveg jafn árásargjarnar og síðast er ég kom nálægt þeim og var ég nú fegn að ég var með hjálm. Í Grindavík leitaði ég uppi stað sem seldi hamborgara og bjór og rambaði því inn á Cactus. Klukkan var bara rétt um hálf fimm leitið og því nægur tími til stefnu. Ég panntaði mér einn Cactus borgara og stóran bjór með. Sjaldan smakkað jafn góðan borgara, enda var ég nú 76 km að baki og síðasti kaflinn á frekar leiðinlegum vegi. Ég dokaði við aðeins lengur og panntaði mér annan bjór og las moggann.
Eftir um klukkutíma stopp hér, fór ég í næstu matvöruverslun og keypti mér smá nesti fyrir heimferðina (Remy minntukex, Sport lunch og Magic).

V.
Á leiðinn út úr bænum var skillti sem á stóð "Reykjavík 52". Ég var þá amk meira en hálfnaður og nú var malbik alla leiðina heim. Heimleiðin leið nokkuð hratt og nartaði ég í kexið inn á milli í pásum. Þegar ég kom svo loksins í Fjörðinn leit ég við á Haukar - HK, en Haukar voru yfir 2-0. Ég horfði því á leikinn í smá stund, en það var nú ekki mikið að gerast og fannst mér nú að HK væru að fara að ná einhverjum tökum á leiknum, svo ég bara lét mig hverfa. Daginn eftir heyrði ég svo að leikurinn hafi farið 4-1 fyrir Haukum, hvernig svo sem stendur á því. Ótrúlegt að HK skuli vera komið í undanúrslitin í bikarnum. Ég hjólaði því bara heim á leið og verð ég nú að segja að síðustu metrarnir voru frekar erfiðir virtust allar brekkur vera helmingi brattari og 1. gírinn var eins og 10. gír í þessum brekkum. Ég kom því heim dauðuppgefinn rétt um hálf tíu leitið og rétt um 10 klukkutíma hjólatúr (með pásum, annars var það bara 8 klt í hjólatíma) lokið og 130 km að baki. Ekki slæmt á einum degi.

Þegar ég var svo að fara að sofa heyrði ég fylleríslæti frá nágrönnunum, en nú var ég bara orðinn svo þreyttur að ég sofnaði eins og steinn og svaf vært alla nóttina.

Við Hjölli skelltum okkur í Smárann í gær og fórum á myndina I Robot. Ég var mjög ánægður með þessa mynd og var hún betri en ég bjóst við. Tæknibrellurnar eru ótrúlega flottar og framtíðarborgin sannfærandi og söguþráður ágætur.
Einkunn: ***

Bætti við nokkrum myndum í Zakopane möppuna í gærkvöldi: Check it!

Það gekk ekki alveg nógu vel að láta Doktor Vísir Jarlinn af Reykjavíkurborg og vin hans setja samann seðilinn, en við vorum með með 4 leiki vitlausa á seðlinum.

Nú er ég kominn úr 3 vikna fríi, jibbí kominn í vinnuna aftur og það er enn sól og gott veður úti (hmmm... hvað er ég þá að gera í vinnunni aftur strax?)

Fór ekkert út á land í fríinu, en ég fór á Innipúkann um verslunarmannahelgina, hjólaði svolítið (meira um það síðar) og kafaði svolítið (líka meira um það síðar), lét skipta um fremsta hlutann á púströrinu, en sá hluti bilaði eftir að ég fór með bílinn í smurningu (doldið harðhenntir á smurstöðinni), og gerði sjálfur við rúðuþurkurnar. Svo hjólaði ég svolítið meira og meira og meira, en meira um það síðar. Semsagt var aðallega í því að slappa af og hvíla mig heima og var ekki til neitt sem heitir sress í þessu fríi og því er maður vel endurnærður eftir þetta.

Ég smellti inn nokkrum myndum á smuggið:

Hér getið þið séð myndirnar.

Hér er ein mjög góð mynd af Elínu. Hér er önnur.

Einnig er skemmtileg mynd af uppáhalds skemmtistaði Hjölla í Köben

Fyrsti tippfundur vetrarins var haldinn á Grand Rokk á föstudaginn. Við hituðum upp með því að taka þátt í Pub Quiz keppni þar sem ég og Siggi vorum saman í liði, Árni og Hjölli voru saman og tveir vinir hans Sigga voru síðan saman í liði. Það voru 30 spurningar sem voru mjög erfiðar og fengum við Siggi 9 stig, Hjölli og Árni fengu 6 og vinir Sigga fengu 7 ef minnið er ekki að bregðast mér. Sigurliðið var síðan með 12 stig. Það var mál manna að ég og Siggi hefðum náð vel saman sem lið því þekking okkar skerst kannski ekki of mikið og því breiðara svið sem við tökum miðað við önnur lið).
Eftir allnokkra bjóra fórum við síðan í það að tippa og fengum tvo fastagesti til að hjálpa okkur með seðlana og sést hópurinn hérna (ég er ekki inni á mynd þar sem ég er alltaf að taka myndir):



Hérna er síðan önnur mynd sem sýnir stemminguna á staðnum (tveir menn í baksýn að hjálpa hvorum öðrum að halda sér af jörðinni):

United ad vinna 1-2 :-)

Nauthólsvík. Hlynur tók myndina.

Þetta er með því fyndnara sem ég hef heyrt í dag:

Úr mbl:
Söngvarinn Robbie Williams segist gagntekinn af hárgreiðslustíl David Beckhams, leikmanni enska landsliðsins. Hann segist hafa ráðið fólk í vinnu til þess eins að fylgjast með breytingum á hárstíl leikmannsins. Robbie segist hafa orðið heltekinn af hári Beckhams eftir að leikmaðurinn hóf að safna hári fyrir fáeinum árum.

Söngvarinn hugðist leika sama leikinn eftir, en snérist hugur þar sem hann taldi að sítt hár færi sér ekki. Þá segist söngvarinn bera óttablandna virðingu fyrir leikmanninum og gæti meðal annars ekki svarað símtali frá honum af þeim sökum.

Tvær nýjar myndir eru komnar undir Zakopane í Póllandi: Check it!

Spurning hvort Tippklúbbur Hjörleifs Sveinbjörnssonar taki þátt í þessu: Hópleikur

Ég á mynd dagsins á ljósmyndavef mbl, check it!

Núna erum vid ad borda baquete á Kaffibrennslunni

Vid Hjölli erum núna á Kaffi Reykavík ad fá okkur bjór og franskar.

Þetta skrifaði Siggi og takið eftir hvað hann sýnir mér mikla ókurteisi:

Siggi says:
1. fundur tippklúbs Hjörleifs Sveinbjörnssonar Seasonið 2004-2005 verður haldin á Celtic Cross frá klukkan 19:00-20:00 upphitun verður á Grand Rokk á Pub Quis frá klukkan 17:30
Stjornin
Siggi says:
Fundurinn verður haldin föstudaginn 13. ágúst
Siggi says:
settu síðustu línu inn í textan þannig að þetta komi nú í einhverj samhengi hóran þín

Hlynur

Eyjó

Og thetta er útsýnid á vinstri hönd

You asked for it, you got it ... Toyota!

Ég var ad tengja símann vid blöggid.

Íbúðin fyrir ofan mig er komin á sölu og er sett á hana 14,8 millur. Hún er mjög lík minni og nánast jafn stór. Ég er svona að gæla við það að fara að skipta um húsnæði og jafnvel stækka aðeins við mig og fá garð sem hægt er að sitja úti í í góðum veðrum. Þetta er nú samt allt á hugmyndastigi og mér datt þetta bara í hug á föstudaginn þegar ég var að spjalla við pabba og ef ég þekki mig rétt verð ég búinn að skipta um húsnæði eftir 2 mánuði.

Heyrði í Hjölla rétt áðan og hann var í einum af sínum hjólatúrum sem enda í rugli og var staddur í Grindavík.

Hvernig væri að menn myndu svara þessu:

Jæja, nú fer næsta tímabil að byrja í klúbbnum og við þurfum að koma saman undir lok næstu viku. Ég legg til að við tökum bara upp þráðinn þar sem frá var horfið og við höldum sömu upphæð á kjaft á viku og við vorum með á síðasta tímabili. Eru menn ekki sammála því?

Helgin var ágæt. Á fimmtudaginn fór ég í 30 ára afmæli hjá bróðir Sonju og "suplice" partý á Pizza 67 og síðan smá teiti eftir það heima hjá þeim hjónum.
Föstudagskvöldið var rólegt og horfðum við á War Photographer sem er ansi mögnuð mynd.
Á laugardaginn var ég eitthvað að snattast fram eftir degi, fór með Hjölla á Gay Pride (sjá myndir) þar sem hápunkturinn var þegar við rákumst á Sigga aðalgagnrýnanda á Ara í Ögri. Þar var hann vel í glasi með vinum sínum og spjölluðum við smá við hann. Um kvöldið fórum við Sonja í 25 ára afmæli upp í Kjós og vorum komin heim aftur um kl. 1 (ég var driver).
Á sunnudagsmorguninn spruttum við upp eins og stálfjaðrir fyrir kl. 8 og brunuðum á Skaftafell þar sem Sonja þurfti að fara að vinna um hádegið. Ég lagði mig þar í 30 mínútur og fór síðan aftur heim eftir að ég skoðaði mig um í þjónustumiðstöðinni. Ég var síðan kominn heim kl. 18.30 - 19 um kvöldið. Þá skilaði ég pabba bílnum (minn er bilaður í Skaftafelli) og náði í Arsenill - United leikinn til EE og horfði á hann um kvöldið.

Setti inn nokkrar myndir frá Gay Pride ... check it!

Til hamingju drengur - bíðum eftir kökuboðinu.

Jæja, nú fer næsta tímabil að byrja í klúbbnum og við þurfum að koma saman undir lok næstu viku. Ég legg til að við tökum bara upp þráðinn þar sem frá var horfið og við höldum sömu upphæð á kjaft á viku og við vorum með á síðasta tímabili. Eru menn ekki sammála því?

Fyrsta myndin í galleríinu frá Zakopane var að detta inn í hádeginu. Hvort finnst mönnum hún betri í lit eða s/h:




Kerlingarugla á leiðinni í kaffi til vinkonu sinnar.

Í gær skellti ég mér í vesturbæinn með 2 kunningjum mínum og horfði þar á slátrun FHinga á KR. Já stórveldið KR heitir nú í dag fyrrverandi stórveldið KR. Bráðskemmtilegur leikur þar sem þetta var algjörlega leikur kattarins að músinni, KR áttu varla færi en nýttu þó þetta eina almennilega færi sem þeir fengu og skoruðu og voru þeir nú bara heppnir að tapa ekki meira en 1-3.
Gaman var að heyra skemmtilega söngva á vellinum svo sem:
Daða í landsliðið
KR í fyrstu deild
Kristján í lyfjapróf ofl ofl.

Já það má með sanni segja að FH státi af besta liði landsins í dag og vonandi halda þeir þetta út keppnistímabilið, en maður sér glögglega að þjálfarinn er að passa leikmenn sína þar sem hann er búinn að taka út Allan á 60 mín síðustu 2 leiki, enda leikirnir svo gott sem unnir þá. Einnig hefur Heimir verið tekinn af velli í báðum þessum leikjum og er hann greinilega að passa upp á að menn þreytist ekki þar sem FH er að keppa á öllum vígstöðvum núna.
Að FH vinni þrennuna er ekki svo faraway draumur, bikar, deild og já jafnvel evrópumeistarar.

Enn vantar topp 7 lista yfir bíómyndum frá nokkrum lesendum og spurning hvort það þyrfti að kenna þessum mönnum að nota kommentakerfið?

• BjaKK
• Böddi
• Oddgeir
• Guðjón

Setja saman lista nÚNNNNNA!

S fór á honum í Skaftafell í síðustu viku og var síðasti vinnudagurinn hennar á laugardaginn. Stelpan sem fékk far með henni var að vinna fram á mánudagskvöld þannig að S ákvað að bíða eftir henni uppfrá og nota bara tímann í lærdóm. Á mánudagskvöldið fer síðan bíllinn ekki í gang og allir í sveitinni nánast kíkja ofaní húddið og var mál manna að kertin eða kveikjulok eða kveikjuþræðir eða kveikjuhamar eða eitthvað slíkt væri í ólagi. S pantaði því nauðsynlega varahluti morguninn eftir og lét senda þá með rútunni, en strákarnir klúðruðu því að senda þetta með réttri rútu og í staðin fyrir að þetta kæmi upp í Skaftafell kl. 11 á þriðjudaginn komu varahlutirnir ekki fyrr en kl. 18. Þá var farið í að setja þetta í og ekki lagaðist bíllinn við það, fór ekki í gang. S þurfti því að draga hann á næsta verkstæði í gærkvöldi og var það 1,5 klst dráttur. Þeir á verkstæðinu ætla síðan að kíkja á bílinn núna eftir hádegi og Sonja lét senda austur svona bland í poka af þeim varahlutum sem gæti mögulega þurft í viðgerðina (tímareim o.flr.).
Já, spurning hvort það borgi sig að eiga gamlan bíl?

Miðasala byrjar á morgun ... hver ætlar að kaupa miða, Árni eða Hjölli?

Hér kemur stutt saga af mér frá því fyrr í sumar. Eins og sumir vita þá er ég mjög léttsvæfur og þarf lítið til þess að ég vakni upp á nóttinni.
Eina nóttina vaknaði ég upp að venjuleg húsafluga var að suða í glugganum hjá mér, ekkert venjulegt suð, heldur trompaðist hún og hætti svo í nokkrar mínútur. Nú ég hafði vaknað undan suðinu (glugginn galopinn) og reynt að hunsa það, en eftir smástund þá gafst ég upp og stóð upp hálfnakinn og byrjaði að reyna að finna fluguna, dró upp gardínuna þ.a. herbergið lýstist upp, EE var þó mjóg róleg og velti sér á hina hliðina á meðan ég var að leita af flugunni hálfnakinn.
Nú ekki gekk það að ná henni út, hún var brjáluð og þegar ég náði henni ekki var ég orðinn ansi pirraður, enda fúlt að geta ekki sofið um miðja nætur (c.a 2.30). Nú ég er ekki sá þolinmóðasti en ég er þá með hugvit þ.a. ég hljóp fram, náði í ryksuguna og pluggaði henni inn og saug fluguna úr glugganum á no time, renndi gardínunni niður, ryksugunni fram á gang og fór að sofa, var að sjálfsögðu orðinn nokkuð worked up þ.a. það tók tíma að sofna aftur.

1 klst flugubardagi og Árni hálfber vopnaður ryksugu með dregið upp í herberginu og konan að reyna að sofa - picture that my friends.

Búinn að horfa á nokkrar myndir síðustu daga:

1. Shaun of the Dead - stórskemmtilega rómantísk Zombie splattermynd. Fær hiklaust frábæra dóma frá mér.
2. May - stórfurðuleg mynd, svona horror gory mynd en án gory hlutans. Var spooky og var svona hálfgerð nútíma Frankenstein mynd. Alveg fín meðalmynd.
3. Cheaper by the Dozen - nýjasta mynd Steve Martins, var ágætis brainless fun, ekkert meira. Þetta er þó stílað á yngri kynslóðina og mæli ég ekki með að horfa á þessa mynd nema með börnum sínum (rúlar út nokkra af okkur).

Var að bæta við 12 myndum í Auschwitz/Birkenau möppuna í SmugMug ... Check it!

Nýju myndirnar á SmugMug.

Hérna er ein af nýju myndunum:

Jæja þá er enn einni helginni lokið, verksmiðjan í Hafnarfirðinum að opna og allir að mæta. Helgin vara bara ágæt í þetta sinn, hef átt betri og hef átt verri helgar. Á föstudeginum mættum við strákarnir í hádegismat á Chefs, um kvöldið var svo kíkt á Maradonna myndband og Nick Cave myndband og nokkrir bjórar kláraðir, kíktum aðeins í bæinn en það var bara stutt og fékk ég far með Oddgeiri heim.
Vaknaði á laugardeginum nokkuð hress, hringdi í Hjölla upp úr hádegi og var hann svo þunnur að hann gat ekki gengið um íbúðina, að hans sögn. Við höfðum ákveðið að skella okkur á Innipúkahátíðina en fyrst ætluðum við að fara á Chefs og kaupa bjórsúlu og horfa á fótboltaleik. Nú við torguðum niður einni súlu hver (þ.e. ég, Jói og Hjölli - Oddgeir náði að klára 3 bjóra á meðan en súlan var 5 bjórar, þ.e. 2,5 L). Ég fékk mér nú líka borgara þarna og pantaði Irish Coffee en þau áttu ekki púðursykur þ.a. ég keypti bara Galliano Hot Shot handa mér og Hjölla. Nú þegar klukkan var um 19.30 þá ákváðum við að halda niður á Iðnó á hátíðna miklu, um leið og við komum var Rass að spila og hlupum við inn til að sjá þá snillinga, en þar fer fremstur í flokki Óttar nokkur Proppé og sveitti slingalingarinn. Nú við héldum áfram að drekka og drekka þangað til Jóhann þurfti að fara heim vegna hausverks, ekki stoppaði það okkur hina og héldum við áfram að drekka og var skipti í g og t, nú við horfðum á Singapore Sling með enn einu snilldartónleikana og svo toppaði Trabant kvöldið með hálfgerðum músíkcirkus. Allt í allt fínt kvöld, var orðinn frekar lúinn í lok kvöldsins, rölti með strákunum og horfði á þá borða pulsu á bæjarins bestu og fór svo heim.
Sunnudagurinn var að sjálfsögðu andstæða laugardagsins og var nokkur þynnka í gangi, en ég fór þó út og náði í systur mína á BSÍ þar sem hún var að skríða frá eyjum.
Ætlaði svo að sofa út í morgun, en var vaknaður klukkan 9, fór upp í vinnu, entist ekki lengi þar og dreif mig bara heim og spilaði tölvuleik, kláraði Vietcong loksins :)

Í heildina var þetta ágætis helgi fyrir utan smávægileg rifrildi og uppnefni en það var mjög gott að vakna í morgun og vera ekki þunnur. Er búinn að vera skoða Supernova í dag og fikta aðeins í því, náði að niðurhala röngum bittrader, einhverjum gerðum fyrir Unix eða Python forritunarmál og skildi ekki neitt í neinu, var búinn að eyða 1 klst í að skoða netið um þetta og var ekki að fatta þetta, hringdi í Jóa og sagði hann mér að þetta hefði verið mjög einfalt hjá sér þ.a. ég fór aftur inn og skoðaði þetta og fann þá réttan og henti honum upp og viti menn það var mjög einfalt. Já ekki er öll vitleysan eins