Þurfum við ekki að fara að kaupa okkur miða á landsleikinn á laugardaginn?

Hef verið slappur síðustu 2 vikurnar, en lét mig nú samt hafa það að hjólamassast um síðustu helgi, en eftir það hef ég verið frekar slappur og í gærkvöldi var ég farinn að verða frekar mikið slappur. Þetta er svona eins og með þessar flensur, manni finnst maður ekkert vera neitt rosalega veikur, en samt er maður með nefrennsli, illt í eyrunum og hálsinum, þurrar varir, hausverk og almennt slen í líkamanum. Í morgunn var ég bara ekki að meika þetta lengur, enda alveg jafn slappur og ég var þegar ég fór að sofa, svo ég er bara heima í dag og tek því rólega. Er að tefla við JoeGud sem er einhver gaur á netinu og er allt í járnum í þeirri skák, svo er ég byrjaður á 2 öðrum skákum og er planið að mala þá gaura gjörsamlega.

Jæja, best að halda áfram að taka því rólega.
Myndin sýnir hvað ég á rosalega mikið bágt.

Nú á Pálmi afmæli í dag og óska ég honum til hamingju með það, en með þessu þá eiga ég, Pálmi og Jói sameignlega 100 ára afmæli í dag og er þetta því merkisdagur og óska ég okkur öllum til hamingju með afmælisins af því tilefni.

Já, Haukur átti ekki séns í okkur í gær enda við í fanta formi og möluðum fyrri leikinn 6-1 en sá seinni fór í framlengingu sem við Hjölli unnum nokkuð örugglega. Haukur og Siggi hafa ekki ennþá keypt bikarinn sem þeir lofuðu síðustu jól og þurfa þeir að drífa í því að kaupa og afhenda hann takk fyrir.

Um daginn fór ég á tónleika með þessum meistara frá Led Zeppeline. Ég sem er mikill Zeppelin maður var gríðarlega hrifinn af þessum tónleikum og var gaman að sjá nýtt stuff með gömlu góðu Zeppelin dóti, þó klikkaði hann á Stairway to Heaven og Immigrant Song en þau lög voru ekki á dagskránni.

Undanfarna daga hef ég verið að renna í gegnum tvo diska með þessum meistara, en það eru diskarnir Dreamland og Mighty Rearranger. Þetta eru 2 nýjustu diskarnir að mig minnir og eru þetta ótrúlega flottir diskar, rödd hans er mjög flott blúsuð rödd, nokkrir whiskysopar í gegnum árin hafa að sjálfsögðu gert hann aðeins rámari en það kemur bara vel út á þessum diskum.

Ég mæli með þessum diskum þar sem þeir leyna klárlega á sér og er fínn blúsfílíngur í þessu.

Jæja, þá er tæknin loksins orðin þannig að við getum farið að taka upp JoeBob the Movie. Þurfum bara að kaupa þessa.

Er hægt að hafa tippfund í fyrra fallinu á morgun, þ.e. klukkan 9.30?

Það myndi henta mér mjög vel þar sem ég þarf að vinna á morgun og hefði viljað klára mig af fyrir 14.00 en þá er hinn stóri leikur Tottenham-Chelski

Jæja þá er maður farinn í Hjólamassann 2005

Frekari skýrsla kemur eftir helgi þegar ég kem heim.

Skemmtileg síða þar sem hægt er að skoða hvað kvikmyndagagnrýnendur hafa sagt um bíómyndir: Check it!

http://talk.google.com og málið er dautt!

Lagt var af stað í bæinn aðeins seinna en planað var en ég og Matthew byrjuðum á Iðnó og mættum þar kl. 15:40. Þurftum að bíða eitt augnablik, en svo var okkur hleypt inn í salinn, en aðeins var hleypt inn á milli laga til að trufla ekki. Sáum við þar konu spila á þverflautu og aðra spila á selló. Þær spiluðu eitt lag og svo var dagskráin búin í Iðnó og verður að segjast að við vorum doldið svektir.

Við ákváðum því að rölta bara aðeins um bæinn og sjá hvort að við gætum ekki fundið eitthvað áhugavert. Á leið upp laugaveginn rákumst við á Jóa og fórum við 3 saman á rölt um bæinn, en Jói hefur sagt stuttlega frá því. Ég ætla ekkert að hafa þetta neitt mikið lengra, en myndirnar tala sínu máli og alveg óþarfi að bæta miklu þar við.

Myndir frá Menningarnótt 2005

Ég og Árni horfðum á FH vinna Val 2-0 í gær og verða um leið Íslandsmeistarar. Setti myndir frá leiknum inn á smuggið: FH - Valur

Mín næsta vél?
Canon EOS 5D Preview: Digital Photography Review

Ég fór með Hjölla og Matthew niður í bæ um miðjan daginn og skoðuðum við ýmsa viðburði, og verður að segjast að fólksfjöldinn var ansi mikill. Við sáum Dr. Spock spila fyrir utan Prikið og var það ansi skemmtileg upplifun, Óttar Proppe og félagar að gera góða hluti. Eins sáum við Pál Óskar (segi frá því hér að neðan) og Todmobile o.flr. í miðbænum og svo að sjálfsögðu flugeldasýninguna. Hjölli tók með sér myndavél og fékk ég lánaða hjá honum þessa mynd hér að neðan.

Pall Óskar og Monika
Matthew var eitthvað hálf slappur þegar við vorum búnir að sitja aðeins inni á Iðu og keyrðum við hann því heim og fórum síðan og lögðum heima hjá Hjölla og kíktum á Dr. Spock. Ég fékk mér síðan Nonna bát og síðan fórum við upp í Listasafn Einars Jónssonar til að sjá Pál og Móniku spila. Tónleikarnir áttu að byrja kl. 20, og vorum við aldrei þessu vant mættir nokkuð tímalega, eða um 19:30. Það kom sér vel því tónleikarnir voru í kellaranum í litlu herbergi með um 30-40 sætum og voru þau næstum öll upptekin þegar við komum en við náðum samt tveimur sætum. Þetta litla herbergi er með nokkrum listaverkum á veggjunum og er um 5 metrar til lofts í því. Monika byrjaði síðan að spila og var fyrsta lagið án söngs og ekkert sást til Páls. Hún byrjaði síðan á næsta lagi og Palli labbaði inn í herbergið í inngangi fyrir aftan okkur syngjandi án mígrafóns og var þetta ansi flott innkoma. Þau fluttu síðan um 12 lög sem maður þekkti nánast öll sem gerði þetta enn skemmtilegra (endaði m.a.s. á Ást sem Ragnheiður Gröndal gerði vinsælt fyrir einhverju síðan). Palli talaði á milli lagana og sagði frá þeim og var hann í miklu stuði. Þau hafa aldrei áður haldið svona tónleika án hljóðnema, en það var búið að koma þeim fyrir þarna en þau ákváðu á síðustu stundu að prófa að sleppa þeim og kom það ótrúlega vel út. Hann sagði lika að þau væru búin að bíða í 4 ár að fá að syngja í þessum sal og því var þetta eitthvað sem gerist ekki á hverjum degi.
Ég gef þessum tónleikum fullt hús stiga því þetta var nánast fullkomið! 5 stjörnur af 5 mögulegum.

Siggi kemur hér með enn einn ARFAslakann pistil:

---

Hér er listi yfir ýmsa spennandi hluti sem ég hef eignast það sem af er árinu

1. Hamar, þetta er þarfa þing á hverju heimili og nýtist í ótrúlegustu hlut. Meðal hluta sem ég hef nýtt í þetta eru eftirfarandi
1. Hengja upp myndir
2. Laga hjónarúm
3. Taka rennu af þaki
2. Slípirokkur 1
1. Þessi slípirokkur hefur verið notaður til að slípa nagla af þaki nagla af þaki og liggja nú um 2000 naglar í valnum.
3. Slípirokkur 2
1. Þessi rokkur er enn í kassa þar sem ekki reyndist þörf á aðstoðarmanni við pússningu.
2. Stefnt er að því að skila honum aftur í húsasmiðjuna.
4. Sláttuorf
1. Nokkuð gott orf sem gengur fyrir tvígengisvél, en fyrir áhugsama má sjá hvernig tvígengisvélar virka hér á slóðinni við hliðina: http://www.keveney.com/twostroke.html
2. Ég hef notað sláttuorfið 3 sinnum í sumar og er enn að ná tökum á því.
5. Sláttuvél
1. Hún hefur nýst vel í að slá garðinn sem minnir orðið á vel hirtan knattspyrnuvöll með rennisléttu grasi.
2. Sláttuvélin er með um 5 hestafla fjórgengisvél sem gengur eftir hring sem nefndur er eftir Otto. Fyrir áhugasama má sjá nánar hér hvernig Otto vélar virka: http://www.keveney.com/otto.html

Allir þessir hlutir eru í mínum huga einstakir og stand hver fyrir sig fyrir ákveðan þjófélagslega þætti.

Við Sonja erum aðeins farin að hugsa um hvað við ætlum að gera í sumarfríinu á næsta ári. Við förum út í afmæli Halla í Danmörku í nóvember (ef hann sendir okkur einhverntíman boðsmiða) og síðan er tippklúbburinn að plana fótboltaferð núna í haust sem Árni mun kynna á fundinum á morgun. Næsta sumar förum við í giftingu í Róm og ætli við verðum ekki svona viku í Ítalíu og erum við að gæla við að leigja okkur bíl og keyra um sveitirnar.
Okkur langar síðan að fara t.d. í febrúar eða mars á næsta ári til Indlands, Nepal eða/og Tíbets í svona 4 vikur. Ég er byrjaður að skoða vefsíður og slíkt um hvert er skemmtilegast að fara og hvernig ferðalaginu verður háttað - þetta er allt á frumstigi.
Við erum á fullu að flokka myndirnar frá Asíu og vinnum við þetta þannig að við setum myndir í 3 flokka: Vefur, Geyma, Henda. Við reynum að láta ekki of margar myndir fara í vefur folderinn en það verður gaman að sýna þetta þegar við verðum búin að vinna þetta (hvenær sem það verður).

Canon var að tilkynna nýja linsu og þessi virðist vera ansi öflug og dekkar breitt svið. Hugsa að ég og Pálmi og jafnvel Guddi verðum búnir að fá okkur þessa innan árs: Check it!

Jæja, nú er komið eitt og hálft ár síðan ég byrjaði að biðja Pálma að koma með gamlar filmur sem hann á frá því við vorum ungir og ætlaði ég að skanna þær inn og setja þær hérna á blöggið. Ég hef beðið hann svona 30x um þetta og enn er þetta ekki komið í hús ... maður fer að halda að hann ætli ekki að koma með þær!

Andskoti sniðugt forrit fyrir Windows og SmugMug notendur til að setja myndir inn á Smuggið með því að hægri smella á folder: Forrit

Ég er ad bida efti straeto nuna

Jamm, magnaðir tónleikar!

Hérna eru myndir:





Meira hérna: Sonic

Farið var á sögulegan leik í gær, en Þróttur tók á móti FH á Laugardalsvellinum og unnu FH-ingar sigur sem vart gat talist sanngjarn, en hann endaði 5-1, en sanngjörn úrslit hefðu verið miklu stærri sigur.

En það sem var sögulegast við þennan leik var að FH vann sinn 17 leik í röð í deildinni (vann síðustu 3 leikina sína í fyrra) og bætti þar með sigurgönguíslandsmet í efstu deild karla í knattspyrnu, en valur átti víst gamla metið sem voru 16 leikir í röð. Svo var nú annað sögulegt, en FH-ingar fengu 1 mark á sig í leiknum, en síðast var skoraði Fram gegn FH þann 30. júní í 3-1 sigri FH-inga.

Nú hefur FH skorað 44 mörk, en fengið á sig 6 og hafa 11 stiga forskot á næsta lið (Val), en 4 leikir eru eftir, en næsti leikur er einmitt gegn Val næstkomandi Sunnudag og ef Valur vinnur ekki þann leik þá verða FH-ingar íslandsmeistarar, en allar líkur benda til þess að FH klári þetta bara og fari í gegnum mótið taplaust.

Hmmm ... skrítið Sonic Nurse er bara alveg ágætis diskur!
Er að pæla í því hvaða linsur ég tek með mér í kvöld á SY tónleikana (fékk leyfi til að taka myndir) og þetta er sú röð sem ég er að pæla í (1. er sú sem ég held að nýtist mér best o.s.frv.):

1. 70-200 f/2.8L IS - Þessi linsa er með mikinn aðdrátt, er björt og með "Image Stabilizer" þannig að ég held að þetta sé sú linsa sem ég mun nota mest.
2. 35 f/1.4L - Ótrúlega björt linsa sem kemur sér sennilega vel í myrkrinu.
3. 17-40 f/4.0L - Held að það gæti verið gaman að taka með gleiðlinsu af öllu sviðinu en spurning hvort hún sé nægilega björt, veit það ekki alveg.
4. 50 f/1.8 - Þessi er björt og nær lengra heldur en 35mm linsan og er auk þess lítil og nett.
5. 24-70 f/2.8 - Þessi myndi nýtast mjög vel en ég held ég dekki hennar svið ágætlega með hinum linsunum.

Ég myndi helst vilja taka allar linsurnar með en ætli ég taki ekki bara fyrstu 3-4 með, held þær dugi nú alveg.

Hvernig líst mönnum á að draga inn í Bloggið hjá okkur ýmsa pistlahöfunda sem skila af sér pistlum öðru hvoru? Ég ætla t.d. að tilnefna Burkna sem pistlahöfund en hann hefur skrifað einn pistil áður og var það plötudómur um Eminem plötu þar sem hann gagnryndi hvert einasta lag á plötunni. Burkni er drengur góður og hefur vit á frjálsum íþróttum og öðru sprikli.

Var að uppfæra smugmugið mitt með nokkrum myndum frá þessum degi. En fyrir þá sem ekki vissu þá átti ég afmæli þennan dag og á síðustu myndunum er ég að opna pakka frá bróður mínum.

Eigum við ekki að fara að taka okkur á í blogginu og rífa það upp á hærri hæðir þar sem sumarið er nánast á enda?
Sigurður hefur boðist til að vera ritstjóri og sjá um stefnumótun og slíkt og hann kannski útskýrir frekar hugmyndir sínar í athugasemd hérna að neðan. Upp hefur komið hugmynd að allir bloggararnir skrifi reglulega pistla (t.d. vikulega) um það sem þeir hafa áhuga á, og þannig væri þetta svona svipað og fjölmiðill með fasta liði og annað er síðan bónus. Ég gæti skrifað um ljósmyndun og líkamsrækt, Pálmi um uppeldismál, Árni um knattspyrnu/tónlist/mótorsport o.s.frv.

Nú er ég kominn í vinnuna aftur og í netsamband að nýju.

Ég vill óska Pálma til hamingju með frábæran árangur en hann lenti í öðru sæti á ljósmyndakeppni.is í keppninni Sumarfrí: Myndin

Horfðu menn á hina frábæru þætti um Hitler síðustu tvö sunnudagskvöld á RÚV?

Skemmtilegur rittdómur um Howard Hughes og einnig talað um Aviator: Check it!

Nýjasta uppfærsla á listanum yfir fólk:

• Árni Snævarr
  
• Björgvin Halldórsson
  
• Björk Jakobsdóttir
  
• Finnur Vilhjálmsson
  
• Friðrik Weisshappel
  
• Guðjón Guðmundsson
  
• Guðlaugur Þór Þórðarson
  
• Guðlaugur Helgason
  
• Guðrún Gunnarsdóttir
  
• Jón Axel Ólafsson
  
• Hálfdán í Landsins Snjallasti
  
• Ingi Hrafn (nýr)
  
• Magnús Kjartansson
  
• Randver Þorláksson
  
• Rúnar Freyr Gíslason
  
• Selma Björnsdóttir
  
• Sigmar Vilhjálmsson (nýr)
  
• Stefán Hilmarsson
  
• Stefán Hrafn Hagalín
  
• Valtýr Björn Valtýrsson
  
• Þorgeir Ástvalsson

Annar öðruvísi listi (* (-1)):

• Bubbi Mortens
  
• Áhöfnin í Kastljósinu
  
• Áhöfnin á Halastjörnunni
  
• Dagur B. Eggertsson
  
• Davíð Þór Jónsson
  
• Emilia Torrini
  
• Hilmir Snær
  
• Steinn Ármann Magnússon
  
• Svanhildur Hólm Valsdóttir

Já, það er kominn smá spenningur í mann útaf enska boltanum, bæði hefur maður kost á að velja um alla leikina í sjónvarpinu og eins er tippið að byrja aftur.

Hérna eru þau 4 lið sem flestir telja sigurstranglegust og óhætt er að segja að þetta eru sterk lið (menn mættu gjarnan commenta á hvaða leikmenn eru sterkastir og hvar veiku hlekkirnir eru ef þeir nenna). Í hvaða sætum spá menn í að þau lendi (ég ráða í þá röð sem ég spái):

United


Chelski


Arsenill


Liverfools


Margir furða sig kannski á því að ég spá United meistaratitlinum frekar en Chelski, en ég hef bara mikla trú á þeim þetta tímabilið.

og hefði getað verið stærri.....

Búinn að gerast áskrifandi að enska boltanum.

Já í tilefni af því að deildin er að byrja skellti ég mér í 2 tíma fótbolta í gær, lappirnar eru að sjálfsögðu alveg ónýtar eftir þessa útreið en mér hlakkar mikið til að byrja að sprikla í vetur aftur eða þar til ég slasa mig aftur.

Rooney
Ruud
Ronaldo

Fyrsti tippfundur vertíðarinnar verður á laugardaginn ... málmi mun væntanlega tilkynna stað og tíma.

Nokkrar myndir sem ég tók í fyrra á GayPride:




Rock on!

Búrkni sendi mér þetta samtal sem einhver vinur hans átti:

Skrítinn vinahópur
Ég fékk símtal frá einhverjum skrítnasta kunningja hópi sem ég hef komist í tæri við. Svona var símtalið.

Ég: Blessaður
Kunninginn: Sæll, hvað ertu að hugsa af hverju ertu ekki mættur?
Ég: Mættur hvert?
Kunninginn: Nú að mála vagninn.
Ég: Vagninn?
Kunninginn: Já, veistu ekki hvað er á næstu helgi?
Ég: Sól og útilega?
Kunninginn: Ertu með frómas maður, það er GayPride maður!
Ég: Ok, og hvað kemur það málinu við?
Kunninginn: Jú, við verðum með vagn þar niður Laugarveginn og það þarf að skreyta hann.
Ég: Eruð þið félagarnir komnir út úr skápnum?
Kunninginn: Neinei, en þú?
Ég: Nei, reyndar ekki, sem er einmitt ástæðan fyrir því að ég vissi ekki hvað var í gangi um næstu helgi
Kunninginn: Drífðu þig, við ætlum að vera hommar í einn dag og vera með vagn og þú kemur líka.
Ég: *hlátur* Eruð þið með frómas?
Kunninginn: Þú ert að fara að mæta, keyptum rasslausar leðurbuxur á þig.
Ég: Sorry, gefðu konunni þinni þær og sjáðu hvað hún segir...
Ég tek ekki þátt í svona, þó ég hafi ekkert á móti samkynhneigðum.

Hvað ætlar Hjölli annars að gera í tilefni dagsins? Er eitthvað rosa plan?