Undanfarið hefur verið mjög mikið að gera hjá mér, en ég er semsagt búinn að vera á fullu að taka til og henda og þrífa og þrífa og þrífa og henda og þrífa á heimii mínu Freyjugötu 34. En þannig er mál með vexti að ég er semsagt alveg fluttur núna og leigði út íbúðina mína og afhenti lyklavöldin nýjum íbúa í gærkvöldi og er hann væntanlega fluttur inn núna (en hann ætlaði einmitt að flytja núna í morgunn svo að hann gæti þrifið íbúðina sem hann var í. En vegna þessa flutninga þá varð ég að fara með kisu littlu til dýralæknis og er hún því nú á hinum eilífu veiðilendum að veiða mýs og fugla eins og hana lystir.

Í morgun sendi ég svo flutningstilkynningu á hagstofuna og er því opinberlega fluttur (amk þegar búið verður að fara yfir tilkynninguna og samþykja hana)

Næsta mál er því bara að drífa í því að selja bílinn og tekst vonandi áður en ég fer út, en ekkert of bjartsýnn á að það gangi eftir amk hefur enginn hringt enn og setti ég bílinn á sölu í síðustu viku.

Var að hlusta á útvarpið á leið í vinnu og þar var Hallgrímur Þorsteinsson (held ég) með einhvern spjallþátt og átti þessa setningu:

"Við erum í hættu að erlend menningaráhrif hafi þau áhrif á okkur Íslendinga að við séum að missa ædentetíið okkar."

Canon EOS 20D - EFS 17-40mm f/4.0L @ 24mm - f/6.3 - ISO100 - 1/125s

Ég setti inn slatta af myndum frá því við fórum í sveitina í byrjun janúar, um 173 stk. Nokkrar fínar myndir sem ég er ánægður með. Við settum smá texta með öllu myndum og því er kannski ágætt að stilla á journal útlitið sem er fyrir ofan myndina því þá koma um 20 myndir á sömu síðu og texti með myndunum - síðan er hægt að smella á mynd ef maður vill skoða hana í stærri útgáfu.
Hérna er galleríið: Sveitin

Hi Joe
We have been lurking on your blog for some months (sorry we haven't posted many comments previously). The very fine pictures on your site played a big part in encouraging us to visit Iceland. We are there in early March. We have posted about your site here - http://atypicaltravel.wordpress.com/ and our photo-blog is here - www.atypical.me.uk .
Thanks for all the great pics - Pen and Tone

Já ég hef ekki haft mikinn tíma til að blogga undanfarið enda verið að vinna frá 8-19 á hverjum degi og svo heg ég tekið 2 tíma að klára tölvupósta osfrv. Ástæðan er sú að við vorum að setja upp 2 ný kerfi sem hafa breytt okkar vinnu ansi mikið þar sem annað snýr að allri verksmiðjunni.

Nú í dag var EE að útskrifast og var þetta bara ágætis útskrift, eina sem var eiginlega leiðinlegt var ræða rektors en hún var löng og um framtíð skólans, en þetta voru einmitt nemendur sem voru að klára skólann og hefði ræðan mátt snúast meira um það en einhvera lofræðu um skólann.

Í kvöld ætlar EE að halda smá veislu fyrir vini og fjölskyldu og verður því smá húllumhæ hjá henni. Ég ætla nú að vera rólegri þar sem ég ætla að vinna smá á morgun.
Þessa dagana er ég eitthvað slæmur í hnéi og vona ég að það verði ekki langvarandi, leiðinleg þessi endalausu smámeiðsl sem ég er með, kannski er ég að ofkeyra mig og viðbrögð líkamans á þennan máta, amk vill EE meina það að þetta er nú kannski bara andlegt frekar en líkamlegt.
En ég sé til þegar líður á vikuna, nú er ég bara ánægður að ná að sofa út í morgun þar sem mikil vinna hefur verið undanfarið.
Einnig er ég að vinna í að skipuleggja sumarfrí, er nú ekki enn búinn að ákveða mig en ég enda nú sennilega ekki á eurovision fylleríi í grikklandi eins og sumir :)

Þurfti að kaupa dekk á jeppalinginn minn um daginn, það kostaði jafn mikið og heill umgangur á daiarann gamla, frekar dýrt dæmi, svona er að vera á eðalbíl. Við fórum með hann um daginn í skoðun til að viðhalda ábyrgðinni, stóðst með afbrigðum vel (kostaði jafn mikið og eitt dekk), áttum að fara eftir 15 þús km en fórum ekki fyrr en eftir rúmlega 20 þús km, en það reddaðist þó.

Einnig er ég mikið að velta því fyrir mér að færa mig yfir í enduro hjól í staðinn fyrir crossara, gæti verið einfaldara, þó þarf ég að taka mótorhjólapróf til að klára það.

En þetta er ég í hnotskurn, pæla og pæla, vantar stundum að klára málin þegar snýr að eyðslu peninga - því ekki er ákvarðanataka vandamál í vinnunni.

Svo er Jói að hugsa um enduro hjól ef ég kaup vissa myndavél, ég er að hugsa út í það enn.

Auglýsti íbúðina mína til leigu í gær hjá stúdentamiðlun, í mogganum (bæði blað og vef) og einhverjum nýjum íbúðaleiguvef þar sem að kostar ekkert að setja inn auglýsingu. 75 þúsund kall/mánuði. Nú þegar komnar 2 fyrirspurnir og báðar hljóma þannig að fólkið vilji bara flytja inn núna. Svo það ætti ekki að verða erfitt að koma íbúðinni í leigu.

Jói, spurning hvort að þú leigir ekki bara út þína íbúð í stað þess að selja, þú gætir eflaust fengið 120 þús á mánuði (tékkaði á leigulistanum á 3ja herbergja og þar var ein á 125) Þannig gætirðu látið þá íbúð borga upp stóran hluta af nýju íbúðinni. Þetta var bara svona pæling.

System of a Down er besta hljómsveit í heimi - spurning að setja það í forgang að fara á tónleika með þessum snillingum?

Tippfundur verður kl. 12:05 á morgun í kaffistofu Norrænahúsins.

Ætlar einhver að taka að sér að hringja í Árna og Sigga svo þeir gleymi ekki fundi einu sinni enn.

Sýn mun hafa júní mánuð í áskrift á 14.200 kr. - það er ansi dýrt fyrir mánaðaáskrift. Þeir voru að hringja og bjóða mér áskrift á fjögurþúsundogeitthvað og binda mig í 6 mánuði til að losna við þetta háa gjald í sumar. Spurning hvað maður gerir - kannski bara kíkja á pubb á hvern leik og þá erum við að tala um 500-1000 kall á leik í bjór og ekki er það ódýrara. Kannski kaupum við Hjölli bara saman áskrift og höfum HM horn heima hjá honum eða mér.

Heyrst hefur að Hjölli og Matthew ætli að fara til Grikklands á Eurovision í vor - sel það ekki dýrara en ég keypti það.

Til gamans ætla ég að setja hérna inn 4 myndir sem ég tók af Búrkna vinnufélaga mínum þegar ég var að prófa 5D vélina mína sem ég keypti mér fyrir nokkru síðan. Myndirnar eru teknar á 17-40mm linsu og þar sem vélin er "full frame" þá verða þær nokkuð gleiðar. Búrkni hefur mikla athyglisþörf þannig að hann verður væntanlega mjög ánægður með þetta þó hann sé nú reyndar ekki nakinn á myndunum. Myndirnar eru allar teknar á ISO 1600.

Bíllinn minn er til sölu. Mjög gott eintak.

Það er ótrúlegt að vita til þess að eini miðjumaður (central midfielder) United sem er heill er skoski leikmaðurinn - þeir verða að kaupa 3 miðjumenn í sumar til að geta eitthvað næsta vetur. Skoski leikmaðurinn væri meðalmaður í 2 deild á englandi.

Maður rýkur inn um dyrnar heima hjá sér og segir við konuna:
Drífðu þig að pakka niður, ég var að vinna í lottóinu!

Hún: Á ég að pakka fyrir hlýtt eða kalt veður?

Hann svarar: Mér er alveg sama; vertu bara farin fyrir hádegi.

Suitable for 15 years or older. Films in this category can be about anything, say 'fuck' a lot, probably get to see all sorts of guns and shooting, but no open heart surgery with a knife. Most 'R' rated films in America fit into this category.

Examples: Alien, The Sixth Sense

My life has been rated:
See what your rating is!
Created by bart666

Suitable for 18 years or older. This is real life. Anything in this category is considered to be of subject matter relating to adult life, that happens day in and day out. Walking down the street is an 18 certificate. You have a life, well done.

Examples: American Beauty, Scary Movie

Fínasta helgi að baki. Á föstudaginn fórum við Sonja með fjölskyldu hennar á Akureyri og var leigt þar heilt raðhús undir fólkið (9 manns). Á laugardaginn var brunað upp í Hlíðarfjall og ég horfði á leikinn í hádeginu og fór síðan aftur upp í fjall. Síðan var borðað á Greifanum og um kvöldið horft á söngvakeppnina og spilað Buzz. Á laugardaginn var síðan skíðað fram eftir degi og farið heim seinnipartinn.

Á sunnudaginn var ég að prófa skíði í fyrsta skipti í um 15 ár. Þegar ég var 6-7 ára var ég nokkuð sleipur því ég bjó á Seyðisfirði í eitt ár og var nánast daglega á skíðum um veturinn enda var hann snjóþungur með eindæmum. Ég byrjaði á sunnudaginn í barnabrekkunni enda bjóst ég ekki við að kunna neitt en var nokkuð öruggur bara og fór því í næstu brekku. Ég tók hana jafn létt og greinilegt að þetta er svipað og að hjóla, þ.e. að maður býr að kunnáttunni þó maður stundi þetta ekkert í áratugi. Við fórum því næst í góða brekku sem er með diskalyftu og tók ég hana aftur með trompi, brunaði niður og notaði plóginn þegar þurfti og var ekki einu sinni nálægt því að detta. Við ákváðum því að taka næstu lyftu upp frá þessari lyftu og vorum komin í nokkra hæð þegar þangað var komið. Ég var uppfullur af einhverri ótrúlegri sjálfstrú eftir að hingað til hlutirnir hefðu gengið svona vel og fannst ég ráða við allt og vera konungur fjallsins. Þegar upp var komið renndi ég mér af stað án þess að hugsa um það tvisvar og fór ég strax og mjög mikla ferð enda ansi bratt. Ég setti því í plóginn til þess að minnka aðeins ferðina en hann hafði ekkert að segja, hraðinn jókst bara. Í einhverju stundarbrjálaði ákvað ég því að bruna bara áfram en náði fljótt alveg sóðalegum hraða og ekki séns að nokkur nema atvinnumaður nái að bruna niður allt fjallið. Ég sá því að þetta myndi nú ekki ganga lengi svona og ég væri komin í nokkur vandræði. Ég ákvað því að reyna að sviga aðeins til hliðar, þ.e. að láta annað skíðið til hliðar, sem er jú fyrsta hreyfingin í svighreyfingu - og um leið og ég lét skíðið aðeins til hliðar fór ég í loftköstum niður og var þetta sennilega svipað og þegar maður sér menn detta í bruni á vetrarólympíuleikunum. Skíðin hentust af mér og rann eitthvað niður brekkuna en það að festingarnar virkuðu eins og þær eiga að virka, þ.e. að skórnir fara úr þeim við ákveðið álag varð til þess að ég var ómeiddur en fann fyrir smá verk í annari löppinni og var smá ringlaður í hausnum. Eftir þetta fór ég að hlusta á ráðleggingar Sonju sem er nokkuð vön og hafði líklegast gott að þessari byltu því ég hefði sennilega farið upp á topp á fjallinu og farið að stökkva fram af klettum og það hefði nú endað illa ;-)
Ég fór aftur þessa brekku og fór mun varlegra en áður og svigaði niður með stórum ráðherrabeygjum. Við fórum eftir þetta nokkrar ferðir, t.d. í stólalyftuna og datt ég 2-3 í viðbót en bara létt.

Fínt að prófa skíði aftur og nokkuð gaman bara enda var alveg logn og heiðskýrt og ekki hægt að fá betra skíðaveður.

Tja hver veit nema að þetta sé bara komið í lag

Eða er þetta kannski bara í lagi?

Er þetta bilað?

Áætlaðar vinningsupphæðir
13: 2.642 raðir 7.230 kr.
12: 39.866 raðir 300 kr.
11:256.210 raðir 0 kr.
10:936.363 raðir 0 kr.

Eins gott að við vorum ekkert að fá 13 rétta núna, maður hefði bara orðið enn svektari. En við fengur 7 raðir með 10 réttum.

Ég kýs dag og nótt

Ætli maður verðir ekki bara að ferðast innanlands í sumar og bíða með allar heimsreisur fram á næsta eða þarnæsta ár?

Úr RÚV:
Danskir fuglafræðingar sögðu í morgun að fuglaflensuveiran H5N1 hefði í raun nú þegar borist til Danmerkur. Hún greindist í gær í tveimur dauðum svönum á þýsku eyjunni Rügen í Eystrasalti, aðeins um 40 kílómetra frá Danmörku. Fuglafræðingarnir sögðu sama svanastofninn á Rügen og í Danmörku og þess væri því skammt að bíða að flensan bærist yfir landamærin. Nú þegar í morgun hafa um 40 dauðir svanir og endur fundist á dönsku eyjunum Borgundarhólmi, Falstri, Mön og Munstri en ekki er enn vitað úr hverju fuglarnir drápust.

Íslensk stjórnvöld ætla, í samstarfi við Dani, að reyna að tryggja forgang Íslendinga að 300.000 skömmtum af bóluefni fari heimsfaraldur inflúensu af stað. Athuganir á fuglum hérlendis hafa ekki leitt í ljós fuglaflensusmit.

Ég sá lesendabréf í Blaðinu áðan þar sem lesandi var að tala um að Dagur B. hafi verið lélegur í Kastljósinu og verið uppfullur af klisjum og hann hefði farið að hugsa að það hafi verið mistök að kjósa hann. Ég er 100% sammála öllu sem kom fram í þessum pistli, mér fannst Dagur koma hræðilega út í þessu viðtali var eins og 60 ára gamall rykfallinn pólitíkus sem gerði ekkert annað en að henda fram klisjum til að komast framhjá því að svara spurningum spyrjanda. Hann verður nú að standa sig betur en þetta ef hann ætlar að gera einhverjar rósir í vor.

Hvað er að frétta af stóra myndatökumálinu? Er forstjóri Smáralindar búinn að bjóða þér góðan díl fyrir að tala ekki um málið, eða ætlar Persónuvernd að ganga í málið og fjarlægja listann yfir fólk sem hefur tekið myndir þarna inni?

Ég fer til Akureyri seinni partinn á föstudaginn og verð því ekki á tippfundi á Laugardaginn. Ég gæti hinsvegar komist seinnipartinn í kvöld, á morgun eða hinn eða jafnvel í hádeginu á morgun eða föstudag. Það er líka allt í lagi að hafa fundinn bara á föstum tíma því þessir fundir eru greinilega ekki mjög heilagir hjá mönnum og allt í lagi að sleppa einum og einum fundi bitz.

Spurning að allir meðlimir Morgan Kane taki þessa pillu og við athugum hvort það verði eitthvað úr klúbbnum eftir það? Það þarf að fara að ákveða með fyrsta fund. Haukur er erlendis næstu tvær vikurnar og ég verð á Akureyri á næstu helgi en það þarf samt ekki að stíla upp á að allir komist.

Spilafíklar geta nú séð fram á að hafa betur í baráttunni við spilafíknina því sérfræðingar við Minnesota-háskólann í Bandaríkjunum, sem gert hafa tilraunir með að lækna sjúklega spilafíkn, hafa tilkynnt jákvæðar niðurstöður úr rannsókn með nýrri pillu, sem inniheldur m.a. nalmefene.

Shi Tao, kínverskur blaðamaður, afplánar nú 10 ára fangelsisdóm fyrir að senda tölvupóst til Bandaríkjanna.

Hann var ákærður fyrir að ?uppljóstra um ríkisleyndarmál til erlendra aðila? með því að nota póstfangið sitt hjá Yahoo.

Samkvæmt dómskjölum um sönnunargögnin sem leiddu til dómsins yfir Shi Tao, var það bandaríska netfyrirtækið Yahoo sem upplýsti kínversk stjórnvöld um eiganda netfangsins.

Shi Tao var ákærður fyrir að senda tölvupóst sem gaf ágrip af tilskipun Kommúnistaflokks Kína, en þar voru blaðamenn varaðir við hugsanlegri ólgu meðan á afmæli 4. júní hreyfingarinnar stæði (í minningu atburðanna við Tiananmen-torg) og þeim skipað að auka ekki á þessa ólgu í skrifum sínum.

Shi Tao er í fangelsi fyrir að nýta sér tjáningarfrelsi sitt með friðsamlegum hætti, en sá réttur er bundinn í alþjóðalögum og stjórnarskrá Kína. Amnesty International álítur Shi Tao vera samviskufanga.

Alveg magnað hvað hægt er að komast upp með í krafti stærðarinnar. Kínverska stjórnin getur vaðið yfir landa sína (og önnur lönd) með svo yfirgengilegum hætti að manni blöskrar svo vægt sé til orða tekið, en þar sem að þeir eiga fullt af peningum sem öll fyrirtæki vilja ná í og skipta því við, sem eðlilegt er, en þá finnst mér samt að þau verði nú að passa sig.

Það sem Yahoo gerði í þessu máli finnst mér til háborinnar skammar. Kína er nú rekið af risastórri mafíu sem má gera allt og enginn getur sagt neitt því þeir eru jú 1/4 jarðarbúa (og Indverjar held ég að séu nú fleiri, en það heyrast ekki jafn svakalegar yfirgangssögur frá þeim og er ég nokkuð viss um að menn geti alveg tjáð sig um stjórnina og verk hennar þar eins og þeim sýnist).

Ef ég væri Kínverji í Kína þá væri mér sjálfsagt stungið í steininn í 10 ár fyrir það eitt að hafa skrifað þetta blogg.

Er hann búinn að vera - skemmtileg setning um nýjustu mynd hans á imdb:
Don't waste your time. This is simple-minded hackwork not worth noticing, unless you're a fan of necrophilia and thus enjoy the sight of Seagal, the walking corpse. He IS a sad spectacle

Áfram heldur lestrarátak mitt, nú er ég enn að reyna að vera duglegri í lestri og hef breytt mínum takmörkum aðeins, nú er ég líka að reyna að lesa á Íslensku og hef ég sett takmark mitt af 52 smásögur á Íslensku, sumar þó þýddar. Með þessu er ég að lesa aðrar bækur og í dag er ég einmitt að lesa bókina Winning eftir Jack Welch en þetta er afar góð bók um gaur sem er búinn að prófa nánast flest þegar kemur að því að vera stjórnandi.
En nú er ég þegar búinn með 6 smásögur en þær eru:
Fölskvi eftir Þorgils gjallandi - sorgleg saga um gamlan hest.
Bolladómar e. Tehodoru Thorodssen - saga um saumaklúbb kvenna og þeirra málefni sem eru aðallega bolladómar.
Marjas e. Einar H. Kvaran - Ungur strákur í sveit sem lendir illa í vinnumanni og vinnukonu sveitarinnar, fín saga um svik og pretti í sveit. NB! Marjas er spil fyrir þá sem voru að pæla í því.
Fáninn eftir Huldu - Lítil ástarsaga.
Munaðarleysinginn e. Theodór Friðriksson - Fjallar um Björgu sem eignast barn og deyr stuttu seinna, strákur hennar elst upp og farið illa með hann þar sem hann var nú aldrei velkominn, deyr ungur að aldri.
Dúna Kvaran e. Guðmund Kamban - Ástarsaga sem byrjar með því að hún nánast drepur mann sem er að reyna að kyssa hana - furðuleg ástarsaga.

Eins og sést þá eru þetta allt smásögur af gamla skólanum þar sem vonleysi, vosbúð ofl eru mikið frammi.

Ég sá gamlann kall borga með ávísun í Nóatúni áðan. Hann var helvíti lengi að skrifa þessa ávísun og svo þurfti hann auðvitað líka að sýna debetkortið og því var rennt í gegnum kassann líka (sjálfsagt til að fá einhverja staðfestingu eða eitthvað). Næsti maður á eftir honum var að kaupa 2 brauð og 2 vínarbrauð. Þar sem að gamli kallinn var svo lengi og var að kaupa mjög mikið (eins og hann væri með 10 manna fjölskyldu, því ég held að hann hafi verið með um 10 lítra af mjólk ásamt ýmsu öðru) þá hafði safnast frekar mikið af vörum í kringum hann. Þegar afgreiðslumaðurinn var að byrja setja vorurnar mínar (því ég var nr. 3) á borðið hinu megin við skilrúmið á borðinu og maður nr. 2 var að fara að setja í bokann sinn þá sagði gamli kallinn mjög önugur: "Má ég klára!".
Allir horfðu bara á hann því hann var greinilega ekkert að reyna að vera neitt liðlegur við þetta, en maður nr. 2 (þessi með brauðin 2 og vínarbrauðin) tók því bara sínar vörur í fangið og setti þær annarstaðar og setti í bokann þar. Ég gekk svo í kringum manninn og stóð við hliðiná afgreiðslumanninum og setti í pokann minn þar og var þá gamli kallinn bara rétt að byrja að setja í bokana sína.

Á meðan þessu stóð þá var annar afgreiðslumaður þarna við hliðiná og sat bara og gerði ekki neitt. Það var augljóst að hér var um vandamál að ræða (ekkert svosem við gamla karlinn að sakast, hann er bara orðinn gamall og ekkert hægt að gera við því, þar að auki erum við Jói búnir að ákveða að verða leiðinlegir gamlir kallar, sem eru með skækting og ruglugang við allt og alla, því við eigum rétt á því þá), en ég er á þeirri skoðun að hinn afgreiðslustrákurinn sem gerði ekki neitt að hann hefði nú getað hjálpað manninum að setja í poka á meðan hann var að skrifa ávísunina í stað þess að sitja bara þarna og horfa á og vera voða hissa á því að kallinn væri svona önugur.

Sjálfur keypti ég Cheerios, túnfisksalat, skyr og hrýsmjólk með karamellu.

Við Hjölli og Pálmi vorum bara þrír á tippfundi í dag því Siggi er slappur og Árni "gleymdi" fundinum (hvernig er hægt að gleyma svona reglulegum hlut Árni? ;-) ).

Þegar við vorum að fara að fundi tók ég 3 myndir af rúllustiganum og fór síðan niður. Þegar niður var komið stoppaði mig öryggisvörur og spurði mig dónalega hvort ég hefði leyfi fyrir myndatöku og fyrir hvern ég væri að taka myndir. Ég svaraði að ég hefði ekki leyfi enda vissi ég ekki að það mætti ekki taka myndir og ég sagði að ég væri bara að taka myndir fyrir sjálfan mig. Hann spurði þá hvaðan ég kæmi og ég skyldi ekki alveg hvað hann var að meina og spurði hann hvað hann meinaði. Hann sagði að það væri stranglega bannað og ég spurði hann hvar það kæmi fram því ég hefði ekki séð nein skilti um það. Hann sagði að það væri ekki merkt en öryggisvörðum væri sagt að stoppa fólk sem væri að taka myndir. Þvínæst krafði hann mig um að sýna skilríki og ég spurði han af hverju hann þyrfti þau, hvort han ætlaði að sekta mig en hann sagði að hann yrði að taka niður nafn og kennitölu þó það væri engin sekt. Ég sýndi honum skilríki og hann tók niður nafn og kennitölu og rétti mér aftur skilríkin og ég tók þau og labbaði í burtu án þess að segja orð við hann.

Ég ætla að senda yfirstjórn Smánalindar tölvupóst og spyrja hvaða leyfi þeir hafi fyrir því að krefja fólk um skilríki á svona opinberum stöðum og láta mann líta út eins og einhvern glæpamann og einnig er ég að spá í að senda persónuvernd tölvupóst og spyrja hvort þetta sé löglegt.

Ég læt glæpamyndina fylgja með hérna ;-)

Við fórum þrír og kusum í prófkjöri Samfylkingarinnar og við vorum sammála um það að að það væri mjög illa staðið að skipulagningu kosningarinnar (a.m.k. uppi í Mjódd) og bæði var löng biðröð og illa skipulagt hvar biðraðir og slíkt væru). Eins var kosið í tölvu og frekar illa sett upp forritið til að kjósa í og ég skil vel að eldra fólk hafi verið í erfiðleikum með að skilja hvað þau ættu að gera.

Ég er að spá í að fara eftir tippfund og kjósa Dag B.

Smiling is infectious,
You catch it like the flu.
When someone smiled at me today,
I started smiling too.

I passed around the corner,
and someone saw my grin
When he smiled I realized,
I'd passed it on to him.

I thought about that smile,
then I realized its worth.
A single smile just like mine,
could travel round the earth.

So if you feel a smile begin,
don't leave it undetected.
Let's start an epidemic quick,
and get the world infected !

Fannst þetta bara svo helvíti upplífgandi að ég varð bara að skella þessu hingað.

Ég var staddur áðan í bílaröð hjá Aktu-Taktu og var að hlusta á Talstöðina og þar var einhver ungur skeleggur þáttastjórnandi með einhverja stjórnmálaspekinga í viðtali og var þar með einhverja bjánalegustu og óþörfustu slettu sem ég hef heyrt: "... er hann ekki að reyna að distansera sig frá öðrum stjórnmálaflokkum með þessu?".

Þegar kom að mér í röðinni bað ég um einn ís í brauðformi og svona voru samskiptin mín "J" við unga afgreiðslustelpu (A):
J: "Einn ís í brauðformi með dýfu."
Afgreiðslustelpa fer og kemur aftur stuttu síðar með ís án dýfu í hendinni.
A: "Hvernig dýfu vildir þú?"
J: "Hvernig dýfur áttu?"
A: "Súkkulaði og ... og ... og ..., bíddu!"
... stamaði hún og fór aftur og kom síðan stuttu síðar
A: "Súkkulaði- og Lúxusdýfur!"
J: "Hvað er í lúxusdýfu?"
A: "Súkkulaði!"
J: "Já, þá ætla ég bara að fá súkkulaði" og brosi
A: "Já" segir hún og fer og kemur stuttu síðan og segir:
A: "Vildir þú ekki örugglega lúxusdýfu?"
Stutt þögn
J: "Jú"

apúfffff

Minn uppáhalds þáttur í útvarpi er Spegillinn se er á dagskrá Rás 1 kl. 18:25 á virkum dögum. Þetta er fréttatengdur þáttur og mjög faglegur og ekkert popp!

Ég er að fara með Sonju í vinnuferð hjá fyrirtækinu hennar út á land seinnipartinn á föstudaginn og við komum ekki aftur fyrr en á sunnudaginn. Ég kemst því ekki á tippfund nema við færum hann og höfum hann eftir vinnu í dag eða í hádeginu á morgun.

Skemmtileg byrjun á grein en sennilega mikið til í henni: Chelsea?s seeming determination to sign up every Manchester United transfer target could see them land US protégé Freddy Adu, according to reports.

Iggy Pop er á leið til landsins og leikur í Laugardalshöllinni þann 3. maí ásamt hljómsveit sinni The Stooges.

Við erum að sigla inn í heimsstyrjöld - trúarbragða heimsstyrjöld!

Gabriel. You're most like the ArchAngel of

Communication, in charge of things like

telephones, libraries, internet, and the 411

phone menu. You're organised and are not shy

about inflicting that organisation on others.


Which ArchAngel are you most like?
brought to you by Quizilla

Er þetta ekki bara málið: TV

Ég er nú í samningaviðræðum við Sonju að hætta bara með sjónvarp þegar við flytjum, þ.e. vera með sjónvarp og DVD en ekkert loftnet.

Við Haukur vorum að handsala veiðmál:
Við veðjuðum um það hvort United eða Liverpool fara áfram í bikarnum og er kassi af bjór undir. Haukur er með Liverfools og ég United.
Sá sem tapar veðmálinu fær rétt á að velja hvort hann vilji annað veðmál um það hvort liðið verður ofar í deildinni í lok vertíðar.
Haukur skuldar mér nú þegar kassa fyrir síðasta veðmál um United-Liverpool leikinn.

---

Hvernig er annars með Morgan Kane - er klúbburinn dáinn áður en hann fer af stað? Sigurður, hvenær verður fyrsta spilakvöld?

Gerðum tilboð í íbúð og það var samþykkt!

Sett inn að beiðni Burkna:

"Ertu öryggisfíkill í rússneskri rúllettu?"
JG - 1.2.2006