Tippfundur verður á Café Aroma klukkan 11.00 - ákveðið af HS. Nú verðum við að mæta aðeins fyrr þar sem sumartíminn er kominn.

Keypti mérþennan disk í Englandi. Þetta er sönglaikur sem sýndur var á Broadway í fyrra og er saminn upp úr Holy Grail. Eric Idle samdi þetta, en Monty Python kemur ekkert nálægt leiknum. Aðalleikarinn er Tim Curry og Hank Azaria var þarna líka. Textarnir eru í mjög hjöllískum anda eins og þessi hér (sungið eins og Andrew Lloyd Weber hefði samið þetta og gæti alveg sómað sér vel í söngleiknum Cats):

The Song that Goes Like This

Once in every show
There comes a song like this
It starts off soft and low
And ends up with a kiss
Oh where is the song that goes like this
Where is it?
Where?
Where?

A sentimental song
If it casts a magic spell
They only hum along
We'll over-act like Hell
Oh, this is the song that goes like this

Yes it is
Yes it is
Yes it is
Yes it is

Now we can go straight into the middle eight
A bridge that is too far for me
I'll sing it in your face
While we both embrace
And then we change the key

Now we're into E
Hm, that's awfully high for me
But everyone can see
We should have stayed in D
For this is our song that goes like this

I'm feeling very proud
You're singing far too loud
That's the way that this song goes
You're standing on my toes
Singing our song that goes like this

I can't believe there's more
It's far too long im sure
That's the trouble with this song
It goes on and on and on
For this is our song that is too long

Jesus Christ God Damnit!

When we've taken this too long
You'll wish that you weren't born
Let's stop this damn refrain
Before we go insane

The song always ends like this

Helvíti væri gaman að taka eitt kvöld með bjór og spila Buzz Big Quiz leikinn. Ég hef prófað þennan music quiz og þetta er magnaður leikur - reyndar of mikið af R&B tónlistarspurningum (og einn mótleikarinn alltof góður).

Fyrirhugað er að koma upp HM-horni í sumar. Endanleg staðsetning er ekki ákveðin, en líklegast verður það heima hjá mér eða Jóa. Til þess að þetta sé hægt þá verða allir að taka höndum saman, því mánaðaráskriftin í Júní hækkar upp úr öllu valdi og er að mig minnir (að Jói hafi sagt) 14000 kr. Nú hafa 4 lýst yfir áhuga, en það eru: ég, Jói, Mad Dog og Gubbi. Væri gaman ef hægt væri að fá 2 til viðbótar, en þá yrði mánaðaráskriftin fyrir HM-hornið komin niður í 2300 kr, sem er svona ásættanlegt verð.

Við byrjuðum í kvöld að pakka niður því núna er bara mánuður þangað til við fáum Leifsgötuna. Þetta verður töluvert verk enda eigum við orðið mikið af bókum og allskonar smádóti og við erum að pæla í að flokka vel þegar við pökkum og henda slatta af drasli.

Við Árni ræddum aðeins um það á síðasta fundi í tippklúbbnum að við vildum stokka þetta aðeins upp því þetta er orðið leiðigjarnt að tippa á t.d. 10 leiki úr fyrstu deild og það vantar smá spennu í þetta að okkar máli, en Pálmi var ekki sammála.

Ég segi fyrir mitt leiti að þetta er eiginlega ekkert spennandi og ég eiginlega hættur að hafa gaman af þessum seðlum sem við erum að taka. Þetta sýnir sig kannski í slæmri mætingu félagsmanna síðasta hálfa árið eða svo og mér finnst þetta vera að deyja út. Þetta átti líka að vera svona félagsskapur og menn að hafa gaman af þessu en það hefur ekki verið mikið tóm fyrir að setjast og fá sér kaffi og spjalla því menn eru oft að flýta sér eða mæta ekki.

Ég mæli því með að við stokkum þetta upp og hérna eru nokkrar hugmyndir hvernig við getum gert það:
1. Skipta í tvö lið og keppa innbyrðist, þ.e. hvort lið gerir sinn seðilinn.
2. Hætta með 1x2 og fara frekar í lengjuna (hjá betfare eða einhverju slíku) og taka nokkra leiki í hverri viku. Þetta myndir gefa þessu soldið nýja vídd því við yrðum að pæla í leikjum sem eru framundan og velja leiki. Það mætti þá t.d. hugsa sér að við myndum kannski taka 5-6 leiki og þá gæti maður jafnvel horft á flesta af þeim til að auka spennuna í þessu.
3. Veðja bara á ákveðna leiki með betfare.
4. Hætta þessu bara.

Ég veit að einhverjir verða ekki sáttir við þennan póst og mótmæla þessu og segja að þetta sé bara gott eins og þetta er (sennilega finnst einhverjum það) en ég hef bara ekki gaman af þessum seðlum sem við erum að taka, ég veit t.d. ekkert um lið eins og Sheff.Wed - Burnley sem eru á næsta seðli og hef bara ekki áhuga á að kafa svona djúpt í þetta að ég viti eitthvað um neðri deildir í Englandi.

Er nuna ad bida eftir flugvelinni minni, en eg flyg med British Airways heim og lendi kl. 09:45. Gisti a Premium Travel Inn, en thad hotel er alveg vid Gatwick og getur madur bara labbad a flugvollinn fra hotelinu. Nuna er 1 minuta eftir af internettimanum minum svo eg held ad eg lati thetta gott heita i bili. Eg reikna med ad maeta i tennis i kvold, hvernig er med adra?

Við fórum í dagsferð frá Peking til að labba slatta leið eftir Kínamúrnum á svæði þar sem ferðamenn koma ekki mjög mikið til. Þar rákumst við á þessi merkilegu skilaboð.

Ég rakst á þennan vikulega útvarpsþátt um ljósmyndun. Hann er á dagskrá á laugardögum (kl. 16 á Íslenskum tíma) en hægt er að hlusta á eldri þætti. Ég hlustaði t.d. áðan á nýjasta þáttinn og þar er viðtal við Karl Grobl sem er þekktur ljósmyndari sem ferðast út um allan heim og tekur myndir af fólki og atburðum. Gott stöff: Check it bitz!

Vann aðeins úr nokkrum myndum sem ég hef hér, en þessar dökkur eru teknar í næturköfun og notaði ég aðeins ljósið sem ég var með, en ekki flass. Ég er enn bara að feta mín fyrstu spor í neðansjávarmyndatöku, en ég fer til Grikklands í vor og þá mun ég taka fleiri myndir í efstu metrunum, en þar er ljósið meira og betra, þ.a. litirnir verða betri. Í þessari ferð var ég oft á um 20 m dýpi þar sem að ljós til myndatöku er ekki sem best og verða myndirnar því oft bláleitari fyrir vikið. En hér eru semsagt nokkrar í viðbót. Ég vil einnig benda á það að einn úr ferðinni lagðist óvart á ígulker eins og það sem sýnt er hér og fékk að mig minnir 26 stungur og allar eitraðar og brotnuðu broddarnir inn í löppinni á honum og var þetta frekar vont að mér skilst og ekki mælt með því að gera þetta. Þetta var einmitt í næturköfun og sá hann ekki ígulkerið enda eru þau svört. Á daginn skríða þau inn í holur og standa þá broddarnir bara út úr holunum.

Paradís?


Partý í tjaldinu hjá fararstjórunum. Við byrjuðum á því að horfa á sólarlagið og Paul fararstjóri sagði að þetta væri fallegasta sjón í heimi og lýsti litunum áður en þeir breyttust og það stóðst allt sem hann sagði. Síðan var farið inn í tjald og drukkið fram eftir nóttu.


Við fórum í heimsókn hjá þessu fólki sem við fundum eftir langa göngu á sléttunum og þau gáfu okkur þessar kleinur (eða hvað þetta er) sem er á borðinu.

Þegar við Sonja fórum á Síberíulestinni frá Moskvu til Peking síðasta sumar þá fórum við í gegnum Mongólíu. Við vorum 2 eða 3 daga í tjaldbúðum á sléttunum fyrir utan Ulaan Baatar. Það var mjög skemmtileg lífsreynsla að vera þarna útá sléttunum með þennan ótrúlega bláa himinn fyrir ofan sig og endalausar slétturnar undir fótunum. Við gistum í svona tjaldi sem kallast Gert og búa ansi margir Mongólar í svona tjöldum og þá kannski aðallega bændur en einnig fólk í Ulaan Baatar sem er höfuðborgin og ætla ég að ræða um hana í næsta ferðapistli (það er um 60% atvinnuleysi í henni sem mér finnst ansi magnað).
Næturnar á þessum tíma eru mjög kaldar og því var ofninn í miðju tjaldinu kynntur seinnipartinn og þá varð tjaldið alveg ótrúlega heitt, eiginlega alltof heitt og síðan kólnaði inni í tjaldinu jafnt og þétt fram undir morgun.
Það sem maður gerði sér til dægrastyttingar þarna á svæðinu var að fá sér göngutúr eitthvað út í buskann og jafnvel heilsa upp á bændur. Maður getur gengið að því vísu að þegar maður labbar upp að tjaldi einhverstaðar úti á sléttunum er að fólkið tekur á móti manni og býður manni inn í tjaldið og gefur manni að borða. Það talar náttúrlega ekki ensku þannig að maður tjáir sig bara með því að benda og gefa merki og þetta er ansi merkileg lífsreynsla. Magnað að fá að sjá hvernig fólkið lifir úti á sléttunum og fá að smakka matinn þeirra án þess að það sé að reyna að taka manni pening eða eitthvað slíkt eins og er í mörgum löndum.
Í búðunum sem við vorum í var hægt að fara í útreiðatúra og bogakast og síðan var bara málið að slappa af þarna.

Paul sagði okkur frá ferð sem ferðaskrifstofan sem hann vinnur hjá er með þarna í Mongolíu sem er mjög öðruvísi: Þessi ferð er í 3 vikur og það fer einn fararstjóri með frá ferðaskrifstofunni (Paul var reyndar hættur sjálfur með ferðirnar sjálfur) og síðan tveir bílstjórar. Farið er á tveimur jeppum og er hámark um 8-12 manns í ferðina ef ég man rétt. Farið er í gegnum Gobi eyðimörkina og sér maður varla annað en sand alla ferðina en einstaka hirðingjar með tjöldin sín verða á leiðinni. Það verða allir að hjálpast að í þessari ferð, skipta um dekk þegar springur, elda, vaska upp, reisa tjöld á kvöldin o.s.frv. Eftir ferðina eru menn oft gjörsamlega breyttir menn eftir þessa miklu reynslu því þetta tekur mikið á og eins þekkist hópurinn eins og systkin eftir þessa nálægð í allan þennan tíma. Paul sagði einmitt að það kannski hljómar ekki spennandi að keyra í gegnum eyðimörk í 3 vikur en þetta er reynsla sem er ansi mögnuð og hann mælti með þessari ferð fyrir þá sem vilja eitthvað öðruvísi. Spurning hvort tippklúbburinn skelli sér í ferðina?

Jæja, læt þetta duga í bili.

check it!

Sigurður hefur verið latur að mæta á tippfundi undanfarið og þurfti ég að skamma hann eins og lítinn skólastrák. Hann iðraðist og hefur sent frá sér þessa yfirlýsingu sem hann ætlar að lesa upp fyrir meðlimi á næsta tippfundi:

Yfirlýsing: Ég Sigurður Óli Gestsson biðst hér með afsökunar á slælegtir mætingu á tippfundi síðastliðinn misseri.. Fyrir því liggja fjölmargar ástæður sem ekki verða tíundaðar hér, þó vissulega hafi hræðsla við breytta fas og framkomu Jóhanns einhver áhrif á mætinguna. Ég hef tekið mig taki og mun mæta núna.

23. mars 2006

Sigurður Óli Gestsson

Nú er Pálmfróður kvefaður hérna við hliðina á mér en hann er skrítinn að því leiti að hann getur ekki snýtt sér, segir að það geri ekkert gagn og er því með fullt af klósettpappír (sem hann vefur oft í mjóar ræmur) sem hann treður upp í nefið til að taka horið - frekar ógeðslegt en maður fer nú að venjast þessu ;-)

Ég skellti mér á Espresso námskeið hjá Te & Kaffi sem var mjög fróðlegt og gott. Fyrst labbaði Njáll (Íslandsmeistari í kaffigerð 2004) með okkur um verksmiðjuna og sýndi okkur hvernig brennslan og annað fer fram og síðan var smá glærusýning sem kenndi okkur grunnatriðin í þessum fræðum. Eftir það sýndi hann okkur á einni vélinni réttu handtökin við að gera kaffi og flóa mjólk í kaffidrykki. Eftir það prófuðum við sjálf á okkar vélum og hann gekk á milli og fylgdist með og sýndi okkur á okkar vélum hvernig á að fara að. Það voru 8 manns á þessu námskeiði (þar með 1 par sem voru saman með vél) og verð ég að segja að þetta var bara ansi skemmtilegt og fróðlegt.
Hann mælti sterklega með þessari kaffikvörn sem myndin er af en hún fæst hjá Ormsson og er víst mun betri en kvörnin sem Te & Kaffi eru að selja samkvæmt honum og gáfu þeir t.d. starfsmanni í fyrirtækinu þessa í afmælisgjöf en ekki vélina sem þau eru sjálf að selja.

Ég fékk tölvupóst í gær og ég beðinn um að taka þátt í þessu litla verkefni og þáði ég það enda nokkuð sniðugt að mínu mati. Málið er að frumkvöðullinn að þessu tekur eina mynd á filmuvél með 36 mynda filmu og sendir þetta síðan á næsta mann í keðjunni og hann gerir það sama og sendir hana áfram. Þannig taka 36 einstaklingar um allan heim eina mynd og gert verður gallerí með þessum myndum og verður gaman að sjá útkomuna úr því.

Í dag fer ég á æfingu í Dómkirkjunni hjá Burkna og Unni en þau eru að fara að gifta sig og ég og Sonja höfum tekið að okkur að taka myndir fyrir þau. Ég ætla aðeins að spjalla við prestinn og taka nokkrar "demó" myndir eins og maður segir í bransanum ;-)

Við Sonja erum búin að vera að pæla í borðstofuborði í aðra stofuna hjá okkur á Leifsgötunni (erum með tvær samliggjandi stofur) og er pælingin hjá okkur að hafa minni stofuna sem meira svona vinnuherbergi með bókahillum, stóru borði í miðjunni með tölvunni og þar sem maður les blöðin o.s.frv. Þegar einhver kemur í mat getur maður síðan tekið tölvubúxið af borðinu og notað það sem borðstofuborð. Við höfum verið að pæla í borðum og okkur var boðinn 50% afsláttur á tveimur borðum sem báðar eru með rauf í miðjunni fyrir snúrur, annað hjá Pennanum og hitt í búð í Garðabæ. Við vorum ekki 100% ánægð með þessi borð þannig að við erum búin að taka ákvörðun um að fá okkur bara límtrés plötu hjá Byko eða Húsa og búa sjálf til rauf og lakka eins og við viljum hafa hana og setja hana síðan á fætur, t.d. fæturnar á skrifborðinu sem við notum í dag og eru úr stáli og ansi massívar.

Ég fékk pósta frá bæði BYKO og Húsa í gær með viðskiptakortum sem veita mér 10% afslátt hjá þeim og allskonar aukaafslátt á ýmsum vörum eins og t.d. 50% á gardínum o.flr. BYKO gefur okkur síðan ljós og tvo lykla og Húsa gefur okkur reykskynjara. Ég er nokkuð ánægður með hvað markaðsdeildirnar eru sniðugar hjá þeim að fylgjast svona með hverjir eru að kaupa og slíkt - ég veit reyndar ekki nákvæmlega hvernig þeir fengu þessar upplýsingar, sennilega þinglýsingunni á sölusamningnum eða eitthvað slíkt.

Ég kvartaði við Persónuvernd og síðan Öryggismiðstöðina um myndavélavesenið í Smáralind fyrir einhverju síðan og baðst Öryggismiðstöðin svona hálfvegis afsökunar á því að starfsmaður hafi gengið heldur röggsamlega fram í þessu og sögðu að mér hafi verið í sjálfval sett hvort ég gæfi upp nafn og kennitölu sem ég er reyndar ekki sammála að hafi verið val í þessu tilviki. Ég er að gæla við að senda Persónuvernd formlega kvörtun en ég held að ég græði í raun ekkert á því.

Búin að selja íbúðina: 18,8 kúlur

Er kominn aftur til Englands eftir viku í Rauða Hafinu (eða Red Sea, eins og það heitir á frummálinu). Var um borð í mjög flottum bát sem heitir Cyclone og var valin "livaboard" bátur ársins árið 2003. Við vorum vaklin kl. 6 hvern morgun og tekin ein köfun fyrir morgunkaffi. Eftir morgunkaffið var svo tekin önnur köfun og svo var snæddur hádegismatur. Eftir hádegismatinn var svo önnur köfun og svo var alltaf ein næturköfun í lokin, annað hvort fyrir eða eftir kvöldmatinn, eftir því hvernig stóð á. Ég læt hér fylgja með nokkrar myndir frá síðustu köfunninni, en flestar myndirnar mínar eru á tölvunni hans Sigvalda og því fáiði ekkert að sjá neitt mikið meira fyrr en ég kem heim frá Englandi. Þessar myndir eru allar teknar rétt utan við Sharm el Sheikh.

Hef verið að hlusta á nýju Morrissey plötuna undanfarið og er hún bara nokkuð góð. Hef ekki tekið hana 100% í sátt ennþá en það eru mjög góð lög þarna eins og hið angurværa "Dear God, please help me". Þegar maður pælir í textanum þá spyr maður sig hvort hann sé um samkynhneigð, spurning hvort sérlegur ráðgjafi Slembara um Samkynhneigð svari því? Hvað er annars að frétta af honum - er hann kominn úr kafi úr Rauða Hafinu?

Dear God, please help me
"I am walking through Rome
With my heart on a string
Dear God, please help me

And I am so very tired
Of doing the right thing
Dear God, please help me

There are explosive kegs
Between my legs
Dear God, please help me

Will you follow and know
Know me more than you do
Track me down
And try to win me?

Then he motions to me
With his hand on my knee
Dear God, did this kind of thing happen to you?

Now I'm spreading your legs
With mine in-between
Dear God, if I could I would help you

And now I am walking through Rome
And there is no room to move
But the heart feels free"

Merkilegt að þegar dollarinn lækkaði úr 110 kr. niður í 59 kr. þá lækkaði bensínverð nánast ekkert en núna þarf að hækka það þegar hann hækkar um nokkrar krónur.

Úr mbl:
Stóru olíufélögin og flest dótturfélaga þeirra hækkuðu bensínverð í gær og er algengt verð á sjálfsafgreiðslustöðvum tæpar 115 krónur. Orkan og Atlantsolía hækkuðu ekki og er lítrinn þar um það bil þremur krónum ódýrari. Hækkunin er meðal annars rakin til þess að krónan hefur lækkað og dollarinn hækkað á móti, en olíuvörur eru keyptar í dollurum.

Jæja, einn hluti af ferðalaginu okkar á síðustu helgi er kominn inn á SmugMugið og eru það myndir frá Kárahnjúkum. Best er að skoða þetta með því að smella á SlideShow uppi í hægra horninu og þegar það byrjar og myndirnar birtast er ágæt að haka við valbox hægra megin við Caption efst til þess að sjá textann með myndunum (eða ýta á takkann "c" en hann gerir sama gagn). Kárahnjúkar

Hvert stefnum við?
Japanar búa til vélmenni sem er ætlað að annast eldri borgara

Jæja, við erum aðeins byrjuð að fara yfir myndirnar frá Kárahnjúkum og hérna eru nokkrar myndir valdar af nánast handahófi en ég stefni á að setja inn á SmugMug svona 150 myndir þaðan á næstu dögum.


Fyrri myndin er af verkamanni upp á stíflunni og sú seinni af Unnari verkstjóra sem fór með okkur um svæðið.


Hérna er verið að vinna við að setja steypukápu á stífluna.


Konudeildin - þessar tvær konur vinna á völturum ofaná stíflunni.


Dekkin á þessum trukkum eru um 2m há.

Við Sonja "skruppum" upp á Kárahnjúka um helgina og lögðum við af stað á fimmtudagskvöldið og vorum komin rúmlega sólarhring síðar. Við komum síðan aftur í bæinn núna seinnipartinn. Við keyrðum þetta á Subaru Impreza og var þetta alveg frábær helgi verð ég að segja.

Í Kárahnjúkum vorum við í fríu fæði og húsnæði og fengum síðan að fara með verkstjóra um vinnusvæðið við stífluna og fórum við bæði upp á stífluna, sem er orðin ansi há, og í gegnum göng neðst í hana og allt í kring. Ég held að við höfum verið ansi heppin því venjulega fá ekki nema þeir sem eru að vinna þarna að fara svona víða um svæðið og ekki nema að þeir séu að vinna akkúrat á viðkomandi svæðum. Ég verð að segja að það að sjá þetta svona með eigin augum og fara ofaní göngin og slíkt var mögnuð upplifun.

Ég ætla að setja saman ferðasögu og henda inn myndum í vikunni en hérna koma nokkrar að handahófi frá ferðinni austur.


Við Reynisfjöru.


Þessi hundur tók ástfóstri við Sonju við Reynisfjöru og elti hana út um allt. Þegar Sonja settist fór hann nánast í fangið á henni eða stóð með framlappirnar á bakinu á henni. Við vorum að gæla við að taka hann bara með okkur.


Einn flottasti sveitabær sem ég hef séð, Foss á Síðu.


Gamlir kofar.


Þessir rúllubaggar voru í röð í sandinum.


Grænn og blár.


Allskonar litir.


LU bíll.


Ég er orðinn ansi hrifinn af svona myndum, þ.e. litlir litir og snjór í fjöllum. Er að pæla í að stækka einhverja svona mynd í svona meters breidd og láta prenta hana á striga í nýju stofuna á Leifsgötunni.

Ég læt meira inn síðar og þá sérstaklega frá Kárahnjúkum.

Ég er enn í Northallerton, en í gær skruppum við Matthew í bíltúr til Redcar, þar sem ég keypti smá kafaradót sem ég þarf að hafa með mér til Egyptalands. Til að komast til Redcar þurftum við að keyra í gegnum Middlesbrough, sem ég verð bara að segja er sú allra ljótasta borg sem ég hef nokkurntíman augum litið. Í borginni eru að mér sýndist 2 kjarnorkuver auk fullt af öðrum mjög stórum verksmiðjum með háum turnum sem m.a. spúa eldi og eiturgufum út í loftið og mengunin var hreint út sagt óhugnaleg og maður fann sterkann fnyk af einhverskonar efnum bara á því að keyra í gegnum borgina. Rétt við borgarmörkin var svo ein verksmiðja, umlukin gasfnyk og hafði maður það á tilfinningunni að ef einhver kveikti á eldspítu þarna þá myndi allt loftið breytast í einn eldhnött, en umhverfið í kring var mjög dautt og vottaði ekki fyrir neinu dýralífi, heldur bara mýri og drasl. Ég var svo gáttaður á þessu að ég tók engar myndir. Miðað við andrúmsloftið þarna þá er ég frekar hissa á því að borgin eigi lið í efstu deildinni, nema að leikmennirnir búi einhverstaðar annarstaðar og komi til borgarinnar aðeins til að spila í 90 mínútur og fari svo í súrefnismeðferð strax á eftir.

En ég er líka búinn að skreppa til York (víkingaplássið), Darlington, Seaton Carew, en sá staður var eitt sinn einn af fallegustu stöðum Englands, lítið sjávarpláss með fallegri strönd, Matthew lék sér þarna sem krakki og vildi því sýna mér staðinn. En það er þetta með litla bæi út á landi að það þarf að byggja upp atvinnulíf. Og hvað er betra en stóriðja. Svo það var byggð stór verksmiðja þarna, en það virtist ekki vera nóg svo það var byggð önnur stór verksmiðja og í dag er þetta bara dapur draugabær og hættir sér enginn þar út á kvöldin af ótta við ræningja eða eitthvað þaðan af verra. Allur gamli sjarminn sem var á þessu litla sjávarplássi er gjörsamlega horfinn og það er eins og menn séu ekki einu sinni að reyna að gera bæinn fínan og er málningin t.d. flögnuð af á mörgum stöðum og þetta er allt eitthvað svo dapurlegt. Fyrir nokkrum árum bjó milljónamæringur þarna og fór hann í bíltúr með kærustunni, en þegar hann steig út úr bílnum á bílastæðinu við ströndina þá réðust á hann ræningjar og rændu honum og heimtuðu lausnargjald og veit ég í rauninni ekki hvernig þetta endaði, en semsagt í dag er þetta semsagt bara sorglegur draugabær umlukinn ljótum stórum verksmiðjum og mikilli mengun. Nákvæmlega það sem Íslendingar eru að gera núna. Byggja stórar verksmiðjur til að bjarga litlum þorpum út á landi, sem enginn vill svo búa í því það er svo stór og ljót verksmiðja við bæinn. Jæja, það þýðir ekkert að svekkja sig á svona hlutum, maður fær ekkert betri stjórn en maður kýs yfir sig.

Ætli það endi ekki þannig að þeir sem hafa efni á því flytji frá Íslandi til heitu landanna og komi svo bara heim við og við til að athuga hvort ástandið sé eitthvað betra en síðast.

Læt þetta gott heita í bili

Við Sonja ætlum að fara á Kárahnjúka um helgina að taka myndir. Við leggjum af stað seinnipartinn á morgun og gistum á Vík eða á því svæði næstu nótt. Við keyrum síðan að Kárahnjúkum á föstudaginn og verðum þar fram á sunnudag og keyrum þá heim sem verður ansi mikill akstur fyrir einn dag. Við höfðum samband við Landsvirkjun og munum fá að taka myndir af mönnum að vinna á svæðinu og verðum í ókeypis gistingu og fæði hjá þeim.

Ég verð semsagt ekki á tippfundi á laugardaginn.

Your results:
You are Iron Man

Iron Man 65% Superman 65% Green Lantern 60% The Flash 60% Supergirl 55% Robin 53% Wonder Woman 50% Spider-Man 45% Catwoman 40% Hulk 35% Batman 25%

Inventor. Businessman. Genius.

Hmmm ... ekki góðir tímar hjá United, t.d. eru þetta 5 efstu fréttirnar á Manchester Football:

1. United að fara að kaupa afrískan leikmann í sumar frá Lille. Næsti Djemba-Djemba-Djemba ?
2. Skoski leikmaðurinn ætlar að reyna að koma United í annað sætið í deildinni.
3. Skoski leikmaðurinn ætlar að vinna aftur sæti sitt í liðinu.
4. Silvestre hinn mistæki ætlar að sanna að hann eigi heima í United liðinu.
5. Ferguson er búinn að gefast upp með að ná Chel$ki í deildinni.

Úffff segi ég bara.

Jæja, þá er maður kominn til útlanda. Lenti semsagt um 18:30 í gær á Stansted. Og ég var svo forsjáll að kaupa lestarmiða á netinu með Stansted express til London. Svo þegar ég var búinn að sækja miðann minn í miðavélina og var ásamt öðru fólki að leita að lestinni þá kom þar að ung stúlka sem að sagði við okkur að það væru engar lestir í kvöld. Ég áttaði mig ekki alveg á því hvað hún meinti og aðrir sem stóðu þarna eins og illa gerðir hlutir á lestarpallinum voru heldur ekki alveg að fatta. En það sem hún meinti var semsagt að það voru engar lestir til london um kvöldið og vísaði okkur í rútuna í staðin. Ég spurði hana því hvort að það hafi því verið algjör óþarfi fyrir mig að kaupa first class ticket og hún bara brosti og sagðist vera voða sorrí yfir þessu og lét mig fá smá miða sem ég gat skrifað á hvað mér fannst þjónustan vera frábær og skilað því til þeirra síðar og sagði við mig líka að ég ætti að reyna að fá ókeypis miða í staðin. En svona miði kostaði £24 en rútumiði kostar einhvern skít og kanil, enda ekki alveg það sama. Bæði tók ferðin lengri tíma og náttúrulega verri sæti, þó að þetta hafi svosem verið ágætis rúta, en sama hversu góð rútan hefði verið þá hefði hún aldrei náð first class í lest standardinum.

En þetta var bara versti hluti ferðarinnar. Flugið var mjög gott og flaug ég í nýju vélinni sem Iceland express á og var þetta mjög góð vél og pantaði ég sæti við neyðarútganginn og fékk mjög mikið pláss fyrir mig, en það voru ekkert mjög margir í vélinni svo ég hafði 3 sæti fyrir mig við neyðarútgang og gat því teigt úr mér á leiðinni með lappirnar upp í sætunum og las moggan. Veðrið var alveg frábært og sérstaklega yfir Englandi þar sem að sólarlagið var mjög flott.

Í gærkvöldi var svo farið á næturkúbb sem var alveg við hótelið og var þar drukkið og tjúttað fram eftir nóttu.

Og í dag var lestin tekin frá London til Northallerton þar sem ég sit núna heima hjá mömmu Matta, drekk kaffi og þvælist á netinu.

Matthew fór í gær í kafaraljósmyndabúð og keypti handa mér hús utan um myndavélina, svo núna get ég tekið myndir í kafi.

Tók saman síðustu 100 blögg hvað hver maður hefur verið duglegur að blogga og niðurstöðurnar eru sláandi. Verða menn ekki að fara að vera duglegri, hvað segið þið um það helvítis tossarnir ykkar?

Ægir litli hringdi í mig seinni partinn í gær og spurði hvort við ættum að gera eitthvað - ég náði því í hann í Hafnarfjörð og við fórum heim til mín, fengum okkur pylsur og horfðum á Simpsons og fórum síðan í Laugardalslaugina. Það var ansi magnað að vera í frosti og myrki í lauginni því það kemur svo mikil gufa upp af henni og skemmtileg lýsing geriri þetta nokkuð magnað. Ég er að spá í að fara og taka myndir þarna næst þegar aðstæður verða svipaðar.

Mæli með þessu podcast-i. Þetta er gaurinn úr Office með tveimur félögum sínum að spjalla og er það ansi fyndið. Fínt að hafa þetta í iPod-inum og hlusta þegar maður er að labba eða keyra: Ricky Gervais... Obviously.

Gærdagurinn var góður.

Við Sonja skrifuðum undir kaupsamning af Leifsgötu 16 og núna erum við orðnir eigendur af þeirri ágætu íbúð. Langamma mín bjó á Leifsgötu þannig að það má segja að hluta til að ég sé kominn heim. Við erum mikið að pæla í því hvernig við ætlum að hafa íbúðina, þ.e. hvernig við ætlum að innrétta, hvort við ætlum að gera breytingar á henni o.s.frv. Við höfum einnig verið að skoða sófasett, langar báðum í flottan hvítann leðursófa sem myndi passa vel við gömlu "retro" stólana okkar í stofunni.
Stofan er tvískipt og ég fékk þá hugmynd í hausinn að innrétta annan helminginn eins og lítið kaffihús, þ.e. lítinn skenk í horninu, tvo kaffihúsaborð á gólfinu o.s.frv. Veit ekki hvort þetta er praktískt en ágæti hugmynd engu að síður.

Sáum t.d. þennan stól í gær sem er sýndur með þessi bloggi sem okkur langar mikið í - held að þetta sé einhver fræg hönnun og verðið eftir því en fallegur er hann! Reyndar spurning hvort maður sé ekki kominn of langt í efnishyggjuna en ég hef nú samt áhuga á að gera íbúðina soldið flotta.

Við héldum upp á undirskriftina með því að fá okkur að borða á bæjarins bestu eins og sönnum miðjbæarrottum.

Um kvöldið fórum við og fengum okkur drykk á Victor með aðdáendaklúbb mínum ;)
Svo er mál með vexti að ég fékk á síðustu helgi tölvupóst (sem ég setti hérna inn) frá ensku pari sem sagðist hafa fylgst með myndasíðunni minni lengi og ákveðið að koma til Íslands útfrá því. Þau vildu hitta mig og við Sonja fórum því og fengum okkur drykk með þeim. Við sátum með þeim í 3 klst og var það mjög gaman, skemmtilegt fólk sem gaman var að tala við og ótrúlegt hvað alnetið getur leitt fólk saman.
Þegar heim var komið tékkaði ég á tölvupóstinum mínum og sprakk úr hlátri því ég var kominn með tölvupóst frá einhverjum öðrum sem byrjaði svona: "I very much like your photographic work, it has inspired me to want to visit Iceland.".