Fyrsti fundur tippklúbbsins 1slembXslemb2 var haldinn heima hjá mér kl. 11 í morgun. Ánni mætti korteri of seint en hinir mættu á réttum tíma, nema Siggi sem mætti bara alls ekki, og ekki náðist í hann í síma (einnig voru tveir mjög ungir sérfræðingar með í hópnum okkur til ráðgjafar). Við fengum okkur bakkelsi að borða og pældum í seðlum vikunnar, og enduðum á því að kaupa 3 nokkuð dýra seðla. Siggi verður ekki með í fyrstu viku en mætir væntanlega á næsta fund. Ákveðið var að ef menn mæta ekki á tippfundi þá eru þeir ekki með nema þeir hafi sjálfir frumkvæði í að láta einhvern einhvern af okkur vita.
Ákveðið var hvaða ábyrgðir meðlimir hafa og skiptist þetta þannig niður:

Pálmi	Tölfræði- og fjarskiptafulltrúi
Ánni	Sérlegur sérfræðingur um enska boltann
Jói	Skipulagsmál
Hjölli	Gjaldkeri og ritari
Siggi	Tölfræði og bestunarpælingar