Slembibullsbraedur

sunnudagur, mars 21, 2004
Joi | 16:44
Skrifa ummæli

Tippfélag(ar) Hjörelifs Sveinbjörnssonar
Annar fundur tippfélagsins var haldinn í þynnku á laugardaginn kl. 11. Fundarstaður var Kaffivagninn og var hann vel til fundinn hjá Sigga. Frábært að sitja inni í reykingalykt og horfa út á fagurbláan sæinn í þessu góðviðri.
Það sem vakti athygli var skeleg fundarstjórn undirritaðs og stýrði hann þessum fundi af mikilli röggsemi og ákveðni. Ánni byrjaði fundinn með því að kvarta sárann yfir því hversu illa þetta var skipulagt en fundarstjóri svaraði öllum ásökunum af festu og var mál manna að skipulag hafi verið með ágætum.
Ákveðið var að notast við tæki og tól sem bjóðast í að hjálpa okkur við að krækja í þann stóra og ætla Pálmi og Siggi (aðalgagnrýnandi) að pæla í mismunandi kerfum og bestun á tippinu.
Menn ákváðu að félagið skyldi heita Tippfélag Hjörleifs Sveinbjörnssonar, Tippafélagar Hjörleifs Sveinbjörnssonar, eða Tippfélagar Hjörleifs Sveinbjörnssonar og man ég ekki alveg hvort var ákveðið.
Ánni fékk mínusstig í kladdann fyrir niðurrifsstarfsemi en Hjölli fékk tvö plússtig fyrir áræðni í upplýsingaleit.
Ákveðið var að Hjölli muni útbúa excel skjal yfir allar greiðslur meðlima í klúbbinn til að auðvelda utanumhald og mun hann mæta með útprentun af því á alla fundi.