Búinn að vera annasamur dagur í dag. Vaknaði upp heima hjá Jóa klukkan 03:30, var kominn á fætur um 20 mínútum síðar eftir að Jói var búinn að ganga um húsið og kalla "RÆS".
Við (ég, Jói og Sonja) héldum svo af stað um 04:24 áleiðis til Keflavíkur. Stoppuðum aðeins svo að Jói gæti talað við lögguna í smá stund (eins og búið er að greina frá hér að neðan). Ég fylgdi þeim svo inn í flugstöðina passaði upp á að þau færu örugglega út. Svo keyrði ég heim aftur og fór að sofa klukkan 06:00 og vaknaði aftur þennan dag klukkan um 09:30 (frekar skrítið að vakna svona tvisvar sama morguninn). Í dag er ég svo búinn að vera á þönum og er orðinn frekar þreyttur núna. Gæti best hugsað mér að slappa bara af eða fara í bíó.
Nú er ég farinn að fá mér eitthvað smá snarl og ætla svo að kanna stöðuna á Bjarna og Kela. Kannski maður kíki á póstinn hans Jóa áður líka.