Jæja, Siggi hefur sent frá sér pistil og við skulum bara setja hann inn án ritskoðunar:

Af spjátrungum, góðborgurum og öðrum þjóðfélagsþegnum
Þegar opna skal kaffihús er vert að hafa margt í hug. Svo sem staðsetning, verðlagning, æskilegir gestir, óæskilegir gestir, starfsfólk, aðbúnaður og svona mætti lengi telja. Skipta má kaffihúsum/börum í nokkrar lykilkatagoríur

1. Settleg kaffihús, þetta eru kaffihús sem keyra á kellingar sem kaupa kaffibolla og gulrótarköku með gervirjóma, en vöruúrval og staðsetning oft á tíðum er þess eðlis að þeir sem eyða peningunum, oft á tíðum óþolandi spjátrungar, sjá sér ekki fært að mæta.
2. Fínu kaffihúsin fyrir fallega og fræga fólkið. Þarna eru um að ræða stað þar sem fallega og fræga fólkið kemur saman og suðsvartur almúginn getur minglað með ef þeir mæta snemma um helgar, því svona staðir fara í manngreinarálit og hleypa bara sumum inn eftir tólf. Munur á þessum kaffihúsum og þeim settlegu er að staðsetning og vöruúrval nægir til að spjátrungarnir fylgi kellingunum inn og eyðar þar af leiðandi peningum, en um leið og kellingunum finnst þessir staðir orðnir þreyttir þá hætta þær að mæta og spjátrungarnir fatta það c.a. mánuði síðar af því ekkert hefur hlaupið á snærið hjá þeim og hætta er á að staðurinn fari á hausinn í kjölfarið.
3. Hefðbundnir barir eru trúir málstaðnum og fylgja í raun fáum straumum og stefnum og gefa sig í raun út fyrir fátt annað en að selja brennivín, sumir reyna að ginna fólk til að drekka brennivín hjá sér með því að spila á gítar fyrir gesti eða eitthvað slíkt en sumar hafa ekki einu sinni tónlist, láta bara gestina sjá um að skemmta sér og öðrum. Ekki er hægt að ganga út frá neinu við rekstur svona staða, sumir ganga vel og aðrir illa og erfitt er að sjá hver ástæðan er, eina sem virðist nokkuð ljóst að ef bar er opnaður í húsnæði þá virðist hann komin til að vera hvort sem eigendaskipti eiga sér stað eða nafninu breitt. Þetta bendir til þess að ef vel er á spöðunum haldið þá sér þetta nokkuð öruggt bet að veðja á hefðbundin bar.
4. Kaffihús og mötuneyti hinna vinnandi manna
   Kaffivagninn, Múlakaffi, Kaffi strætó, Kænan og fleiri staðir flokkast í þessa katagoríu, virðast margir hverjir ganga vel enda erfitt annað þegar kleina kostar á sjöunda hundrað. Hins vegar hefur mér alltaf fundist vanta í þessa katagoríu stað sem inniheldur kojur þannig að menn geti tekið sér smá blund eftir hádegis eða kvöldmat.

Sjálfsagt er hægt að greina þetta enn frekar en ég hef ákveðnar efasemdir um stofnun settlegs kaffihúss vegna þess að spjátrungana vantar en einhver þarf að draga vagninn og borga brúsan, staður fyrir fallega og fína fólkið er áhættusamt en ég held að svarið liggi í nýjungum og að tengja kojur við settlegu kaffihúsin eða eitthvað annað biltingarkennt. Hver er viðbrögð manna við þessum hugmyndum?