Það er búin að vera hrina í gangi í minni Eyjafjarðar og er ég nú búinn að fara yfir 143 skjálfta síðustu 2 daga, en það gerir að meðaltali, sem er ágætur slatti. Svo er maður líka á tölvubakvakt og kom upp bilun í nótt og ég var því kominn í vinnuna fyrir 6 í morgunn, en þar sem að það var partý hjá nágrönnunum (að venju) þá sofnaði ég ekkert fyrr en um 2 leitið (var a vísu að lesa Da Vinci lykilinn, svo mér leiddist nú ekkert og sofnaði svo út frá bókinni sennilegast um 2 leitið), en síminn hringdi um 20 mínútur yfir 5 svo ekki var nú svefninn langur.
Nú er ég að verða búinn að pikka skjálfta í allan dag (svipuð hreyfing og að leggja kapal í tölvu í 10 klukkutíma og heilinn verður jafn steiktur fyrir vikið).

Nú ætla ég því bara að drulla mér heim, horfa á Svía og Dani gera 2-2 jafntefli, eða Ítali tapa fyrir Búlgörum og taka því bara rólega í kvöld. Það er vonandi að þessi hrina fari nú að taka enda.
Svo má líka stalka mig í dag, þar sem að það var vitnað í mig í útvarpsfréttum og hjá mogganum.

Mér líður eins og ég sé kominn með svefngalsa (og smá hausverk).