Tékkaði aðeins á Commandos 3 og Max Payne í gær. Ekki slæmir leikir það. Að vísu gengur mér ekkert of vel í Commandos og er ég bara í fyrsta verkefninu, en þar sem að þetta er svo flottur leikur þá er það allt í lagi, maður er bara svona rétt að læra á þetta. Max Payne er ótrúlega flottur og maður er eiginlega bara að stjórna einni persónu í bíómynd og maður fylgir ákveðnum söguþræði. Flott líka að sjá þetta sýnt hægt þegar persónurnar eru drepnar. Svo var ég aðeins byrjaður á Rise of Nations og er búinn með 1. borðið þar, sem er eiginlega bara svona kennsluborð og fer maður í gegnum öll stig í því borði og framleiðir allt og nær svo að lokum heimsyfirráðum, en þetta gerir maður á tiltölulega skömmum tíma, miðað við þennan leik, eða á u.þ.b. 2,5 klukkutímum.