Greinilegt er að almættið er eitthvað í nöp við mig. Enn og aftur er ég meiddur og nú tognaði ég í aftanverðu vinstra læri.
Þetta virðist engan endi ætla að taka, hef verið meiddur í læri, olnboga, úlnlið og nú aftur á læri á 2 árum. Auk þess er ég með rifinn liðþófa í vinstra hné og var lengi frá vegna grunað slits á liðþófa á hægri hné.

Hvort það sé verið að segja mér að ég eigi ekki að stunda íþróttir nokkurn tímann aftur veit ég ekki.
Vonandi er þetta ekki eins alvarlegt og síðasta tognun, en þetta lítur ekki vel út.

þetta gerðist um helgina í óvissuferð þar sem nokkrar íþróttaþrautir voru, ekki tók ég nú vel á þ.a. þetta er mjög undarlegt allt.