Pistill frá Sigga
Að mörgu er að hyggja þegar líður að jólum og peningabudda slembibullsbræðra og áhangenda þeirra oft á tíðum ansi létt eftir jólin, þar sem ég er fulltrúi neytanda á síðunni þá verður hér örstutt umfjöllun um neytendamál.
Hér kemur fyrsta neytendahornið fram að jólum, en það fjallar um smjör og önnur viðbit.
Viðbit, allir verða að eiga smjör um jólin, látið ekki glepjast af auglýsinga gylliboðum um fituminnsta viðbitið og bla bla bla. Haldið neyslu smjörs í hófi um hátíðarnar en skerið það þó ekki alveg við nögl því helstu kostir viðbits eru eftirfarandi: - Mýkja samlokur og gera þær safaríkari
- Sérlega gott er að steikja sveppi upp úr smjöri
- Fiskur er einnig góður með bræddu smjöri.
- Einnig getur smjör hentað vel til leikja sérstaklega ef koma þarf lengri og breiðari hlutum inn í þröng göt.
- Misjafnt er hvort viðbit kemur úr dýraríkinu eða jurtaríkinu, sérfræðingar tjá mér að hollara sé að fá viðbit úr jurtaríkinu þó þeir skilji nú eiginlega ekki afhverju.
Fyrir áhugasama er hér uppskrift sem inniheldur smjör :
Hráefni
50 g smjör
1 msk smjör
12 stk humarhalar
6 stk franskbrauðsneiðar
2 stk portobellosveppir
1 stk hvítlauksrif
nokkur kórianderlauf
salt og pipar
Sósa
1 dl hvítvín
1 dl rjómi
100 g kalt smjör
2 msk olía
2 stk hvítlauksrif
safi úr 1 limeávexti
Skelin af humrinum
Undirbúningur
Skerið skorpuna af franskbrauðssneiðunum og skerið til helminga til að þynna þær.
Leggið humarinn ofan á þunna sneiðina og rúllið brauðinu upp. Hellið því næst bræddu smjöri með hvítlauk yfir. Setjið þá humarinn umsvifalaust í kæli. Þá ætti smjörið að harðna. Steikið þá brauðvafinn humarinn á heitri pönnu með ögn af smjöri.
Sveppir
Takið skinnið af sveppunum og penslið þá með smjöri. Kryddið með salti og pipar og bakið þá við 150°C í 30-45 mínútur.
Matreiðsla
Steikið humarskelina við háan hita í olíunni. Bætið þá vatni eða hvítvíni út á pönnuna og sjóðið niður um helming. Setjið þá rjóma og hvítlauk út í og sjóðið aftur niður um helming. Sigtið sósuna og hrærið köldu smjöri saman við hana. Athugið að eftir að smjörið er sett út í má sósan ekki sjóða. Kryddið sósuna því næst með salti, pipar og limesafa.
| |
Hmmm ... setja einhvern andskotans formála á uppskrift sem þú sendir mér gjörsamlega ómeðhöndlaða, þ.e. klippir hana af netinu og tekur ekki einu sinni út drasl sem á ekki að vera með þýðir að ég eyddi svona 4x meiri tíma í þetta drasl heldur en þú Sigurður! Þú hefur átt marga lélega pistla sem margir hverjir náðu gjörsamlega botninum en þú hefur toppað þá og kemur með lélegasta pistil sem hefur sést!
15:26 Joi
Fúlir með hvað þá? Að taka texta úr öðrum síðum, skrifa smá formála til að eigna sér textann og pasta hann á bloggið? Er Siggi nokkuð skyldur Hannesi?
19:38 Joi
Pistlahöfundur á að taka eitthvað efni fyrir, skoða það frá öllum hliðum, spyrja spurninga og svara því sem hægt er að svara en ekki cut-a og paste-a uppskrift af netinu. Hvað yrði sagt ef leiðari Morgunblaðisin væri einn daginn bara uppskrift af köku sem hefði komið fram áður á uppskriftasíðu DV?
16:54
Ég skrifaði síðustu athugasemd af Anonymous.
16:54 Joi
|
| 
