Ég er búinn að komast að því hvað mig langar til að vera að gera í lífinu eftir svona 10-15 ár starfslega séð. Ég myndi vilja vera ljósmyndari að atvinnu sem tekur að sér verkefni í öllum hornum heimsins, t.d. að fara á staði sem menn koma ekki oft á og festa fólk og menningu á skynjara (ekki verður það filma a.m.k.). Það er ekki mikill markaður fyrir svona starf en þó eru slatti af ljósmyndurum sem ferðast út um allt til að taka myndir fyrir tímarit, bækur o.s.frv. Það eru nú ekki miklar líkur á því að þetta verði að veruleika því ansi margir myndu vilja vinna við þetta svið.
Starfssvið númer tvö sem ég væri til í að vinna við er þróun á hugbúnaði fyrir ljósmyndamarkaðinn, þ.e. forrit sem vinnur með ljósmyndir. Dæmi um slíkt fyrirtæki er t.d. Pixmantec í DK o.flr. Spurning hvort það sé ekki meiri möguleiki á að vinna við þetta verksvið heldur en það fyrra? Það þriðja er að vinna við tímarit erlendis, þ.e. hugmyndavinnu, vinna við stefnumótun og annað sem kemur að útgáfu tímarits. Draumatímaritið væri náttúrlega National Geographic eða eitthvað slíkt sem felur í sér greinar og ljósmyndir (Playboy ;) ).
Öll störfin felast í sér að ferðast mikið erlendis eða búa erlendis og vinna hjá erlendu fyrirtæki því það er enginn markaður fyrir þessi störf hér á landi (ekkert spennandi tímarit hérna finnst mér sem ég væri til að vinna hjá).
Jæja, þetta eru svona pælingar hjá mér og ég veit ekki einu sinni hvort ég vill búa erlendis, kann andsk... vel við mig hérna þó að öllum sé holt að skipta um umhverfi.

Snemma í morgun fór ég á lengsta tippfundinn til þessa, var frá kl. 10 til 12 og eftir það kíkti ég á Súfistann á laugarvegi og fékk mér kaffi og kíkti í blöð og bók (Michael Phalin's Himalaya Adventure) og núna er ég að horfa á Wales-England á ZDF). Seinna í dag förum við síðan á landsleikinn og fáum okkur mat og smá bjór eftir hann.

Later dutes.